«بولاشاق» ستۋدەنتى وقۋ ۇلگەرىمىنىڭ ناشار بولعانى ءۇشىن 25 ملن. تەڭگە تولەيدى
«بولاشاق» ستۋدەنتى ساباق ۇلگەرىمىنىڭ ناشار بولۋىنا بايلانىستى 25 ملن تەڭگە تولەيدى، دەپ حابارلادى استانا سوتىنىڭ باسپا ءسوز قىزمەتى.
«2009 جىلى رەسپۋبليكالىق كادرلاردى شەتەلدە دايارلاۋ كوميسسياسىنىڭ شەشىمىنە سايكەس، س.ەسىمدى ازامات «بولاشاق» حالىقارالىق ستيپەندياسىنىڭ يەگەرى اتانىپ، ۇلىبريتانيادا «قۇرىلىس جانە ارحيتەكتۋرا» ماماندىعى بويىنشا ءبىلىم الۋ تۋرالى قاۋلى شىقتى. «حالىقارالىق باعدارلامالار ورتالىعى» اق مەن ستۋدەنت اراسىندا ءبىلىم بەرۋدى ۇيىمداستىرۋ تۋرالى كەلىسىم جاسالدى. كەلىسىمگە سايكەس، جاۋاپكەردىڭ اكادەميالىق ۇلگەرىمى «جاقسىدان» تومەن بولماۋى كەرەك ەدى»، - دەلىنگەن حابارلامادا.
سوتتا بەلگىلى بولعانداي، جاۋاپكەر ۇلگەرىمى تۋرالى بولىمدەگى تالاپتاردى ورىنداماي، كەلىسىمدى بۇزعان. ول «بولاشاق» حالىقارالىق ستيپەندياسىنان ايىرىلىپ، شەتەلدە ءبىلىم الۋعا جۇمساعان شىعىنداردى قايتارۋعا مىندەتتەلدى.
استانا قالاسىنىڭ الماتى اۋداندىق سوتىنىڭ شەشىمىمەن س. ەسىمدى ازامات «حالىقارالىق باعدارلامالار ورتالىعى» اق-نىڭ پايداسىنا 25 675 842 تەڭگە اقشا تولەيدى.
سوت شەشىمى زاڭدى كۇشىنە ەندى.
You Might Also Like
-
№42 جالپى ءبىلىم بەرەتىن مەكتەپتىڭ 3 «ۆ» سىنىپ وقۋشىسى كوپتىلەۋ نۇرداۋلەت جەتەكشىسى: ساتامبايەۆا ەلميرا
-
اراب تىلىندە «يسلام» ءسوزى بويسۇنۋ، باعىنۋ، مويىنداۋ ماعىناسىن بىلدىرەدى. شاريعاتتا بۇل ءسوز «اللاعا تەك وعان عانا عيبادات ەتىپ باعىنۋ، بۇيرىقتارىن ورىنداۋ ارقىلى بويسۇنۋ جانە كوپقۇ...
