InfoHub Logo

№42 جالپى ءبىلىم بەرەتىن مەكتەپتىڭ
3 «ۆ» سىنىپ وقۋشىسى
كوپتىلەۋ نۇرداۋلەت
جەتەكشىسى: ساتامبايەۆا ەلميرا

 

عالىم دا، شاحتەر دا باس يەتىن،

ۇستازىم بارسەنىڭ قاسيەتىڭ.

ءبىلىم بەرگەن، وي بەرگەن، اقىل بەرگەن،

كوز الدىمنان كەتپەيدى اسىل بەينەڭ،- دەمەكشى، ۇستاز دەگەندە مەنىڭ كوز الدىما اياۋلى ۇستازىم ەلميرا اپاي ەلەستەيدى. ويتكەنى ەلميرا اپايىمنىڭ مادەنيەتتىلىگى، ايتقان اقىلى، بەرگەن ءبىلىمى ءبىزدى جىگەرلەندىرەدى. قيالىمىزعا قانات ءبىتىرىپ، ارمانعا جەتەلەيدى. ءاردايىم دا ۇستازدى سىيلاي ءبىلۋ كەرەك. ويتكەنى بارلىق ادام بالاسى ۇستازدىڭ الدىنان ءوتىپ ءبىلىم مەن تاربيە الادى. ءبىز ءۇشىن ءمۇعالىم بارىنەن دە قىمبات، ويتكەنى ءمۇعالىم – مەكتەپتىڭ جۇرەگى. ءمۇعالىم بارلىق ماماندىق يەسىن تاربيەلەيتىن، وقىتىپ ۇيرەتەتىن مەيىرىمدى، ابزال جاندار. ىبىراي التىنسارين اتامىز ايتىپ كەتكەندەي - دۇنيەدەگى ماماندىق اتاۋلىنىڭ تورەسى – ۇستازدىق. «ءمۇعالىم ماماندىعى – بارلىق ماماندىقتىڭ اناسى» دەمەكشى، ۇستاز الدىنان تاربيە المايتىن جان جوق. ۇستاز بەرگەن تاربيە ءاربىر جاننىڭ ومىرىنە جول سىلتەر شامشىراق سەكىلدى. سوندىقتان ۇلاعاتتى ۇستازدارعا بۇكىل ادام بالاسى قۇرمەتپەن باس يەدى. «ۇستاز بولۋ – ءوز ۋاقىتىڭدى اياماۋ، وزگەنىڭ ۋاقىتىن ايالاۋ» - دەپ فرانسۋز ويشىلى جان جاك رۋسسو ايتپاقشى، ۇستازداردىڭ ەڭبەگى ەرەن. شاكىرت ساناسىنا ءبىلىم ءنارىن سەۋىپ، ەل بولاشاعىنىڭ ورەندەرىن تاربيەلەپ شىعارۋ - ەكىنىڭ ءبىرىنىڭ قولىنان كەلە دە بەرمەيدى. ۇستاز بولۋ – جۇرەك جىلۋىن، مەيىرىم شۋاعىن، ادامگەرشىلىك ۇلىلىعىن بالانىڭ بويىنا دارىتۋ. ۇستاز بولۋ – شاكىرتكە اتا-اناسىنداي بولىپ تاربيە سىيلاۋ. ال قازاقتان شىققان قوعام قايراتكەرى، اعارتۋشى-عالىم احمەت بايتۇرسىنوۆ «ءمۇعالىم – مەكتەپتىڭ جانى» دەپ باعالاعان. وسىدان-اق، ۇستاز دەگەن – ۇلى ەسىم ەكەنىن تالاسسىز اڭعارۋعا بولادى. سەبەبى، ۇستازعا دەگەن قۇرمەت بارىنەن بيىك تۇرادى.

---