اقتوبەدە ءبىلىم سالاسىنىڭ بۇرىنعى شەنەۋنىگى مەن ايەلى سوتتالدى
اقتوبەدە وبلىستىق ءبىلىم سالاسىن باقىلاۋ دەپارتامەنتىنىڭ بۇرىنعى باسشىسى اكىمگەرەي كوشەربايەۆ پەن ونىڭ ايەلى ساعادات سىربايەۆانىڭ سوتى ءوتتى، دەپ حابارلايدى mgorod.kz.
تەرگەۋ مالىمەتتەرى بويىنشا، كوشەربايەۆ وبلىس مەكتەپتەرىن اتتەستاسيادان وتكىزىپ، وڭ باعالاۋ ءۇشىن پارا العان. جوعارى لاۋازىمدى شەنەۋنىك 2015-2016 جىلدارى وزگەنىڭ مۇلكىن جىمقىرۋ ماقساتىندا شالقار اۋدانىنداعى باستاۋىش سىنىپ مەڭگەرۋشىسى مەن قوس ىستەك ورتا مەكتەبىنىڭ ديرەكتورىنىڭ ورىنباسارى ارقىلى پارا الىپ وتىرعان.
تەرگەۋشىلەردىڭ انىقتاۋىنشا، قاراجات مەكتەپتەردىڭ اتتەستاسيادان ءوتۋ ماسەلەسىن شەشۋ ءۇشىن بەرىلگەن. مەملەكەتكە كەلتىرىلگەن شىعىن 600 000 تەڭگەنى قۇرادى. سوتتالۋشى تەرگەۋ باستالعان ساتتەن بەرى ءوز ايىبىن مويىنداعان ەمەس. دەگەنمەن، بۇرىنعى باقىلاۋشى جالپى رەجيم كولونياسىنا 3 جىلعا قامالدى جانە مۇلكى تاركىلەنىپ، ءومىر بويى مەملەكەتتىك ورگاندار مەن مەكەمەلەردە جۇمىس ىستەۋگە تىيىم سالىندى. سوتتالۋشىنىڭ ايەلى دە ءدال وسىنداي قىلمىس بويىنشا ايىپتالۋدا. ساعادات سىربايەۆا ەلەك ورتا مەكتەبىنىڭ ديرەكتورى بولا تۇرا، 50 000 تەڭگە پارا العان. بۇل اقشانى وعان دەلدال اقتوبە ق. №18 مەكتەپتىڭ اتتەستاسيادان وتكىزۋ تۋرالى كۇيەۋىنە ءوتىنىش جاساۋ ءۇشىن بەرگەن. سوت ۇكىمىمەن كوشەربايەۆتىڭ ايەلى ءبىر جىلعا باس بوستاندىعىنان ايىرىلىپ، مۇلكى تاركىلەندى جانە 60 ساعات جەرگىلىكتى باسقارۋ ورگاندارى بەلگىلەگەن ورىنعا ءماجبۇرلى ەڭبەككە تارتىلۋ تۇرىندەگى جازا بەرىلدى.
You Might Also Like
-
ماقتا — باعالى تالشىقتى داقىل. ول حالىق شارۋاشىلىعىنىڭ ءار سالاسىندا ءتۇرلى ماقساتتا پايدالانىلادى. ەڭ باستىسى، ماقتا — توقىما ونەركاسىبى ءۇشىن نەگىزگى شيكىزات. ماسەلەن، ءبىر توننا ءشيتتى ما...
-
ارىسىنا بارمايمىز، «كونە تۇركى جازۋى»، «شاعاتاي ءتىلى» جايىندا زەرتتەۋلەر كوپ-اق. ءبىزدىڭ جازبامىز 20-عاسىرعا ارنالماق. ارينە، بۇل تاقىرىپ تۋرالى ءسوز قوزعاۋ قيىن. كەزىندەگى سا...
