ءار وقۋشى ۇستازىنىڭ تەرىس ارەكەتىن ينتەرنەتكە جاريالاي الادى - ق ر ۆيسە-پرەمەرى
مۇعالىمدەر بالالارعا قاتىستى وزدەرىنىڭ قىزمەتتىك وكىلەتتىگىن اسىرا پايدالانباۋى ءتيىس. بۇگىن استاناداعى № 81 «Astana English School» مامانداندىرىلعان گيمنازياسى مۇعالىمدەرىمەن جانە وقۋشىلارىمەن كەزدەسۋ بارىسىندا ق ر پرەمەر-مينيسترىنىڭ ورىنباسارى داريعا نازاربايەۆا وسىلاي ءمالىم ەتتى.
«وكىنىشكە قاراي، بۇقارالىق اقپارات قۇرالدارىندا وزدەرىنىڭ وكىلەتتىگىن اسىرا پايدالاناتىن مۇعالىمدەر جايىندا جاعىمسىز ماتەريالدار كوپتەپ كەزدەسەدى. ياعني، مۇعالىمدەر وقۋشىلارعا قاتىستى وكىلەتتىگىنىڭ شەگىنەن شىعىپ جاتادى. ءارقايسىلارىڭىز بىلۋلەرىڭىز كەرەك، بۇگىندە ءبىزدىڭ بالالاردىڭ قولىندا سمارتفوندارى بار. اتاپ ايتقاندا، ولاردىڭ ءارقايسىسى سىزدەردىڭ قىزمەتتەرىڭىزگە «تىڭشىلىق» جاساي الادى. سىزدەردىڭ كەز كەلگەن جاقسى نەمەسە جامان ارەكەتتەرىڭىز ينتەرنەتتە كورىنىس تابۋى مۇمكىن»،-دەپ توقتالدى د. نازاربايەۆا.
ونىڭ سوزىنشە، بۇنداي «شارالار» مينيسترلىكتىڭ نەمەسە اكىمدىك تاراپىنان جاسالعان بۇيرىقتار مەن نۇسقاۋلارعا قاراعاندا تيىمدىرەك تارتىپكە سالادى.«بۇل جايىندا ءاردايىم ەستەرىڭىزدە بولعان ءجون» ، - دەپ ءتۇيدى ۇكىمەت باسشىسىنىڭ ورىنباسارى.
You Might Also Like
-
ق ر پرەمەر-مينيسترىنىڭ ورىنباسارى داريعا نازاربايەۆا وقۋشىلاردىڭ جازعى كانيكۋلىن قىسقارتۋ كەرەكتىگى جايىندا ايتتى.
