د. نازاربايەۆا وقۋشىلاردىڭ جازعى كانيكۋلىن قىسقارتۋ كەرەكتىگىن ايتتى
ق ر پرەمەر-مينيسترىنىڭ ورىنباسارى داريعا نازاربايەۆا وقۋشىلاردىڭ جازعى كانيكۋلىن قىسقارتۋ كەرەكتىگى جايىندا ايتتى.
اتاپ ايتقاندا، بۇگىن استاناداعى № 81 «Astana English School» مامانداندىرىلعان گيمنازياسى مۇعالىمدەرىمەن جانە وقۋشىلارىمەن كەزدەسۋ بارىسىندا د. نازاربايەۆا ق ر ىشكى ىستەر مينيسترلىگىنىڭ اقپاراتىن جەتكىزدى. وندا جازدا ءۇش ايعا سوزىلاتىن كانيكۋلدا بالالار اراسىنداعى قىلمىستار قالعان ايلارمەن سالىستىرعاندا كوبىرەك جاسالاتىنى باياندالعان.
«بالالار ءۇش ايدا نە ىستەرىن بىلمەي ءجۇرىپ قالادى. ازىرگە، اۋلا كلۋبتارى بەلسەندى جۇمىس ىستەپ جاتقان جوق، سونداي-اق بالالار لاگەرلەرىندە ورىندا جەتىسپەيدى. بالالار ءوز بەتىنشە جۇرسە، اتا-انالارى جۇمىستا بولادى»،-دەپ توقتالدى ۇكىمەت باسشىسىنىڭ ورىنباسارى.
وسى رەتتە ول ەۋروپادا وقۋشىلار كانيكۋلعا 5 شىلدەدەن كەيىن شىعاتىنىن جانە قازاقستان دا وسى تاجىريبەنى ەنگىزۋى كەرەك ەكەندىگىن جەتكىزدى.
«جاڭا وقۋ جىلىنان (ءبىرىنشى سىنىپقا باراتىندار) بارۋى ءتيىس بالالار 1 ماۋسىمعا دەيىن وقيتىن بولادى. وقۋ جىلى ەڭ ۇزاق دەگەندە ماۋسىمنىڭ ورتاسىنا دەيىن جالعاسۋى مۇمكىن. دەگەنمەن دە مەن شىلدەگە دەيىن جالعاسقاندى قولدايمىن»،-دەدى ۆيسە-پرەمەر.
ونىڭ پايىمىنشا، جازعى ۋاقىتتا بالالار ەرمەك ەتەتىن شارالاردى ەگجەي-تەگجەيلى ويلاستىرۋ كەرەك.
«مىسالى، مەكتەپ ءتۋريزمىنىڭ دامىتقىمىز كەلەدى. وقۋشىلار ەل بويىنشا ساپارلاپ، بارلىق مۇراجايلاردى، تاريحي ورىنداردى، ەسكەرتكىشتەردى ءبىلۋى كەرەك»، - دەدى ول.
اۆتور: رۋسلان عابباسوۆ
You Might Also Like
-
مۇعالىمدەر بالالارعا قاتىستى وزدەرىنىڭ قىزمەتتىك وكىلەتتىگىن اسىرا پايدالانباۋى ءتيىس. بۇگىن استاناداعى № 81 «Astana English School» مامانداندىرىلعان گيمنازياسى مۇعالىمدەرىمەن جانە وقۋشى...
