د. نازاربايەۆا: ءىت سالاسىنىڭ ماماندارىنا سۇرانىس ارتادى
ق ر پرەمەر-مينيسترىنىڭ ورىنباسارى داريعا نازاربايەۆانىڭ بولجامىنشا، قازاقستاننىڭ ەڭبەك نارىعىندا ءىت سالاسىنىڭ ماماندارىنا سۇرانىس ارتادى. بۇل تۋرالى بۇگىن ۆيسە-پرەمەر استانا اكىمدىگىنىڭ كاسىبي-تەحنيكالىق كوللەدجىنىڭ ۇجىمىمەن جانە ستۋدەنتتەرىمەن كەزدەسۋدە ءمالىم ەتتى.
«ءىت ماماندارىنا دەگەن قاجەتتىلىك ەلەۋلى دەڭگەيدە بولادى. ءبىز قازىرگى كەزدە سيفرلى قازاقستان باعدارلاسىمەن جۇمىس ىستەۋدەمىز، سونداي-اق ينۆەستيسيالار جانە دامۋ مينيسترلىگىنىڭ مالەمەتىنشە، الداعى ءۇش جىلدا 65 مىڭ ءىت ماماندارىنا قاجەتتىلىك تۋىندايدى. ياعني جىل سايىن ءبىزدىڭ كوللەدجدەر مەن ينستيتۋتتارعا شامامەن 20 مىڭ مامان دايىنداۋ كەرەك بولادى»،-دەدى د. نازاربايەۆا.
ءوز كەزەگىندە ق ر ءبىلىم جانە عىلىم ءمينيسترى ەرلان ساعادييەۆ 2016 جىلدىڭ 1 قاڭتارىنان باستاپ مەكتەپتەردە، كوللەدجدەردە ينفورماتيكا جانە اقپاراتتىق تەحنولوگيالار پاندەرى اعىلشىن تىلىندە جۇرگىزىلەتىنىن اتاپ ءوتتى.
You Might Also Like
-
ق ر پرەمەر-مينيسترىنىڭ ورىنباسارى داريعا نازاربايەۆا مەكتەپتەر اسحانالارىن جالعا بەرۋ ارقىلى ەلەۋلى تابىستان قاعىلىپ وتىرعانىن ايتتى.
-
ق ر پرەمەر-مينيسترىنىڭ ورىنباسارى داريعا نازاربايەۆا ءبىرىنشى سىنىپ وقۋشىلارى ءۇشىن بەس كۇندىك وقۋ اپتاسىن ەنگىزۋگە قاتىستى تۇسىنىكتەمە بەردى.
