InfoHub Logo

دجوردج لەونارد «شەبەرلىك» كىتابىندا ماقساتقا جەتىپ، كەمەلدەنۋ جولدارىن قاراستىرعان. كەز-كەلگەن ىستە شەبەر بولعىسى كەلەتىن جاندار ءۇشىن، اتالعان كىتاپتان بىرنەشە پايدالى كەڭەس ۇسىنامىز.

قارسىلاسۋعا دايىن بولىڭىز

قارسىلاستىقتىڭ نەندەي سەبەپتى تۋىندايتىنىن ەشقاشان ناقتى بىلە المايسىز. بويىڭىزداعى ۇرەي سەبەپتى مە؟ الدە پسيحوسوماتيكالىق احۋالىڭىز جازىقتى ما؟ مۇمكىن جۇمىستاعى ارىپتەستەرىڭىزدىڭ قاساقانا جاسايتىن زالىمدىقتارىنان بولار؟ وتباسى مۇشەلەرىمەن، دوستارىڭىزبەن اراڭىزدا تۋىنداعان ۇرىس-كەرىس شە؟ اتالعانداردىڭ ەشبىرىن بايقامادىڭىز با؟ وندا ساق بولعايسىز! بەلگىلى ءبىر ورتادا قالىپتاسقان ءتارتىپتى بۇزعانىڭىز ءۇشىن، ارقاڭىزدان پىشاق سۇعۋى مۇمكىن.

دوستارىڭىز، وتباسىڭىز نەمەسە ارىپتەستەرىڭىز تاراپىنان قارسىلاستىق تابۋىڭىز ىقتيمال. مىسالى، ءبىراز ۋاقىت بۇرىن تاڭەرتەڭ 7:30-دا تۇرۋ قيىنعا سوققانىمەن، ساعات 9:00-دا باستالاتىن جۇمىسىڭىزعا ۇلگەرۋگە باردى سالاسىز. ەندىگى، ءوزىڭىزدى قولعا الىپ، كۇندەلىكتى ساعات 6:00-دا ۇيقىدان تۇرىپ، بەس كيلومەتر قاشىقتىقتا جۇگىرىپ، 8:30-دا دەنەڭىز كۇش-قۋاتقا تولى كۇيدە كەڭسەگە جەتەسىز.

بالكىم، سىزدەگى بۇل وزگەرىس سەبەپتى ارىپتەستەرىڭىز بوركىن اسپانعا اتىپ قۋانادى دەگەن سەنىمدە بولارسىز. جو-جوق، مۇنداي بولا قويمايدى. ال ءتانىڭىز قۋاتقا تولى كۇيدە ۇيگە قايتساڭىز شە؟ مۇنداي وزگەرىس وتباسىڭىزعا ۇناي ما ەكەن؟ مۇمكىن.

دەسە دە مىنانى ەستە ۇستاعانىڭىز ءجون: قالىپتاسقان جۇيەنىڭ ءبىر بولشەگى وزگەرگەندە، جۇيەنى تۇتاستاي وزگەرتكەنىڭىز ءجون. سوندىقتان جانىڭىزعا جاقىن جاندار سىزدەگى جاعىمدى وزگەرىستەرگە، كەمەلدىككە تالپىنىسىڭىزعا اشىق تۇردە قارسىلىق تانىتسا، ەش تاڭدانۋدىڭ قاجەتى جوق.

قولداۋ جۇيەسىن قۇرىڭىز

ارينە، ومىرىڭىزگە وزگەرىستەر ەنگىزۋگە ءوزىڭىز عانا ۇيىتقى بولا الاسىز. الايدا قۋانىش پەن قايعىڭىزدى بولىسە بىلەتىن جاقىن جاندارىڭىزدىڭ قولداۋىنا سۇيەنۋ كەمەلدىككە جەتەر جولىڭىزدى جەڭىلدەتەدى.

قولداۋدىڭ ەڭ جاقسى جۇيەسى – ءدال وسىنداي وزگەرىستەردى باستان كەشكەن نەمەسە وزگەرىس جولىنا تۇسكەن ادامدار. جانىڭىزدا وزىندىك حيكاياسىمەن، قيىندىقتارىمەن، جەتىستىكتەرىمەن ءبولىسىپ، ءسىزدى تۇسىنە الاتىن، تايساقتاي باستاعانىڭىزدا باعىت بەرىپ، قولداۋ تانىتاتىن، شىڭعا ورلەۋىڭىزگە قانات بىتىرەتىن جاندار بولۋى ءتيىس.

قۋانىشىمىزعا وراي، كەمەلدىككە باستار جول ءسىز تاڭداعان نە باسقا سالادا بيىككە تالپىنعان جانداردى بىرىكتىرەدى.

تۇراقتى تۇردە ماشىقتانىڭىز

ءومىرىن وزگەرتۋگە بەت بۇرعان جاندار تۇراقتى تۇردە سۇيىكتى ىسىمەن اينالىسۋ ارقىلى تۇراقتىلىق، جايلىلىق سەزىمىنە بولەنەدى. ول جەتىستىككە جەتۋگە عانا ەمەس، كەمەلدەنۋ پروسەسىنىڭ دۇرىس جۇرۋىنە سەبىن تيگىزەدى.

تاجىريبە، ماشىقتانۋ كەمەلدىك جولىنىڭ نەگىزى بولعاندىقتان، ولاردىڭ بۇل جولعا تۇسكەن ادامعا كومەگى زور. ۇدايى قانداي دا ءبىر ىسكە ماشىقتانۋعا داعدىلانعانىڭىزدا، بويىڭىزدان جاعىمدى وزگەرىستەردى اڭعاراسىز. وسى كەزدە تۇبەگەيلى وزگەرىس قاجەتتىلىگىن، جاڭا جولمەن باعىت الۋدىڭ ماڭىزدىلىعىن وڭاي ءارى انىق ءتۇسىنىپ، كوزىڭىز جەتە تۇسەدى.

بويىڭىزدا كەمەلدىككە بايلانىستى قالىپتاسقان ۇستانىمداردى جۇمىسىڭىزدا نەمەسە ماڭىزدى قارىم-قاتىناستا ۇستانۋ وڭاي سوعادى. ءتىپتى، ول ۇستانىمدار كۇندەلىكتى تاڭەرتەڭگىلىك جۇگىرۋمەن شەكتەلسە دە، ءسىز ءۇشىن ونىڭ ءمانى زور. قانداي دا ءبىر ارەكەتكە داعدىلانۋ تۇپتەپ كەلگەندە ادەتكە اينالادى.

ءومىرىڭىزدى وقۋعا ارناڭىز

نەگە ەكەنى بەلگىسىز، الايدا ءبىز – وقۋدىڭ جاڭا ءبىلىمدى مەڭگەرۋ پروسەسسىنەن اناعۇرلىم ماڭىزدى ەكەندىگىن ەستەن شىعارۋعا بەيىمبىز. وقۋ دەگەنىمىز – وزگەرۋ.

فيزيكالىق نەمەسە اقىل-پاراسات، رۋحاني تۇرعىداعى كەمەلدىككە جەتۋ، ايتەۋىر، قانداي ماقساتتا بولماسىن، وقۋ – تۇلعانىڭ تۇبەگەيلى ءارى قارقىندى وزگەرۋى. بۇل پروسەسس كوللەدج نە ۋنيۆەرسيتەتتە العان بىلىممەن، قىرىق، الپىس نەمەسە سەكسەن جاسقا جەتۋمەن شەكتەلمەۋى ءتيىس.

ءومىر بويى وقۋ – كەمەلدىككە ۇمتىلعان ادامداردىڭ ەرەكشە تەورياسى، ەرەكشە اۋماعى. ونداعى جول ەش ۋاقىتتا بىتپەك ەمەس.

وقۋعا كەڭەس بەرەمىز:

وقىپ-ۇيرەنۋدى ادەتكە قالاي اينالدىرۋعا بولادى

ماقساتىڭا جەتۋ ءۇشىن وزىڭە قالاي كەدەرگى كەلتىرمەۋگە بولادى

بىردەن ىسكە كىرىسۋدى ادەتكە اينالدىرۋدىڭ 7 ءادىسى

موتيۆاسيا، ماقسات جانە جەتىستىك

باقىتقا بولەنۋدىڭ جانە ءاردايىم باقىتتى بولۋدىڭ جولدارى

---