InfoHub Logo

كەز كەلگەن ادامنىڭ ارمانى بولارى انىق. ال سول ارمان ءبىزدى بەلگىلى ءبىر ماقساتقا جەتەلەيدى. ول ارمان – اداممەن بىرگە وسەدى، وركەندەيدى. ءدال سولاي، مەنىڭ دە بالالىق شاعىمنىڭ ۇلكەن ءبىر ارمانى بار، ول – جۋرناليست بولۋ ەدى. تەلەديداردا، ءتۇرلى باعدارلامالاردا، راديو جەلىسىندە سويلەپ جاتقان اعا-اپكەلەرىمنىڭ سويلەۋ مانەرىنە، ويدى جەتكىزۋ تاسىلدەرىنە عاشىق بولا باستادىم. جۋرناليست - سوزگە شەشەن، ۇشقىر ويلى، جان دۇنيەسى اسەم، كەز-كەلگەن اداممەن ءسوز تابىسا الاتىن، قاراپايىم، ءبىلىمدى ادام. مەندە سونداي جان بولعىم كەلەدى. اباي اتامىزدىڭ «سەن دە بۇل كىرپىش دۇنيەدە، كەتىگىڭدى تاپ تا، بار قالان» دەگەن سوزىمەن ايتساق وسى ومىردە ەلدىڭ دامۋىنا ۇلەس قوسىپ كىرپىش بولىپ قالانسام دەيمىن. سەبەبى، مەملەكەت باسشىسى قاسىم-جومارت توقايەۆ ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا «...كەز كەلگەن مەملەكەت ءۇشىن ادامي كاپيتال باستى ولشەمگە اينالدى. وسى ورايدا بىلىكتىلىك ماسەلەسى ايرىقشا ماڭىزعا يە. ءار ازامات ءوزىنىڭ جەكە جەتىستىگى ارقىلى بۇكىل ەلدىڭ تابىستى بولۋىنا، وسىپ-وركەندەۋىنە ۇلەس قوسادى»- دەگەن بولاتىن. مەندە بىلىكتى كاسىبي دەڭگەيدەگى جۋرناليست بولعىم كەلەدى. ول ءۇشىن ارينە كاسىبي ماماندار دايارلايتىن وقۋ ورنىندا ءبىلىم الۋىم كەرەك. جۋرناليست ماماندارىن ەلىمىزدىڭ كوپتەگەن جوعارى وقۋ ورىندارى دايارلايدى ءبىراق مەنىڭ تاڭداۋىم ءال-فارابي اتىنداعى قازاق ۇلتتىق ۋنيۆەرسيتەتى بولدى. نەگە؟ ءال-فارابي اتىنداعى قازاق ۇلتتىق ۋنيۆەرسيتەتى ويتكەنى، قازاق جۋرناليستيكاسىنىڭ داڭعىل جولى ءدال وسى، قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنەن باستاۋ الادى جانە اتالمىش وقۋ ورنىندا ەلىمىزگە تانىمال تۇلعالار ءبىلىم العان ءارى وقۋ ورىنىنىڭ ورنالاسقان جەرى دە كەز كەلگەن مەن سياقتى اۋىل بالاسىن مەن مۇندالاپ تۇرعانداي كورىنەدى. اسەم قالا الماتىنىڭ اسپانمەن تالاسا جاتقان تاۋلارى مەن وقۋ ورنىنىڭ قالاشىعى دا كەز-كەلگەن جاسقا ارمانىن شىندىققا اينالدىرۋعا كەرەمەت موتيۆاسيا بەرىتىنى ءسوزسىز.

ەندەشە، ارمانىما ءبىر قادامدى ەلىمىزدىڭ ۇزدىك ۋنيۆەرسيتەتى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا ماماندىعىنا جاسادىم. مەن جۋرناليست بولعىم كەلەدى!

قامات ادىلەت تەمىرجان ۇلى

---