InfoHub Logo

ءومىر ءبىر اق رەت بەرىلەدى. بىزدەر، ياعني ادامزات بالاسى – سول ءومىردى «باستان وتكەرۋشىلەرمىز». ادامزاتتى جاراتۋشى – ءبىر اللا. «ىڭگالاپ»  جارىق دۇنيە ەسىگىن اشپاي جاتىپ توعىز اي، توعىز كۇن انا قۇرساعىنداعى دامۋ كەزىنەن باستاپ ءبىز ارماندايمىز. نەنى؟ مىناۋ جالعان تىرشىلىككە تەزىرەك ەنۋدى. سول سياقتى دۇنيە تابالدىرىعىن اتتاپ، ەسەيگەننەن كەيىن دە سول ءومىردى قالاي باقىتتى، لايىقتى ءارى ادەمى وتكىزسەم بولادى دەيمىز. جالپى ارمانعا جەتكەن كۇندە دە ارماننىڭ شارىقتاۋ شىڭى كورىنبەيدى. سەبەبى ارمانداۋعا ىقپال كوپ-اق. مىنە، دەمەك ءبىز ارمانداۋ ءۇشىن جاراتىلدىق. اللا بىزگە ارمانداۋ، قيالداۋ مۇمكىندىگىن جاساپ بەردى. بۇل ءبىر سەرپىمدىلىك اكەلەتىن، كۇش-قۋاتىڭدى تاسىتاتىن، وزىڭە دەگەن، وزگەنىڭ ساعان دەگەن سەنىمىن ارتتىراتىن تاماشا سەزىم. ءبىراق تەك ارمانداۋ ارقىلى ءوز دەگەنىڭە جەتەتىندىگىڭە ەشكىم دە كەپىلدىك بەرە المايدى. سوندىقتان ارمانىڭدى جۇزەگە اسىرۋ ءۇشىن كەلەسى كەزەڭگە ءوتۋ شارت. بۇل كەزەڭ – ماقسات. ءاربىر جان نەعۇرلىم بيىك، ايقىن ماقساتتار قويا بىلسە، شىعار تۇعىرى دا سوعۇرلىم بيىك، ايقىن بولماق. وسىلاي ماقساتىمىزدى ناقتىلاعاننان كەيىن سول ماقساتتى نەگىزگە الا وتىرىپ جۇيەلى جوسپار قۇرامىز. يا، بۇل بارلىعى جوسپار بويىنشا جۇرەدى دەگەن ءسوز ەمەس. ارينە، ءبارى دە ءبىر اللانىڭ قالاۋىمەن بولماق. ءبىراق ەگەر دە سەنىڭ ارمان-نيەتىڭ، ىنتاڭ سول جوسپارىڭمەن، جانە كەلەسى كەزەڭگە جاتقىزىلاتىن ەڭبەگىڭمەن، ناقتى ىس-ارەكەتتەرىڭمەن ۇشتاسىپ جاتسا نەگە دەگەنىڭە قول جەتكىزبەسكە؟ نە ويلاساق تا، نە قىلساق تا، باستىسى، شىن جۇرەكپەن بولۋى حاق. جۇرەكتەن شىققان – جۇرەككە جەتەدى. تابىسقا جەتەلەر وي-قيالىمىز، ارمان-ماقساتىمىز، ەرەن ەڭبەكتەرىمىز كوپ بولعاي! ارداقتايىق، ايانبايىق، ارمانىمىزدى ايالايىق!..

قۇديار  دانياروۆ

---