InfoHub Logo

ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ
جۋرناليستيكا ماماندىعىنىڭ 3 كۋرس ستۋدەنتى
بيمىرزا ءابىلقايىر

مەن كىممىن؟ ارمان-ماقساتىم قانداي؟ بولاشاعىم بۇلىڭعىر بولماس ءۇشىن تالماي ەڭبەك پەن تىنىمسىز قىزمەت ەتكىم كەلەدى. ەڭ الدىمەن جاراتقاننىڭ جۇمىر باستى پەندەسىمىن. مەنىڭ دە ءوز ارمان-ماقساتىم بار. «ارمانسىز ادام-ورمانسىز بۇلبۇل» دەمەي مە؟ ارمانىم مەن ماقساتىم ۇشتاسىپ جاتىر. ءوزىم قالاعان ماماندىقتا ءوزىم قالاعان دارەجەدە ءبىلىم الۋدامىن. ماقسات ايقىن بولعان جاعدايدا ارمانىڭ اسقاقتاي بەرەدى. مەكتەپ كەزىندە نەشە ءتۇرلى ماماندىقتى يگەرىپ، ءار سالاعا ءوزىڭدى قويىپ كورەسىڭ. ادام جانىنىڭ اراشاشىسى دارىگەر بولۋدى نەمەسە بالا جانىنىڭ باعبانى ۇستازدىقتى جانىڭا سەرىك ەتەسىڭ. مەنىڭ دە الدىما قويعان ارمان-ماقساتتارىم بولدى. مەكتەپ كەزىندە قازاق ءتىلى مەن ادەبيەتى ءپانىن ءسۇيىپ وقىدىم. سول قىزىعۋشىلىعىمنىڭ نەگىزىندە ءتۇرلى بايقاۋلارعا، اۋداندىق، وبلىستىق پاندىك وليمپيادالارعا قاتىسىپ، جۇلدەمەن ورالدىم. ۇبت سىناعىندا دا ەش ويلانباستان قازاق ادەبيەتى ءپانىن تاڭدادىم. ويداعىداي بالل جيناپ، جۋرناليستيكا ماماندىعىنا ءتۇستىم. قيىندىعى مەن قىزىعى مول جۋرناليستيكا ماماندىعىنىڭ قىر-سىرىن ءبىلىپ، سول سالادا قىزمەت ەتكىم كەلەدى. ادام بولىپ ومىرگە كەلگەننەن كەيىن ارمانداۋ كەرەك. ماقسات قويا ءبىلۋ كەرەك. ارمان-ماقساتسىز، ءۇمىتسىز ادام بولمايدى. ەڭسەڭ ءتۇسىپ، جىگەرىڭ قۇم بولعان كەزدە دە ءوزىڭدى ءوزىڭ قولعا الىپ، ارەكەت ەتۋدىڭ جولىن تاباسىڭ. ومىرگە نە ءۇشىن كەلگەنىمدى بىلمەيمىن دەي المايمىن بىلەمىن. ءومىردىڭ ءمانى نەدە ەكەنىن دە تۇسىنەمىن. دۇرىس ەمەس جايتتاردى دۇرىس دەپ، دۇرىستاردى بۇرىس دەپ بوي بەرمەيتىن كەزدەرىم دە بولادى. جۇرتقا ءبىر مىنەزىڭ ۇناسا، ءبىر مىنەزىڭ ۇنامايدى. ياعني، بارىنە بىردەي جاعۋ مۇمكىن ەمەس. جۇمىس كوپ، ۋاقىت جوق دەپ كەيبىر ىستەرگە ەرىنشەكتىك تانىتامىز. ءبىراق، بەرىلگەن ءىستى، وزىمە جۇكتەلگەن مىندەتتى ۋاقىتىندا ورىنداۋعا تىرىسامىن. ون پالەنىڭ توعىزى تىلدەن دەمەي مە؟ ءاربىر ايتقان سوزىمە ساقتىقپەن قارايمىن. جۇرتتى جامانداپ، اسىرا ماقتاۋدان اۋلاقپىن.

جەر بەتىندە قانشا ادام بولسا سونشا تاعدىر بار. ولارعا ورتاق  قاسيەت-ولار ادام، ءبىراق ءارتۇرلى. اركىمنىڭ ءوز قۋانىشى مەن قايعىسى بار. ۋاقىتتىڭ ءار سەكۋندىنان ءلاززات الىپ، ءماندى دە ءساندى وتكىزگەنگە نە جەتسىن؟! سەن ءوزىڭ كىم ەكەنىڭدى بىلەسىڭ. ءبىراق ونى قوعامعا دالەلدەۋ قيىن.

مەن كىممىن؟ ەرەسەك ومىرگە ەندى قادام باسقان، مىنا ءومىردىڭ جاقسىلىعى مەن جاماندىعىن ايىرا قاراپ، ادامدارعا دەگەن قارىم-قاتىناستى ۇستاي الاتىن، بولاشاعىم ءۇشىن ماقسات قويعان، ارمانداعان، كەلەشەگىم ءۇشىن كەمەل ءىس ىستەي الاتىن اداممىن. قوعامدا ءوز ورنىمنىڭ بولۋىن قالايتىن تۇلعامىن. تالپىنىس العا جەتەلەيدى. تالپىنسا ادام بيىك شىڭدى دا باعىندىرادى.                

---