InfoHub Logo

تاڭى اق جيدە، قارا شالبار، الدىنا فارتۋك بايلاۋدان باستالاتىن داياشىنىڭ ءبىر كۇندىك ءومىرى قاربالىسقا تولى. ازاننان قارا كەشكە دەيىن زىرىلداپ جۇگىرۋ، تاپسىرىس قابىلداۋ، كەلگەن مەيماننىڭ كوڭىلىنە قاراۋ، ىدىس-اياق جيناپ، داستارحان جايۋ بۇل وڭاي جۇمىس ەمەس ەكەنى انىق. ءبىر قاراعاندا داياشى بولىپ جۇمىس ىستەۋ وڭاي سياقتى كورىنەدى. الايدا ونى جۇمىس جاساپ جاتىرعاندا قانداي ماڭداي تەرىمەن بەس تەڭگەسىن تاۋىپ جاتىرعانىن بايقايسىڭ. ادەتتە مەيرامحانا، كافەلەردە جۇمىس جاسايتىن داياشىلاردىڭ دەنى ستۋدەنت جاستار. ستۋدەنتتەر قاۋىمى ءۇشىن بۇل تاپتىرماس جۇمىس ىسپەتتى. ارينە، ول ديپلومدى دا، اقشانى دا كەرەك ەتپەيتىندىكتەن. تەك ىدىس كوتەرىپ جۇرە الساڭ بولعانى قالعانىن سول جەردە ءجۇرىپ-اق ۇيرەنىپ الاسىڭ. مەن دە بۇل داياشىلىق ءومىردىڭ ءدامىن تاتقانمىن. ۇلكەندەردىڭ كوڭىلىن تابۋ، ىزەتپەن اس ۇسىنۋ، جاسى كىشىلەرگە يىلە ءبىلۋ «وڭاي بولدى، ءبارىن ۇيرەنىپ الدىم» دەپ ايتا المايمىن. باستاپقىدا مەيمان قابىلداۋ مادەنيەتىن جەتىك بىلمەگەنمىن. الايدا، ءار مەيماننىڭ العىسىنا بولەنىپ، ولاردى كۇلىپ قارسى الىپ كۇلىپ شىعارىپ تاستادىم. شىدامدىلىق تانىتىپ كۇنى-بويى وتىرماستان ەڭبەك ەتۋ، مەيماننىڭ كوڭىلىنە قاراۋ استە وڭاي شارۋا ەمەس. بۇل جۇمىس ادەتتە قۋلىقتى، جاساندىلىقتى تالاپ ەتەتىندەي. ءار تاڭىڭ ءارقالاي اتاتىندىقتاي كەلگەن قوناقتىڭ دا بەدەلى ءارتۇرلى بولادى. ءبىرى قاراپايىمدىلىق تانىتىپ جىبەرگەن قاتەلىكتەرىڭدى ەسكەرمەسە، ءبىرى سالقىنقاندىلىق تانىتىپ جاتادى. سودان الاتاڭنان باستالعان جۇمىسىڭنىڭ قۇنى 2000 تەڭگەگە تاتىپ، قارا كەشتە ءبىر-اق شىعاسىڭ. ال ستۋدەنتتەر قانشا شارشاپ تۇرسا دا ەرتەڭگى كۇننىڭ قامىن ويلاپ، بالل جيناۋ قامىنا كىرىسەدى. سوندىقتان ستۋدەنت داياشى بار جۇمىستى اتقارىپ ازىن-اۋلاق اقشانى مىسە تۇتاتىن ەڭ ءتوزىمدى حالىق.

ايساۋلە ارداق قىزى

 

---