InfoHub Logo

ءبىلىم بەرۋ ءبولىمى: تانىم.
ءبولىم: قمۇق
تاقىرىبى: «ماتەماتيكا ەلىنە ساياحات».
ماقساتى: بالالاردىڭ تەز ساناۋ، سيفرلاردى اتاۋ جانە سانداردى رەتىمەن قويۋ بىلىكتەرىن بەكىتۋ. ۋاقىتتى باعدارلاۋ جونىندەگى بىلىمدەرىن (تاڭەرتەڭ، كۇندىز، كەش، ءتۇن) تەرەڭدەتە ءتۇسۋ. اپتا كۇندەرىن اتاپ ءبىلۋ.
گەومەتريالىق پىشىندەر تۋرالى بىلىمدەرىن تەرەڭدەتۋ، شىعارماشىلىق قابىلەتتەرىن دامىتۋ. زاتتاردىڭ كولەمدەرى بويىنشا سالىستىرۋعا جاتتىقتىرۋ.
لوگيكالىق ويلاۋ قابىلەتىن، تانىمىن دامىتۋ. ويلاۋ ارقىلى بالالاردىڭ سويلەۋ قابىلەتتەرىن دامىتۋ. ماتەماتيكاعا دەگەن قىزىعۋشىلىقتارىن ارتتىرۋ.
توپپەن جۇمىس ىستەۋگە، ءوز ويىن دالەلدەۋگە، دوستىققا، ۇيىمشىلدىققا تاربيەلەۋ.
ءادىس - ءتاسىل: ءتۇسىندىرۋ، كورسەتۋ، سۇراق - جاۋاپ، ديداكتيكالىق، لوگيكالىق ويىندار.
سوزدىك جۇمىس: نۇكتە، ساندار، اپتا كۇندەرى.
قوس تىلدىك: ساندار - سيفرى، نۇكتە - توچكا.
ءىس - ارەكەت كەزەڭدەرى پەداگوگتىڭ باسقارۋ ءىس - ارەكەتى
بالالاردىڭ ءىس - ارەكەتى

l ەتاپ
موتيۆاسيالىق - قوزعاۋشىلىق
- بالالار، بۇگىنگى ساباعىمىز ەرەكشە وتەدى. سەبەبى بىزگە كوپتەگەن اپايلار كەلىپتى. ولاي بولسا قوناقتارمەن امانداسايىق.
كۇننىڭ كوزى اشىلىپ،
كوككە شۋاق شاشىلسىن.
قۇتتى قوناق كەلىپتى.
تورىمىزگە ەنىپتى.
سالەمەتسىزدەر مە، اپايلار.
- بالالار، سەندەرگە انالارىڭ بۇگىنگى ساباققا وتە جاقسى قاتىسسىن دەپ كوتەرىڭكى كوڭىل - كۇي سىيلاپ كەتتى. سەندەر دە انالارىڭدى قۋانتىپ، بۇگىنگى اشىق ساباققا بەلسەندى قاتىسىڭدار جاراي ما؟ ال سەندەر قانداي بالالارسىڭدار؟
تاقپاعىمىزدى ەسكە تۇسىرەيىك
مەن تالاپتى بالامىن،
دايىن داپتەر قالامىم.
ەسەپتەردى شىعارىپ،
بەستىك باعا الامىن - دەي كەلە ساباعىمىزدى باستايىق.
- ال، بالالار، بۇگىن ءبىز ماتەماتيكا ساباعىندا ساياحاتقا شىعامىز. ال بالالار ساياحاتقا شىققىلارىڭ كەلەمە؟
- جاقسى. ەندەشە العا.
- ءبىر، ەكى، ءۇش، ءتورت، بەس،
اياقتى باسامىز تەز تەز
قوناقتارمەن امانداسادى.

شەڭبەرگە تۇرىپ ولەڭ جولدارىن ءبارى بىرگە ايتادى.
ءبارى بىرگە حورمەن ايتادى.

ءيا، كەلەدى.
ll ەتاپ
ۇيىمداستىرۋشىلىق - ىزدەنىستىك
ولەڭ وقىپ بەرۋ.
ال تىڭداڭدار، تىڭداڭدار
اسىعىستىق قىلماڭدار
اسىقپايىق دەگەندە
كوپ ويلانىپ تۇرماڭدار.
الۋ، قوسۋ، تەڭدىك دەپ
ۇزىن، قىسقا جولاقشا
جۋان مەنەن جىڭىشكە
كوپپەن بىرگە از ەكەن
بالالار دا ءماز ەكەن.
ءۇشبۇرىش پەن شارشى كوپ
ءتورتبۇرىش پەن دوڭگەلەك.
- ولەڭ نە جايىندا ايتىلعان؟
- وسى پىشىندەردى، سانداردى، ۇزىن قىسقانى قانداي عىلىم زەرتتەيدى؟
- دۇرىس ايتاسىڭدار،
ماتەماتيكا. بالالار ءبىزدى ساياحاتقا اپاراتىن قارىنداش بار ەكەن. كوزىمىزدى جۇمايىق 1، 2، 3 سيقىرلى قارىنداش ءبىزدى ماتەماتيكا ەلىنە اپار. مىنە ءبىز ماتەماتيكا ەلىنە دە كەلدىك.
- ماتەماتيكا ءسوزىنىڭ استىندا نە كورىپ تۇرسىڭدار؟
- نەشەگە دەيىنگى ساڭدار؟
- ەندەشە ماتەماتيكا ءسوزى نەشە دىبىستان تۇرادى ەكەن؟
- بۇل ساندار جاي ساندار ەمەس، سيقىرلى ساندار ەكەن. ءار ساننىڭ ارتىندا بىزگە سۇراقتار مەن تاپسىرمالار بەرىلگەن. ال كانە، وسى تاپسىرمالاردى شەشىپ كورەيىك.
«ميعا شابۋىل». جىلدام جاۋاپ بەرۋ.
- ءبىر جىلدا نەشە مەزگىل بار؟
- 1جىلدا نەشە اي بار؟
- ءقازىر جىلدىڭ قاي مەزگىلى؟
- ءقازىر قاي اي؟
- ءبىر اپتادا نەشە كۇن بار؟
- اپتا كۇندەرىن اتاپ ايت.
- بۇگىن اپتانىڭ نەشىنشى كۇنى؟
- بالاباقشاعا اپتاسىنا نەشە كۇن كەلەمىز؟
- قاي كۇندەرى كەلەمىز بالاباقشاعا؟
- قاي كۇندەرى دەمالامىز؟
- جاقسى جارايسىڭدار. ەندى سانداردىڭ تاپسىرمالارىن ورىنداپ كورەيىك.
1. تاپسىرما. «سان ساناۋ».
پوەزداعى اڭداردى ساناۋ.
1 - ءشى، 2 - ءشى، الدىڭدا، ارتىندا...
ۇلكەن - كىشكەنتاي
بيىك - الاسا.
- جاقسى جارايسىڭدار!
2. تاپسىرما. «شاتاسقان ساندار»
ا) قاتتى جەل سوققان كەزدە ساندار ورىندارىن شاتاستىرىپ الىپتى ولاردى 1 - دەن 10 - گا دەيىن دۇرىس ورنالاستىرايىق.
ب) 1 - دەن 10 - عا دەيىن ياعني سانداردى تۋرا جانە كەرى ساناۋ.
1، 2، 3، 4، 5، 6، 7، 8، 9، 10.
10، 9، 8، 7، 6، 5، 4، 3، 2، 1.
ۆ) 3 - تەن باستاپ سانا،
گ) 6 - دان ارى قاراي سانا
3. تاپسىرما. ويىن: «كورشى ساندى اتا».
4 ساننىڭ كورشىسىن تاپ
6 ساننىڭ كورشىسىن تاپ
9 ساننىڭ كورشىسى.
4. تاپسىرما «قاي سان جوق؟»
نۇكتەلەردىڭ ورنىنا جوق ساندى ورنالاستىرۋ.
سەرگىتۋ ءساتى.
ال بالالار تۇرايىق،
الاقاندى ۇرايىق.
وڭعا ءبىر، بۇرىلىپ،
سولعا ءبىر بۇرىلىپ،
الاقاندى سوعايىق.
العا قاراي ءبىر ادىم،
ارتقا قاراي ءبىر ادىم.
جوعارى، تومەن قارايىق
ورنىمىزدى تابايىق.
5. تاپسىرما. «سۋرەتتەگى زاتتاردى سانمەن بەلگىلە».
سۋرەتتەگى زاتتاردى ساناپ، سانىنا قاراي قاجەتتى ساندى كورسەتۋ.
سلايد ارقىلى 5 - 6 سۋرەت قولدانۋ.
6. تاپسىرما. ويىن: «وينا دا ويلا». لوگيكالىق سۇراقتار.
1. قونجىق ەكەۋ، تابانى نەشەۋ؟
2. ءۇش قوياندا نەشە قۇلاق بار؟
3. الاندا ەمەن اعاشى ءوسىپ تۇر. ەمەندە بارلىعى نەشە الما ءوسىپ تۇر؟
4. ورماندا اڭدار اراسىندا جۇگىرۋدەن جارىس وتكىزىلدى. جۇگىرۋگە قويان، تۇلكى، بالىق قاتىستى. وسى جارىستا بالىق نەشىنشى بولىپ كەلدى دەپ ويلايسىڭدار؟
5. شەڭبەردىڭ بۇرىشى بار ما؟
6. ءيتتىڭ قۇيرىعى نەشەۋ؟
7. اي كوپ، جۇلدىز كوپ پە؟
8. گۇلدىڭ نەشە ساباعى بار؟
9. نە اۋىر ءپىل مە، قويان با؟
10جاعاعا دەيىن قاز تەز جۇزە مە، الدە اتەش پە؟
11. جول كەڭ بولسا، ال تروتۋار شە؟
12. ايۋ ۇلكەن، ال تيىن...
13. الما ءتاتتى، ليمون...
14. ادامدا نەشە باس بار؟
15. ءۇشبۇرىشتىڭ نەشە بۇرىشى بار؟
7. تاپسىرما.
سۋرەتتە قانداي گەومەتريالىق پىشىندەر ورنالاسقان؟
ساناعىش تاياقشامەن جۇمىس:
تاياقشالاردان گەومەتريالىق پىشىندەر قۇراندار.
ءۇش بۇرىشى، ءۇش قابىرعاسى بار...
ءتورت بۇرىشى بار، ءتورت قابىرعاسى بىردەي...
ءتورت بۇرىشى بار، ەكى قابىرعاسى ۇزىن، ەكى قابىرعاسى قىسقا...
بەس تاياقشادان بىردەي ەكى ءۇشبۇرىش قۇراستىر.
8. تاپسىرما «ۋاقىتتى باعدارلاۋ».
جۇمباقتار شەشۋ.
ا) ۇيقىمىزدان تۇرامىز، بەتى قولدى جۋامىز. انامىزعا ەرەمىز، باقشامىزعا كەلەمىز. بۇل قاي كەزدە بولادى؟
ب) ءبىز ءتارتىپتى بولامىز، ساباقتى دا وقيمىز، سەرۋەنگە شىعامىز، قىدىرامىز. قاي كەزدە؟
ۆ) كۇن باتادى قىزارىپ، مامامىزدى كۇتەمىز. بۇل قاي كەزدە بولادى؟
گ) ۇيلەردە شام جانادى، دەم الادى بار الەم، دەپ الديلەپ اق اجەم. بۇل قاي كەزدە بولادى؟
- سونىمەن ءبىر تاۋلىكتە نەشەگە بولىنەدى؟
9. تاپسىرما:
«كەڭىستىكتى باعدارلاۋ».
الدارىندا جاتقان اق قاعازدىڭ
جوعارعى وڭ جاعىنا – ءۇشبۇرىش،
تومەنگى سول جاققا - ءتورتبۇرىش،
جوعارعى سول جاققا - دوڭگەلەكتى،
تومەنگى وڭ جاققا - شارشىنى، ورتاسىنا - سوپاقشانى ورنالاستىرىڭدار.
10. تاپسىرما.
ماتەماتيكالىق ماقال - ماتەلدەر:
1. ءبىر دوسىڭ بولعانشا،
ءجۇز دوسىڭ بولسىن.
2. ءبىر تال كەسسەڭ، ون تال ەك.
3. سەگىز قىرلى، ءبىر سىرلى.
4. بەس ساۋساق بىردەي ەمەس.

- بالالار، ەندى ساياحاتتان قايتاتىن ۋاقىت بولدى. سيقىرلى قارىنداشتىڭ كومەگىمەن توپقا قايتايىق.
1، 2، 3 – سيقىرلى قارىنداش ءبىزدى توپقا اپار.
مىنە، بالالار، توپقا كەلدىك.
ءبىزدىڭ سيقىرلى قارىنداشىمىزدىڭ ىشىندە ادەمى جۇلدىزشالار بار ەكەن، بۇگىنگى وقۋ ءىس - ارەكەتىنە جاقسى قاتىسىپ، ءتارتىپتى، ءبىلىمدى ەكەندەرىڭدى كورسەتكەندەرىڭ ءۇشىن وسى جۇلدىزشالاردى تاراتىپ بەرەيىن.

ولەڭدى مۇقيات تىڭدايدى.
پىشىندەر، الۋ، قوسۋ، جۋان - جىڭىشكە.
ماتەماتيكا.
1، 2، 3 دەپ ايتادى.
ساندار.
1 - دەن 10 - عا دەيىن.
10 دىبىستان.
كەلىسەدى.

4 مەزگىل
12 اي بار
كوكتەم مەزگىلى.
ءساۋىر ايى
7 كۇن بار.
جاۋاپتارى.
5 كۇن كەلەمىز.
اتاپ ايتادى.
سۋرەتكە قاراپ تاپسىرمانى ورىندايدى.
1 بالا تاقتانىڭ الدىڭدا، قالعانى ورىندارىندا تاپسىرمانى ورىندايدى.
3، 5
5، 7
8، 10
كەستەدەگى نۇكتەلەردىڭ ورنىنا جوق ساندى قويادى.
مازمۇنىنا ساي قيمىلدار ورىندايدى.
زاتتاردى سانايدى سانمەن بەلگىلەيدى.
سۇراقتاردى مۇقيات تىڭداپ، جىلدام، دۇرىس جاۋاپ بەرۋگە تىرىسادى.

ول ءۇشبۇرىش.
شارشى.
تىكتورتبۇرىش.
جۇمباقتاردى شەشەدى.
تاڭەرتەڭ.
كۇندىز.
كەشكە.
تۇندە.
تورتكە بولىنەدى.

گەومەتريالىق پىشىندەردى ورنالاستىرادى.
ماقال - ماتەلدەر ايتادى.
1، 2، 3 - سيقىرلى قارىنداش ءبىزدى توپقا اپار دەپ حورمەن ايتادى.
lll ەتاپ
رەفلەكسيالىق - تۇزەتۋشىلىك
سۇراق - جاۋاپ ءادىسى ارقىلى وقۋ ءىس - ارەكەتتى قورىتىندىلاۋ.
- ساياحاتقا قايدا باردىق؟
- قانداي تاپسىرمالار ورىندادىق؟
- قانداي تاپسىرمالار سەندەرگە قيىن بولدى؟
- ساباقتا نە ۇنادى؟ سۇراقتارعا تولىق جاۋاپ بەرەدى، ءوز ويلارىن ايتادى.
كۇتىلەتىن ناتيجە:
ءبىلۋ كەرەك: 1 - دەن 10 - عا دەيىن سانداردى، سانداردى تاڭبالاۋ، گەومەتريالىق پىشىندەردى، سان ساناۋ ۇعىمدارىن.
يگەرۋ كەرەك: گەومەتريالىق پىشىندەردى تاياقشادان قۇراستىرۋدى. العان بىلىمدەرىن قولدانا ءبىلۋ.
جاساي ءبىلۋ كەرەك: ساننىڭ ءوسۋ، كەمۋ رەتىمەن دۇرىس ورنالاستىرا ءبىلۋ.