InfoHub Logo

ءوزىڭدى قولعا الىپ، وز-وزىڭمەن كەلىسىم جاساپ جانە مولشەرمەن تاماقتانۋدى باستاۋعا بولا ما؟

ءبىز وزىمىزگە ءبىر ءتاتتى نانمەن نەمەسە ءبىر توقاشپەن شەكتەلەمىن دەگەن ۋادەنى ءجيى بەرەمىز، الايدا سوزىمىزدە تۇرا المايمىز با؟ ءوزىڭدى قولعا الىپ، وز-وزىڭمەن كەلىسىم جاساپ جانە مولشەرمەن تاماقتانۋدى باستاۋعا بولا ما؟

ارينە، بولادى! مىنە، اشتىقتى جەڭۋدىڭ جانە تاماقتى از مولشەردە قابىلداۋدىڭ ەڭ قولايلى تاسىلدەرى.

سىزگە ول نە ءۇشىن قاجەت ەكەنىن ءتۇسىنىڭىز

ەگەر ءسىزدىڭ راسيونىڭىزدا ءبارى، اس ءمازىرىنىڭ قۇرامى جانە پورسيانىڭ مولشەرىمەن قوسا، ءوز كوڭىلىڭىزدەن شىعاتىن بولسا، وندا ءوزىڭىزدى از مولشەردە تاماقتانۋعا كوندىرۋ ەشقاشان قولىڭىزدان كەلمەيدى. جاڭا داعدى «ءسىڭىپ كەتۋى» ءۇشىن، ءسىز، جالپى مۇنىڭ ءبارى نە ءۇشىن قاجەت ەكەنىن ءتۇسىنۋىڭىز قاجەت.

جەيتىن تاعامىڭىزدىڭ كولەمىن ازايتقان كەزدە جىلىنا 10 كيلوگراممعا دەيىن تاستاۋعا بولادى. جانە دە بۇل ەشقانداي شەكتەۋلەرسىز – تەك تاڭعى، تۇسكى جانە كەشكى اسىڭىزدىڭ مولشەرىن ازايتىڭىز. 

سىمباتتى تۇلعا، جىلدام زات الماسۋ، ارتىق تاماقتانۋدان بوستاندىق (ءسىز ولشەمسىز كەڭەيە بەرەتىن اسقازانمەن قوشتاساسىز) جانە دەنەڭىزدە ۇنەمى جەڭىلدىك – مىنە، بۇل تاعامعا دەگەن ءوزىنىڭ كوزقاراسىن وزگەرتىپ، از مولشەردە تاماقتانۋدى باستايتىنداردى كۇتىپ تۇرعان جانعا جاعىمدى بونۋستاردىڭ بىرنەشەۋى عانا.

دارۋمەندەر كوبىرەك، تاتتىلەر ازىراق

ءوزىڭدى ازىراق جەۋگە ۇيرەتۋ – سونشالىقتى قيىن تاپسىرما ەمەس، مىسالى، ءتاتتى جەمەۋ جانە مۇلدەم باس تارتۋ ءتارىزدى. قۇرامىندا قانت بار ونىمدەردى جەۋدى دوعارعان كەزدە، ءسىزدىڭ دەنەڭىزدە ايتارلىقتاي وزگەرىستەر بولادى.

ويتكەنى، ءدال وسى تاتتىلەر، كوبىنەسە ءبىزدىڭ تاعامعا تاۋەلدىلىگىمىزگە جاۋاپتى بولادى. قانت كوزدەرى ەسىرتكى ءتارىزدى اسەر ەتەتىندىكتەن (دەسەرتتەن كەيىن ءسىز تاعى دا ءتاتتى بىردەڭە جەگىڭىز كەلەتىن شىعار)، ولار ارتىق تاماقتانۋعا جانە تاماق مولشەرىنىڭ كوبەيۋىنە اكەلەدى.

راسيونىڭىزداعى قانتتى كوپ مولشەردەگى جەمىستەر مەن كوكونىستەرگە الماستىرىڭىز. كوپ كەشىكپەي، ءسىز ءتاتتىنىڭ ەكىنشى جانە ءۇشىنشى پورسياسىن جەگىڭىز كەلمەي قالعانىن بايقايسىز.

راسيونىڭىزدى قاداعالاڭىز

ەگەر ءسىز ءوزىڭىزدىڭ ءالسىز جەرىڭىزدى بىلسەڭىز جانە ونىمەن كۇرەسەتىن بولساڭىز، وندا «جەۋگە بولمايتىن» تاعامداردى كورگەندە شىداپ تۇرۋ الدەقايدا وڭاي بولادى. ءبىر قالاقشا بالمۇزداقتان كەيىن توقتاي المايسىز با؟ وندا توڭازىتقىشتا مۇلدە بالمۇزداق تۇرمايتىنداي بولسىن. قىتىرلاق كارتوپ قالتاسىمەن كينو كورگەندى ۇناتاسىز با؟ ولاردى ساتىپ الۋدى توقتاتىڭىز. 

ءوزىڭىزدى ءوزىڭىز جەڭە الاتىندىعىڭىزعا سەنىمدى بولعانعا دەيىن وسىنداي قاتاڭ تاسىلدەر سىزگە داعدى قالىپتاستىرۋعا كومەكتەسەدى. تاماقتانۋ كۇندەلىگىن جۇرگىزىڭىز: كوپتەگەن ادامدار ءۇشىن بۇل ءوزى جەگەن تاعامنىڭ مولشەرىن كوزبە-كوز باقىلاپ وتىرۋدىڭ جانە نەنى ارتىق جەگەنى مەن قانداي ساتتە دەر كەزىندە توقتاۋ كەرەك ەكەنى جايىندا سايكەسىنشە تۇجىرىم جاساۋدىڭ ەڭ وڭاي ءتاسىلى.

ەشقانداي الاڭداتپا فاكتورلارىنسىز

ءبىز ەشقاشان ءوزىمىزدى ازىراق جەۋگە ۇيرەتە المايمىز، ەگەر تاماق ءىشۋدى الاڭداتپا ارەكەتتەردەن ءبولىپ الا الماساق. بۇل جەردە ءسوز تاڭعى اس كەزىندە الەۋمەتتىك جەلىدەگى اقپارات تاسپاسىن كورۋ، جۇمىس ۇستەلىندە اسىعىس تۇسكى اس ءىشۋ جانە كينو كورىپ وتىرىپ كەشكى اس ءىشۋ جايىندا بولىپ وتىر.

مەيرامحاناداعى مەرەكەلىك داستارحان نە بولماسا دوستارىڭمەن بولعان كوڭىلدى كەش كەزىندە قالاي تىم ارتىق تاماقتاناتىندىعىمىز جايىندا مۇلدە ايتپاي-اق قويساق تا بولادى – ءسىز ونى ءوزىڭىز دە جاقسى بىلەسىز.

جوق دەگەندە ءبىر رەت كوڭىل كوتەرۋ ءۇشىن ەمەس، اس ءىشۋ ءۇشىن تاماقتانىپ كورىڭىز – تولىقتاي تىنىشتىقتا جانە مۇلدە جالعىز، بارلىق گادجەتتەردى الىسىراق يتەرىپ قويىپ. تاماقتانىپ بولعان سوڭ، ىدىستى جۋىپ، ءوز جۇمىستارىڭىزدى جالعاستىرىڭىز.

اسىقپاي جانە ازىراق

پايدالى تاعامدارمەن تاماقتانۋدىڭ التىن ەرەجەسىن ەكى سوزبەن عانا جەتكىزۋگە بولادى – اسىقپاي جانە ازىراق. ءوز پورسياڭدى ازايتۋ جانە اشتىقتى الداۋ ءۇشىن سىزگە اسىقپاي تاماقتانۋ جانە كىشكەنتاي تارەلكە قولدانۋ قاجەت.

ادام بالاسى ءىس جۇزىندە ءوزىنىڭ تارەلكەسىنە سالىنعاننىڭ ءبارىن جەيدى (دالىرەك ايتقاندا – تاماقتىڭ شامامەن 90%-ىن). سوندىقتان ىدىس سىزگە لايىقتى پورسياعا كوشۋگە مۇمكىندىك بەرەدى.

تاماقتى ارتىق دايىنداماۋدى قولعا الىپ كورىڭىز: ەگەر ۇستەمە تاماق بولمايتىن بولسا، ءسىزدىڭ ارتىق تاماق جەۋىڭىز دە ەكىتالاي. ال ەڭ قاراپايىم كەشكى استان كەيىن دە اش قالماۋ ءۇشىن، تاماقتى مۇقيات شايناڭىز جانە ەشقايدا اسىقپاڭىز.

كۇيزەلىس پەن زەرىگۋدى اجىراتىپ ۇيرەنىڭىز

جاعىمسىز ەموسيالاردى سەزىنگەندە، قولايسىز جاعدايلاردى باستان وتكەرگەندە، كوڭىلسىزدىك باسقانىنا الاڭداعاندا نەمەسە، كەرىسىنشە كوڭىلسىزدىكتەن زارداپ شەككەندە، جانىڭىزدى قاناعاتتاندىرۋ مەن جەڭىلدەتۋدىڭ قولجەتىمدى كوزى رەتىندە ءبىز كوبىنەسە تاعامعا باس قويامىز.

ەگەر ءسىز ءوزىڭىزدى ارتىق تاماق جەۋگە ازعىراتىن وسىعان ۇقساس بەلگىلەردى انىقتاپ ۇيرەنسەڭىز، سىزگە تىپتەن ءوزىڭىزدى ازىراق جەۋگە كوندىرۋدىڭ قاجەتى دە بولمايدى. ءسىز شىن مانىندە ءوزىڭىزدىڭ اشىعىپ تۇرماعانىڭىزدى بايقاعاننان كەيىن، مۇنداي جايسىزدىقتىڭ شىنايى سەبەبىن تابا الاسىز.

ءوز بيلىگىڭىزدى وزىڭىزگە جۇرگىزۋگە ماشىقتانىڭىز جانە تىنىعۋ مەن كوڭىلدەنۋدىڭ باسقا دا تاسىلدەرىن ىزدەۋدى ۇيرەنىڭىز. ويتكەنى ءبىز تاماق ءىشۋ ءۇشىن ءومىر سۇرمەيمىز، ءومىر ءسۇرۋ ءۇشىن تاماقتانامىز.

---