اسىعىس ۇكىم
ءبىر كىسى ءۇيىنىڭ تومەنگى قاباتىندا اعاش شەبەرلىگىمەن اينالىسادى ەكەن. ەسىك پەن تەرەزە جاساپ كۇنەلتەدى. ءبىر كۇنى جۇمىس ىستەپ جاتقانىندا ەلەكتر قۋاتى وشەدى. ۇزاق ۋاقىت بويى كۇتسە دە كەلمەيدى. قاسارىسقانداي سول كەشتە تاپسىرۋى كەرەك بولعان بىرنەشە تەرەزە بار ەدى. ءبىراز دەمالۋ ءۇشىن ۇيىنە كوتەرىلىپ بارا جاتىپ ساقتاندىرعىشقا كوزى تۇسەدى. بىرەۋ ساقتاندىرعىشتى ءوشىرىپ قويعان ەكەن.
اجىراتقىشتى (رۋبيلنيك) قوسقاندا سەح جارىق بولادى. بولجامدارى دۇرىس شىققان ەكەن، ءبىراق مۇنىڭ ءمانىسىن تۇسىنە المايدى. جۇمىسقا قايتا كىرىسكەنىندە سول نارسە تاعى قايتالانادى. ءبىراق بۇل جولى ول كىنالى ادامدى كورەدى. بالاسى ءۇي مەن سەح اراسىنداعى ساتىدان دىبىسسىز، اقىرىن ءتۇسىپ، ساقتاندىرعىشتى ءوشىرىپ جاتقان كەزىندە اكەسىن ءدال الدىندا كورەدى.
ادام ون جاسقا ەندى تولعان بالاسىنىڭ مۇنداي وپاسىزدىعىن كەشىرە المايدى. بۇكىل كۇنى ونىڭ كەسىرىنەن جوعالعان ەدى. ءبىر رەت قانا ىستەگەن بولسا بالكىم ءۇن قاتپاس ەدى. شاپالاقپەن تارتىپ جىبەرەدى. بالكىم بۇل ۇرعان شاپالاعى ەندى قايتا وپاسىزدىق ەتۋىنە كەدەرگى بولار. بالاسىنىڭ كوز جاستارىنا قاراماستان ۇيىنە كىرىپ، ايەلىنە بوكسىپ بىلاي دەيدى:
- مىنا بالانىڭ مەكتەپتە كىمدەرمەن جۇرگەنىن ءبىلۋىمىز كەرەك!.. ەگەر بوس جىبەرەتىن بولساق، باسىمىزعا بالە بولۋى مۇمكىن!..
كەيىن ەڭ وڭاي جولىن تابادى. بالاسىنىڭ ەش قالدىرماي ۇستاپ جۇرەتىن كۇندەلىگىندە دوستارىنا قاتىستى مالىمەت بولسا كەرەكتى.
بالاسى كۇندەلىگىن كورسەتكىسى كەلمەسە دە ونى تىڭداماي، كۇندەلىگىن وقي باستايدى. بالاسىنىڭ ەڭ سوڭعى بەتتە بىلاي جازعانىن كورەدى:
«بۇگىن تۇندە جامان ءتۇس كوردىم!.. سەحتا جۇمىس ىستەپ جاتقان كەزدە اكەمدى توق ۇرعان ەكەن. قۇدايىم-اۋ ونى ساقتاي گور!.. مەن قولىمنان كەلگەنىن ىستەيمىن!..»
You Might Also Like
-
"كوگەنگە ءتۇسىپ" قايتقان جىگىتتە قادىر-قاسيەت قالمايدى. ءسادىر مىنا جىگىتتەرگە سول قورلىقتى كورسەتىپ جاتىر" (ع. مۇسىرەپوۆ).
-
ارمينيي ۆامبەري — ۆەنگر تۇركىتانۋشىسى، ەتنوگراف، ساياحاتشى. 20-دان استام ەۋروپا جانە شىعىس تىلدەرىن مەڭگەرگەن. ۆامبەري 1863 ج. مۇسىلمان قاجى كەيپىندە يراننان ورتالىق ازياعا ساياحات جاسادى. بۇل ...
