كىنا مەندە
قىز ۇزاتۋ تويى - ۇلكەن مەرەكە. مۇندا ات جارىس، پالۋان كۇرەسى، ايتىس، ونەر باسەكەسى، ءباس، ۇلتتىق ويىن تۇرلەرى، جۇمباق ايتىس، ءان-جىر ايتۋ سياقتى ويىن-ساۋىقتار وتكىزىلەدى. بۇعان قاتىسقان، كورگەن جۇرت ءبىر سەرپىلىپ، جانى جادىراپ قالادى. وسىنداعى تاعى ءبىر قىزىقتى ونەر - قالىڭدىقتىڭ جەڭگەلەرى مەن كۇيەۋ جانىنداعى جىگىتتەردىڭ ايتىسى. ول باسقا ايتىستارداي ەشكىمدى سىناپ، مىنەمەيدى، كادىمگى ءازىل-قالجىڭعا، كۇلكىگە، تاپقىرلىققا قۇرىلادى.
بۇل ايتىستىڭ اتى - "كىنا مەندە". تاعى ءبىر قىزىعى: جەڭگەن جاق جەڭىلگەن جاققا ارنايى سىيلىق تاپسىرادى. بۇل - جەڭىلگەن جاقتىڭ كوڭىلىن كوتەرىپ، ولاردىڭ ويىندا كىربىڭ قالماسىن دەگەن يگى تىلەك پەن جاقسى كوڭىلدىڭ، الداعى جاقىندىقتىڭ بەلگىسى. الدى-ارتىن اركەز بىردەي ەرتە ويلايتىن قازاق حالقىنىڭ وسى ءداستۇرى ونىڭ ۇلتتىق قاسيەتتەرىنىڭ ۇلكەن كورىنىسى ەكەنىن قالاي ۇمىتارسىڭ!
You Might Also Like
-
ءار كومپانيادا بارىنە ورتاق ءبىر ىسپەن اينالىسۋعا نيەت بار، الايدا، ناقتى نە ىستەيتىنىن ەشكىم بىلمەيتىن ساتتەر بولىپ تۇرادى.
-
ءامىر تەمىر تاريحتاعى جەر ءجۇزىن باعىندىرعان ەڭ ءىرى قولباسشىلاردىڭ ءبىرى. 1336 ج. كەش اۋىلىندا تۋىلعان. جاقسى ءتالىم العان ءامىر تەمىر 1370 ج. سامارقاندتا تاققا وتىرىپ ماۋرەناحردىڭ بيلىگىن قولىنا الدى. ...
