استانا كۇنىنە ارنالعان قۇتتىقتاۋ، تىلەكتەر
تاماشا مەرەكە – استانا كۇنىمەن شىن جۇرەكتەن قۇتتىقتايمىز. ءبىز نۇر-سۇلتاننىڭ قالىپتاسۋىنىڭ كۋاگەرلەرى جانە وسى اۋقىمدى زور جوبانى جۇزەگە اسىرۋ مۇمكىندىگىن كوزبەن كورۋ باقىتىنا يە بولىپ كەلەمىز. ءوز قالاسىنا ەرەكشە سۇيىسپەنشىلىكپەن قارايتىن ادامدار – ەلورداسىنىڭ باستى بايلىعى، ولار كۇنبە-كۇن ءوز جۇمىستارىن اتقارا وتىرىپ، نۇر-سۇلتاننىڭقالىپتاسۋىنا وراسان زور ۇلەس قوسۋدا. استانا كۇنى مەرەكەسىندە سىزدەرگە جانە وتباسىلارىڭىزعا شىن جۇرەكتەن زور دەنساۋلىق، يگىلىك، تابىس جانە باقىت تىلەيمىز.
*** *** *** ***
بۇگىن – استانا كۇنى. جاس ەلوردانىڭ مەرەكەسى ءاربىر استانالىقتىڭ جۇرەگىنە قۋانىش ۇيالاتىپ، ەرتەڭگە دەگەن سەنىمدى شىنداي تۇسۋدە. قارىشتاپ دامىعان جاڭا استانانىڭ بۇگىنگى كەلبەتىنە سۇيسىنبەيتىن جان جوق.
*** *** *** ***
جاس ەلوردانىڭ كوز سۇرىندىرەر كەلىستى كەلبەتى كۇن ساناپ جاسارىپ، كوركەيىپ، گۇلدەنە تۇسۋدە. ول جاڭاشا قارقىن العان قۇرىلىسىمەن عانا ەمەس، سوڭعى تەحنولوگيالار نەگىزىندە سالىنىپ جاتقان گۇلزارلارىمەن، اللەيالارىمەن سىرتتان كەلۋشىلەردىڭ نازارىنا ءىلىنىپ، شەتەلدىكتەردى تاڭ قالدىرۋدا. سايىن سارىارقانىڭ توسىندە توتىدايىن تارانعان ءاز استانامىز جىلدار كەلە، الىپ ازيا مەن ەۋروپانىڭ شوقتىعى بيىك قالالارىنىڭ بىرىنە اينالاتىنىنا، الداعى عاسىر ۇلەسىنەن ورىن الىپ، باتىل ۇمىتپەن نىق سەنىمنىڭ تۇلعالى تىرەگى بولارىنا سەنىمدىمىز.
*** *** *** ***
قازاقستاننىڭ جاس ەلورداسى، بۇگىنگى نۇر-سۇلتان – قارىشتاپ دامىعان مەملەكەتتىڭ، ماڭگىلىك دوستىقتىڭ سيمۆولى. قالانىڭ الەم حالىقتارىنا ماقتانا كورسەتەر جەتىستىكتەرى از ەمەس. نۇر-سۇلتان – بولاشاعى جارقىن قالا. سوندىقتان دا قازاقستاننىڭ جۇرەگى ماڭگى سوعىپ، باس قالاسى ودان ءارى گۇلدەنە بەرسىن!
*** *** *** ***
تاۋەلسىز قازاقستاننىڭ باس قالاسى نۇر-سۇلتاننىڭ الەۋمەتتىك-ەكونوميكالىق وسىپ-وركەندەۋىنە قوسقان قوماقتى ۇلەستەرىڭىزگە، ەرەن ەڭبەكتەرىڭىزگە، ازاماتتىق قوعام قۇرۋعا بەلسەنە قاتىسقاندارىڭىزعا، بەيبىتشىلىك پەن كەلىسىمدى ساقتاۋعا ات سالىسقاندارىڭىزعا العىسىمىزدى بىلدىرەمىز. سىزدەرگە باقىتتى دا باياندى ءومىر، زور دەنساۋلىق، قاجىماس قايرات، جەمىستى ەڭبەك، شاڭىراقتارىڭىزعا شاتتىق پەن قۋانىش، قۇت-بەرەكە تىلەيمىن. سۇيىكتى قالامىز – ارۋ نۇر-سۇلتان كوركەيە بەرسىن!
*** *** *** ***
«XXI عاسىردىڭ تابالدىرىعىندا ءبىز ءوز تاڭداۋىمىز – كونە سارىارقانىڭ كيەلى اسپانى استىندا قونىس تەپكەن جاڭا استانامىز تۋرالى مالىمدەيمىز. بۇل تاڭداۋ استارىندا ەلىمىزدىڭ قازىرگى باسشىلىعىنىڭ ايقىنداماسى عانا تۇرعان جوق. بۇل تاڭداۋدا تاۋكەنىڭ كورەگەندىگى مەن ابىلايدىڭ ۇلىلىعى، ەسىمدەرى اڭىزعا اينالعان بيلەردىڭ دانالىعى مەن 1986 جىلدىڭ جەلتوقسانىندا ۇلتتىق قادىر-قاسيەت دەگەننىڭ نە ەكەنىن كۇللى الەمگە پاش ەتكەن سول ءبىر جاس جۇرەكتەردىڭ قاھارماندىعى توعىسىپ جاتىر. بۇل تاڭداۋدا ءوز تاعدىرىنىڭ قوجاسى بولۋ قۇقىعى ءۇشىن ءومىرىن قيعان ميلليونداعان قانداستارىمىزدىڭ ەرىك-جىگەرى بار. وسى تاڭداۋعا ءدايىم لايىق بولايىق»
نۇرسۇلتان نازاربايەۆ
*** *** *** ***
نۇر-سۇلتاننىڭ قازىرگى كۇن ساناپ بيىكتەي تۇسكەن ەڭسەسىنەن تاۋەلسىزدىگىمىزدىڭ تەگەۋرىنىن، ەلىمىزدىڭ ەلدىك قاسيەتىن، جاسامپازدىقتىڭ جاڭعىرىعىن ايقىن بايقاعاندايسىڭ. ەركە ەسىلدىڭ جاعاسىندا جاڭاشا ساۋلەتتىك ناقىشپەن بوي تۇزەپ جاتقان اسەم قالانىڭ سۇلۋ بەينەسى الىستان كوز تارتىپ، كوڭىل باۋرايدى. سوندىقتان، ونىڭ ەرتەڭىنە دە بارلىق قازاقستاندىقتار ۇلكەن ۇمىتپەن قاراپ، بۇكىل الەم قىزىعا كوز تىگۋدە.
ءقازىردىڭ وزىندە كوپتەگەن ساياسي جانە ەكونوميكالىق ماڭىزدى وقيعالاردىڭ ورتالىعىنا اينالىپ وتىرعان ونىڭ ەرتەڭگى بولاشاعىنىڭ دا زور بولارى كۇمانسىز.
*** *** *** ***
نۇر-سۇلتان.
بۇل سوزگە قازاق تۇگىل، تورت-كۇل الەمنىڭ ەتى ۇيرەنگەندەي.
نۇر-سۇلتان ءسوزى تىلگە ورالعاندا شاھار رەتىندە جاڭا-جاڭا بويىن تىكتەپ، ەڭسە كوتەرىپ كەلە جاتقان ەلورداسى كوز الدىمىزعا كەلە قالادى.
ول – جاي قالا عانا ەمەس. ەلوردا. كەشە عانا تاۋەلسىزدىگىن الىپ، بۋىنى ەندى قاتايىپ كەلە جاتقان قازاق مەملەكەتىنىڭ استاناسى.
نۇر-سۇلتان قازىرگى كۇنى كوزدىڭ جاۋىن الادى. قاراپ تۇرىپ سۇيسىنەسىڭ. ءسۇيسىنىپ تۇرىپ، شۇكىرشىلىك ەتەسىڭ.
نۇر-سۇلتان – بۇل قازاقتىڭ، مەرەيى، مارتەبەسى. «مەرەيىمىز تاسي بەرگەي، نۇر-سۇلتانىمىز اجارىنا اجار قوسىپ، سۇلۋلىعىنان تانباعاي» دەگەن شىنايى كوڭىل تۇلا بويدى كەرنەيدى.
نۇر-سۇلتان دۇنيەجۇزىنە ءمالىم. مۇندا الەمنىڭ تالاي مەملەكەتتەرىنىڭ سەركەلەرى باس قوسىپ، پىكىر الماسىپ، ماڭىزدى شەشىمدەر قابىلداپ ءجۇر.
نۇر-سۇلتان – ەل ماقتانىشى. مۇندا قىزمەت ەتۋ دە، ءبىلىم الۋ دا – باقىت.
نۇر-سۇلتان – جاڭا قالا، جاڭا شاھار. ول كەلەشەكتە بۇگىنگىدەن دە قۇلپىرىپ، كوركەيە بەرەتىندىگىنە سەنىم.
*** *** *** ***
بۇگىنگى زاماننىڭ تالابىنا ساي ءسانى مەن سالتاناتى كەلىسىپ، بىرلىگى مەن ىنتىماعى جاراسىپ، كوككە سامعاعان ءزاۋلىم بيىك عيماراتتارى بار، ەسىلگە قونعان اققۋداي، بۇل الەمدە ەڭ جاس نۇر-سۇلتانداي كوركەم قالا بار ما؟ بۇل – جەڭىستىڭ كىلتىن دوستىقپەن تاپقان نارتاۋەكەلدىڭ قالاسى. ارمانى اسقاق، اسۋى بيىك جانداردىڭ سالعان قالاسى. ەلىنىڭ ءبىر كۇندىگىن ەمەس، حالقىنىڭ 100 عاسىرلىق بىرلىگىن ويلاپ، ەلباسىنىڭ سالعان قالاسى. ەۋرازيا كىندىگىنە ورنالاسقان التى الاشتىڭ باس قوسقان قاسيەتتى مەكەنى، كەمەل كەلەشەگى بار جاڭا نۇر-سۇلتان بۇگىندە الەمدىك ساياساتتا ىقپال جاسايتىن، قازاقستان جايىندا تۇسىنىك قالىپتاستىراتىن، قازىرگى زاماننىڭ ەڭ ءىرى گەوساياسي جوبالارىنىڭ ءبىرى.
حالىقارالىق دارەجەدەگى سپورتتىق ويىندار مەن الەمدىك اۋقىمداعى باسقوسۋلار وتەتىن، ءسانى مەن سالتاناتى كەلىسكەن، بىرلىگى مەن ىنتىماعى جاراسقان ءححى عاسىردىڭ كوركەم ساۋلەتتى قالاسى – نۇر-سۇلتان ارمان ەمەس، اقيقاتقا اينالعان، قيال ەمەس، ازعانا ۋاقىت ارالىعىندا قولىمىز جەتكەن شىنايى تاريحي جەتىستىك. كەڭ بولسىن قازاعىمنىڭ كەرەگەسى، كەتپەسىن اللا بەرگەن بەرەكەسى. الاشتىڭ بالاسىنا ءناسىپ بولعان قۇتتى بولسىن، استانا مەرەكەسى.
*** *** *** ***
ن.نازاربايەۆتىڭ تۋ كوتەرۋ راسىمىندە سويلەگەن ءسوزى – قۇرمەتتى قازاقستاندىقتار! استانا كۇنىنە ارنالعان مەرەكەلىك شارالاردى قالا كوگىنە قازاق ەلىنىڭ كوك بايراعىن جەلبىرەتۋمەن باستايتىن ءداستۇرىمىزدىڭ بارلىعىن بىلەسىزدەر. قازاقتىڭ كوك تۋىن سارىارقانىڭ سامالىنا تەربەلتىپ، كوككە كوتەرۋ – ۇلكەن ماعىناعا يە. قازاق ەلىنىڭ اسپان تۇستەس كوك بايراعىندا التىن كۇنمەن استاسقان الىپ قىران قانات كەرگەن. وسىناۋ تەرەڭ ماعىنالى نىشاندا كەشەگى تاريحىمىز بەن بۇگىنگى بيىگىمىز، ەرتەڭگى ەرەن ىستەرىمىز تۇگەل توعىسقان. وعان ءبىز قازاق ەلىنىڭ اسپانىن بۇلت شالماسىن، قىران بەينەلى مارتەبەسى شىرقاپ، كوككە شارىقتاپ، كۇنگە جەتسىن دەگەن اسىل مۇراتىمىزدى سىيعىزدىق. قازاق بالاسىنىڭ مىزعىماس تا مۇقالماس ەرلىك ءداستۇرىنىڭ تامىرى تەرەڭدە جاتىر. حالقىمىز ءۇشىن كوككە كوتەرىلگەن بايراق – قاسيەتتى نىشان! ەل شەتىنە جاۋ كەلسە، ءبىزدىڭ باتىر بابالارىمىز وسى بايراقتىڭ تۇبىنەن تابىلعان. ازاتتىق جولىنداعى ارپالىستاردا ەرلەرىمىز ەلدىكتىڭ تۋى ەڭكەيمەۋى ءۇشىن جاندارىن قۇربان قىلعان. ەل يەسى – ەرلەرىنە «تۋىڭ جىعىلماسىن» دەپ باتا بەرگەن. ءبىز – بۇگىنگى تاۋەلسىز قازاق ەلىنىڭ ازاماتتارى، وسى باتا بويىنا دارىعان ۇرپاقپىز! ەگەمەندىك العاننان بەرى كوك بايراعىمىزدى الاسارتپاي، ەلىمىز تىنىش، ەڭسەمىز بيىك بولىپ، ءوسىپ، وركەندەپ كەلەمىز». ءبىز بيىكتە جەلبىرەگەن كوك بايراعىمىزعا كۇلىمدەپ قاراي الاتىن جاعدايدامىز. شەكارامىزدى شەگەندەدىك. ەلىمىزدىڭ قاق ورتاسىنا ەلوردامىزدى تىكتىك. – بۇل كۇندەرى استانا جاستىق مەرەيتويىن اتاپ وتۋدە. 15 جىل بۇل – بۇكىل حالقىمىزدىڭ شابىتتى ەڭبەگىنىڭ 5 مىڭ 475 كۇنى! شاھارلاردىڭ دا، ادامدار سياقتى، ءوز تاريحى، ءوز تاعدىرى بولادى. ءجاسوسپىرىم استانانىڭ تاريحى – شىندىققا اينالعان ۇلتتىق ۇلى ارماننىڭ شەجىرەسى. وسى جىلدار بويىندا ەلىمىزدىڭ بارلىق ءوڭىرلەرىنەن جۇزدەگەن مىڭ قازاقستاندىقتار ەلوردامىزدىڭ سالىنۋىنا جانە ەڭسە تىكتەۋىنە ەلەۋلى ۇلەس قوستى. سوندىقتان دا ءاربىر قازاقستاندىق ءۇشىن استانا – ءوزىنىڭ جان-جۇرەگىنە جاقىن جاڭا وتانىمىزدىڭ ءبىر بولشەگى. ءبىز ونى ءوز قولىمىزبەن جاڭادان تۇرعىزۋدامىز! 15 جىل ىشىندە باس قالانىڭ وڭىرلىك جالپى ءونىمى 45 ەسە وسكەن ەكەن! ءسويتىپ، بۇل شاھاردىڭ شىعاراتىن ءونىمىنىڭ اۋقىمى ءقازىر 2،7 تريلليون تەڭگەگە جەتكەن. «ءبۇگىندە استانا بۇكىل قازاقستاننىڭ يننوۆاسيالىق وزەگى بولىپ تابىلادى. بۇل جەردە وتاندىق ونەركاسىبىمىزدىڭ قازاقستاندا ەشقاشان بولماعان جاڭا سالالارى دۇنيەگە كەلدى. بۇلار – تەپلوۆوزدار، ۆاگوندار، تىكۇشاقتار، قوزعالتقىشتار جاساۋ سالالارى». يننوۆاسيالىق سالالار قاتارىندا باس قالاداعى جوعارى ءبىلىم بەرەتىن ءبىر دە بىرەگەي عىلىم ورداسى دا اتالادى. استاناداعى جاڭا جوعارى وقۋ ورىندارىندا ەلىمىزدىڭ يننوۆاسيالىق يندۋسترياسى ءۇشىن كادرلار دايارلانادى. استانا جاڭا مادەني ورتالىققا اينالدى. مۇندا «قازاقستان»، «استانا-وپەرا» سەكىلدى بۇكىل الەم ءۇشىن بىرەگەي كونسەرتتىك زالدار بوي كوتەردى. استانا – بارشا قازاقستاندىقتاردىڭ بىرلىگىنىڭ سيمۆولى! سوندىقتان ونىڭ 15 جىلدىعى – قازاقستان حالقىنىڭ جالپىۇلتتىق مەرەكەسى. استانا ەلىمىزدىڭ بارلىق وڭىرلەرى ءۇشىن «دامۋدىڭ ۇلگىسىن كورسەتتى»: «بۇگىندە بارلىق وبلىس ورتالىقتارى، بارلىق قالالار استاناعا قاراپ، بوي تۇزەيدى، وعان ۇقساۋعا تىرىسادى. ولاردىڭ بارلىعىندا جاڭا نىساندار سالىنادى، قالالار اباتتانىپ، اجارلانۋدا. – تۋىمىز تۇعىرلى، ەلىمىز عۇمىرلى بولسىن! ازات اسپانىندا التىن قىران قالىقتاعان ماڭگىلىك ەلىمىزدىڭ بولاشاعى باياندى بولسىن!
*** *** *** ***
You Might Also Like
-
استانانىڭ ەسىلى سارقىرايدى، مىڭ ءبىر شىراق تۇنىمەن جارقىرايدى. كوك اسپانمەن تالاسقان «بايتەرەگىم»، استانامنىڭ سۇلۋلىعىن ايقىندايدى. ساۋلەتى دە استانانىڭ سونداي كوركەم، ساعىن...
-
استانا – نۇرسۇلتان نازاربايەۆتىڭ ءوز جۇرەگىنە سىيعان تۇتاس الەمدى ءوز ەلى مەن حالقىنا دەگەن شەكسىز سۇيىسپەنشىلىگىنىڭ بەلگىسىندەي ەتىپ قاسيەتتى قازاق جەرىنە، ءوز دالاسىنا قوندىرىپ، ورنىقتىرا بىلگە...
