InfoHub Logo

استانا قالاسىنىڭ ءبىلىم باسقارماسى استانا قالاسى اكىمدىگىمەن كەلىسىپ بەلگىلەنگەن، قىسقى كەزەڭدەگى اۋا-رايىنىڭ قولايسىز جاعدايلارىنا بايلانىستى قالا بويىنشا ءبىلىم مەكەمەلەرىندەگى (جالپى ءبىلىم بەرەتىن مەكتەپتەر، كوللەدجدەردىڭ 1-2 كۋرس ستۋدەنتتەرى ءۇشىن) ساباقتى توقتاتۋ پارامەترلەرىن ۇسىنادى. 

بۇل تۋرالى astana.kz حابارلادى.

ءبىلىم باسقارماسىنىڭ حابارلاۋىنشا، بالالاردىڭ قاۋىپسىزدىگى مەن دەنساۋلىعىن ساقتاۋ ماقساتىندا، ءبىلىم مەكەمەلەرىندە ساباقتى توقتاتۋدىڭ پارامەترلەرى:

 - 1-4 سىنىپتاردا اۋانىڭ تەمپەراتۋراسى مينۋس 25 گرادۋس جانە ودان تومەن بولعاندا (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس)؛

- 1-9 سىنىپتاردا اۋانىڭ تەمپەراتۋراسى مينۋس 30 گرادۋس جانە ودان تومەن (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس) بولعاندا؛

 - 1-11 (12) سىنىپتاردا، كوللەدجدەردە (1-2 كۋرس ستۋدەنتتەرى) ءۇشىن اۋانىڭ تەمپەراتۋراسى مينۋس 35 گرادۋس جانە ودان تومەن (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس) بولعاندا؛

ايتا كەتۋ كەرەك، ەگەر جەلدىڭ كۇشى 15-20 م/س بولعاندا اۋا تەمپەراتۋراسى كۇشەيەدى (قاتتى جەل، بوران، كورۋ دەڭگەيىنىڭ تومەندەۋى).

ساباقتى توقتاتۋ تۋرالى اقپاراتتى 6.45-تەن 7.00-گە دەيىن (ءبىرىنشى اۋىسىم) جانە 11.15-تەن 13.00-عا دەيىن (ەكىنشى اۋىسىم) كەلەسى اقپارات كوزدەرىنەن الا الادى:

- Smart Astana ءموبيلدى قوسىمشاسى بويىنشا،

- «الما تۆ» كابەلدىك جۇيەسىنە قوسىلماعان بولساڭىز، «حابار»، «قازاقستان-1»، «ورت قازاقستان»، «استانا تۆ»، «كتك»، «نتك» تەلەارنالارىنان «داۋىستى حابارلاما» بەرىلەدى؛

- 109 تەلەفونىنا قونىراۋ شالۋعا بولادى (ۇيالى تەلەفوننان تەگىن) ؛

- www.e.astana.kz استانا قالاسى اكىمدىگىنىڭ ەلەكتروندى قىزمەتتەر پورتالىندا؛

- www.bilim.astana.kz استانا قالاسى ءبىلىم باسقارماسىنىڭ سايتىندا؛

- مەكتەپتەگى كەزەكشىنىڭ تەلەفونىنا، سىنىپ جەتەكشىسىنە، مەكتەپ اكىمشىلىگىنە حابارلاسۋعا بولادى.

اتا-انالاردى مۇقيات بولۋعا شاقىرامىز. ساباقتى توقتاتۋ تۋرالى اقپارات جوعارىدا كورسەتىلگەن ۋاقىتتا عانا بەرىلەدى. قىس مەزگىلىندە اۋا-رايىنىڭ سۋىقتىعىن ەسكەرىپ، بالالارىڭىزعا جىلى كيىنۋدى، اقپاراتتى ۋاقىتىلى تىڭداۋىن قاتاڭ تاپسىرۋلارىڭىزدى سۇرايمىز.

---