InfoHub Logo

پارلامەنت ءماجىلىسىنىڭ دەپۋتاتى يرينا سميرنوۆا ءبىلىم بەرۋ سالاسىنا بولىنەتىن قارجىنى كوبەيتىپ، مۇعالىمدەردىڭ جالاقىسىن كوتەرۋ بويىنشا ۇكىمەتكە جولداعان دەپۋتاتتىق ساۋالىنا جاۋاپ الدى. ونىڭ ايتۋىنشا، جاۋاپ xاتتى دايىنداعاندار ونى دۇرىس تۇسىنبەدى، دەپ xابارلايدى قازاقپارات.

"ءيا، ۇكىمەتتەن جاۋاپ كەلدى. ارينە، ونداي اقشانىڭ ءبىلىم بەرۋ سالاسىنا بولىنگەنى جاقسى بولار ەدى دەيدى. ءبىراق، ازىرشە ءبىز ەكونوميكالىق كۇش-قۋاتىمىز جاعىنان ەكونوميكالىق ىنتىماقتاستىق جانە دامۋ ۇيىمىنا كىرەتىن ەلدەرمەن تەڭەسە المايدى ەكەنبىز. سول سەبەپتى ءدال ءقازىر ءبىلىم بەرۋ سالاسىنا قىرۋار قارجىنى بولگەن جاعدايدا بىردەن وڭ ناتيجەگە جەتۋ قيىن دەيدى. الايدا مەن ءوز دەپۋتاتتىق ساۋالىمدى جولداعاندا جاي قىرۋار اقشانى بەرە سالىڭدار دەپ ايتقان جوقپىن. ول اقشا جەتىسپەي جاتىر دەگەنمىن. سوندىقتان اقشا جەتپەي تۇرسا، ونى اشىق ايتۋ كەرەك. مەكتەپتەردى قارجىلاندىرۋ كولەمى ايتارلىقتاي دارەجەدە ەمەس، مۇعالىمدەر لايىقتى جالاقىسىن الماي وتىر. وسىنى اشىق ايتۋ قاجەت. سوسىن الداعى ۋاقىتتا ءبىلىم بەرۋ سالاسىنداعى جاعداي قالاي وزگەرەدى؟ ونىڭ بولاشاعىنا ءبىر كوز تاستاپ، نەندەي وڭ وزگەرىستەر بولادى؟ ءبىر ءۇمىت وتىن جاعىپ قويسا دا بولادى عوي. ال ماعان جولداعان xاتتا قۇر ونداي اقشانى بولە المايمىز دەپ جازعان. نەگىزى، ونداي اقشانى تابۋعا بولادى. ىزدەسە، تابىلادى"، - دەدى ي.سميرنوۆا.

دەپۋتاتتىڭ ويىنشا، مۇعالىمدەردىڭ جالاقىسى ءبىر ستاۆكا ءۇشىن، كەم دەگەندە، 150 000 تەڭگە بولۋى قاجەت. ال كلاسس جەتەكشىلىگى مەن سان الۋان ادىستەمەلىك جۇمىستاردى قوسقاندا 200 000 تەڭگە تولەنسە، قازاقستاندىق مۇعالىمدەردىڭ قاتارى سيرەمەي، كەرىسىنشە، كاسىبي ماماندارمەن تولىعاتىن ەدى. "مۇعالىمدەردىڭ ەڭبەگىن لايىقتى باعالاۋ ماسەلەسىن قاپەردەن ەشقاشان شىعارماۋ قاجەت. ەگەر ءبىز ولاردىڭ جالاقىسىن وسىرمەسەك، ءبىلىم بەرۋ سالاسىنا اقشانى كوپتەپ بولمەسەك، وندا ول اقشانى باسقا سالالارعا ءبولۋدىڭ ەشبىر قاجەتى جوق"، - دەپ اتاپ كورسەتتى ي.سميرنوۆا.

ايتا كەتەيىك، قىركۇيەك ايىندا وتكەن ق ر پارلامەنت ءماجىلىسىنىڭ وتىرىسىندا دەپۋتات يرينا سميرنوۆا ءبىلىم بەرۋ سالاسىن قارجىلاندىرۋ ماسەلەسىن كوتەرىپ، قازاقستاندىق مۇعالىمدەردىڭ جالاقىسى تىم از ەكەنىن جەتكىزدى. حالىق قالاۋلىسى سونىڭ ءبارىن دەپۋتاتتىق ساۋالدا كورسەتىپ، ونى ۇكىمەت باسشىسىنىڭ اتىنا جولدادى. دەپۋتاتتىڭ ايتۋىنشا، بۇگىندە دانيا، يسلانديا جانە تاعى باسقا ەۋروپا مەملەكەتتەرىندە ءبىلىم بەرۋ سالاسىن قارجىلاندىرۋ كولەمى ىشكى جالپى ونىمگە شاققاندا 6-9 پايىزدى قۇراپ وتىر. سونىڭ ناتيجەسىندە گەرمانيا سياقتى ەلدە مۇعالىمدەردىڭ جالاقىسى 4 مىڭ ەۋروعا دەيىن جەتەدى. كورشى قىتايدا مەكتەپ مۇعالىمدەرى، كەم دەگەندە، 1 مىڭ اقش دوللارىن الادى. "بىزدە بولسا، مۇعالىمدەردىڭ ەڭبەكاقىسى 40-50 مىڭ تەڭگەنى قۇرايدى. سىنىپ جەتەكشىلىگى ءۇشىن 5-اق مىڭ قوسادى. ونداي جۇيەمەن ءبىلىم بەرۋ سالاسىن دامىتۋ قيىن. قازاقستان دا ءبىلىم بەرۋ سالاسىن قارجىلاندىرۋ كولەمىن ىشكى جالپى ونىمگە شاققاندا 6-9 پايىزعا دەيىن جەتكىزۋى ءتيىس"، - دەيدى دەپۋتات سميرنوۆا.

---