InfoHub Logo

استانا قالاسىنىڭ ءبىلىم باسقارماسى ەلورداداعى ەڭ ۇزدىك مەكتەپتەردىڭ ءتىزىمىن جاريا ەتتى.

ۆەدومستۆونىڭ حابارلاۋىنشا، استاناداعى مەكتەپتەردىڭ رەيتينگى جىل سايىن «ەڭ ۇزدىك ورتا ءبىلىم بەرۋ ۇيىمى» جانە «ەڭ ۇزدىك يننوۆاسيالىق مەكتەپ» بايقاۋلارى كەزىندە انىقتالادى. ولاردىڭ قورىتىندىسى بويىنشا قالا اكىمىنىڭ گرانتى تابىستالادى.

«استانا دارىنى» ايماقتىق عىلىمي-پراكتيكالىق ورتالىعى جىل سايىن وقۋشىلاردىڭ بارلىق دەڭگەيدەگى وليمپيادالاردا، عىلىمي جانە زياتكەرلىك جارىستارداعى ناتيجەلەرىنە قاتىستى رەيتينگتىك زەرتتەۋ جاساپ وتىرادى.

«استانا دارىنى» وتكىزەتىن رەيتينگتىك زەرتتەۋلەردىڭ ناتيجەلەرىن تىركەۋ ارقىلى جۇمىستاعى ولقىلىقتار مەن كەمشىن تۇستاردى دەر ۋاقىتىندا انىقتاپ، ونىڭ الدىن الۋعا، ءبىلىم بەرۋ جۇيەسىنىڭ جانە جەكەلەگەن ءبىلىم ۇيىمدارىنىڭ دامۋ بولاشاعىن بولجاۋعا، دارىندى بالالاردى انىقتاۋعا، ولاردى قولداپ، ارى قاراي دامىتۋعا جانە ەلوردالىق ءبىلىم بەرۋ سالاسىنىڭ زياتكەر ەليتاسىن قالىپتاستىرۋعا مۇمكىندىك بەرەدى»، - دەپ ەسەپتەيدى ءبىلىم باسقارماسى.

2015-2016 وقۋ جىلىندا استانا قالاسىنىڭ 94 مەكتەبى اتىنان اۋداندىق، قالالىق، رەسپۋبليكالىق، حالىقارالىق وليمپيادالاردا، عىلىمي جانە زياتكەرلىك جارىستارعا («عاسىردان عاسىرعا»، «ەلوردالىق ءبىلىم بەرۋ ۇيىمدارىنىڭ كوشباسشىسى»، «پوليگلوت»، «جۇلدىزدى جول» جانە تاعى باسقا) قاتىسقان وقۋشىلاردىڭ ناتيجەلەرى بويىنشا رەيتينگتىك زەرتتەۋلەر جۇرگىزىلدى.

استانادا 94 مەكتەبىنىڭ ىشىندە 15 مەكتەپ ەڭ ۇزدىك ناتيجەلەر كورسەتتى: №3 مەكتەپ-گيمنازياسى (ە.ۆ. شيەۆەرنيايەۆا)، №66 مەكتەپ-ليسەيى (ا.ە. شاياحمەتوۆا)، №70 مەكتەپ-ليسەيى (م. ك. قازييەۆا)، №60 مەكتەپ-ليسەيى (ا.ج. دۇيسەنوۆا)، №71 مەكتەپ-ليسەيى (ش.ا. اۋباكىروۆا)، دارىندى بالالارعا ارنالعان №9 «زەردە» مەكتەبى (ا.س. سەكسەنوۆا)، №48 مەكتەپ-ليسەيى (ز.ج.سادىقوۆا)، №50 مەكتەپ-ليسەيى (ر.ا. بولاتايەۆا)، №73 مەكتەپ-ليسەيى (ق.ا. بايتاجىقوۆا)، №54مەكتەپ-ليسەيى (گ.ك. ءامرينا)، دارىندى بالالارعا ارنالعان №82 «دارىن» مەكتەبى (ج.ب. قاسىمبەك)، №64 مەكتەپ-ليسەيى (ر.ا. بۇلامبايەۆا)، ا. قۇرمانوۆ اتىنداعى №17 مەكتەپ-گيمنازياسى (ر.ف.ومىرربايەۆا)، №40 ورتا مەكتەبى (ە.ي. ىرگەباي) جانە №6 گيمنازيا (ت.ك. كرىلوۆا).

---