تاعامعا ءدام كەلتىرۋدىڭ 15 امالى
جاساعان تاعامىمىز جاقىندارىمىزدىڭ كوڭىلىنەن شىعۋى ءۇشىن قيىن رەسەپتەردى ىزدەپ، تاماق جاساۋعا كوپ ۋاقىتىمىزدى كەتىرەمىز. ال نەگىزىندە قاراپايىم تاعامداردىڭ ءدامىن كەلتىرۋ ءۇشىن كوپ نارسە قاجەت ەمەس ەكەن. ەگەر ءسىز اس ۇيدە ەكسپەريمەنت جاساعاندى جاقسى كورەتىن بولساڭىز، وندا شەبەر-اسپاز بولۋعا جاقىنداتاتىن قۋلىقتاردى ۇسىنامىز.
ەت قارا ورىكپەن تاماشا ۇيلەسەدى
ەتتى بۇقتىرىپ جاتقاندا كەپكەن جەمىستى سالاتىن بولسا، كەرەمەت ءدامدى بولادى.
گۇلشەتەن، سالبەن، ورەگانو، مايوران، جەبىرشوپتى تاماقتى قۋىرىپ باستاعاندا قوسقان دۇرىس
سوندا ولار حوش ءيىسىن بارىنشا بولەدى. ال اقجەلكەن، اسكوك، كينزا، جاسىل پياز، ناسىبايگۇل پەن ەستراگوندى تاماققا سوڭعى بولىپ قوسىڭىز. ايتپەسە ول ءتۇسى مەن حوش ءيىسىن جوعالتىپ الادى.
اس بولمەڭىزدە ءاردايىم سويا تۇزدىعى بولسىن
ەت تاعامدارىنا دا، كوكونىس تاعامدارىنا دا بىرنەشە تامشى تامىزۋ ارقىلى ءدامىن كەلتىرۋگە بولادى.
كوكونىستى سۋ قايناعان ۋاقىتتا سالىڭىز
وسىلايشا ول دامىنەن ايرىلمايدى جانە دارۋمەندەرى كوبىرەك ساقتالادى.
قانت ەت، تەڭىز ونىمدەرى، كوكوكنىستەردىڭ ءدامىن كەلتىرەدى
سوندىقتان ءبىر شوكىم قانتتى تاعامعا تۇزبەن بىرگە قوسقان ءجون.
بيداي ۇنىن قاراقۇمىق، تارى، س ۇلى جانە ت.ب. ۇننىڭ باسقا دا تۇرلەرىمەن ارالاستىرىڭىز
بۇل پەچەنە مەن كەكستەردى دامدىرەك ەتىپ، پايدالىلىعىن ارتتىرادى.
ەتتى دايىنداۋ ءۇشىن فولگا پايدالانىڭىز
سوندا ەت جۇمساق، بالبىراپ پىسەدى. بۇعان قوسا ول بۇقتىرىلعان سياقتى دامگە يە بولادى، ءبىراق ءيىسى مەن مايى بولمايدى.
ماكارون ونىمدەرى جابىسىپ قالماس ءۇشىن
قايناعان سۋدى توگىپ تاستاماس بۇرىن وعان سۋىق سۋ قۇيىڭىز دا، بەتىن جاۋىپ 5 مينۋتتاي ۇستاي تۇرىڭىز.
ەگەر شيكى سوسيسكالارعا
قىشا جاعىپ، وسىمدىك مايىندا قۋىرسا وتە ءدامدى بولادى.
1 اس قاسىق سودا مەن 1 ستاقان سۋدىڭ ەرىتىندىسىنە پياز ساقينالارىن سالىپ قويۋ ارقىلى پيازدىڭ اششىلىعىن باسۋعا بولادى
بۇل ءادىستى پياز قوسىلعان سالات جاساعاندا پايدالانسا بولادى.
گرەك جاڭعاعى مەن الما قوسىلعان ءسابىز سالاتىنا
ءجانجابىلدى ۇگىپ قوسسا وتە ءدامدى بولادى.
ۆافەلدەر تومپاق بولىپ پىسكەنىن قالاساڭىز
قۇرامىنداعى ءسۇتتى ازايتىپ، ونىڭ ورنىنا مينەرالدى سۋ قۇيىڭىز.
ەتكە تۇزدى سوڭىندا نەمەسە دايىن بولعاندا سالۋ كەرەك
ەگەر باسىندا سالاتىن بولساڭىز، ءسولىنىڭ ءبارى تارتىلىپ، ەت قۇرعاق ءارى قاتتى بولادى.
سىعىندىلاردى پايدالانىڭىز
تاڭەرتەڭگىلىك كاشاعا جاڭعاق سىعىندىسىن، جالبىز سىعىندىلارى شوكولاد دەسەرتتەرىمەن تاماشا ۇيلەسەدى.
مۇزداتىلعان ليموندار – ەڭ جاقسى دامدەۋىش
جۋىلعان ليموندى مۇزداتقىشقا سالىپ، كەرەك كەزدە قابىعىمەن بىرگە ۇككىشتەن وتكىزىڭىز. ليمون قوسىلعان تاعامدار عاجايىپ دامگە بولەنەدى.
You Might Also Like
-
1. ءسىز ۋاقىتتى قادىرلەمەيسىز
-
كوكشەتاۋدا جالپى ءبىلىم بەرەتىن پاندەر بويىنشا رەسپۋبليكالىق وليمپيادا اياقتالدى. بەس كۇن بويىەلىمىزدىڭ بارلىق وڭىرلەرىنەن جينالعان 735 وقۋشى ءتۇرلى باعىتتار بويىنشا سايىستى. جاراتىلىستانۋ-پوليتەحنيكا...
