InfoHub Logo

رەسمي قۇجاتتاردا اتى، اكەسىنىڭ اتى، تەگىنىڭ دۇرىس جازىلۋى

مەملەكەتتىك تىلدە قۇجاتتار جاساۋ كەزىندە كوبىسى تەگىن، اتىن جانە اكەسىنىڭ اتىن (بۇدان ءارى – ت.ا.ءا.) جازۋعا بايلانىستى قينالادى. ءبىز سىزدەردىڭ نازارلارىڭىزعا وسىنداي پروبلەمالاردى يگەرۋگە كومەگى تيەتىن ماقالانى ۇسىنىپ وتىرمىز.

ءبىز ەڭ الدىمەن قازاقستان رەسپۋبليكاسىنىڭ زاڭىنا سۇيەنگەنىمىز ءجون. قازاقستان رەسپۋبليكاسىنىڭ «قازاقستان رەسپۋبليكاسىنداعى تىلدەر تۋرالى» 11.07.1997 جىلعى №151-1 زاڭىنىڭ 20-بابىندا: «رەسمي قۇجاتتاردا جەكە اتى، اكەسىنىڭ اتى، تەگى قازاقستان رەسپۋبليكاسىنىڭ زاڭنامالارىنا جانە نورماتيۆتىك قۇقىقتىق اكتىلەرىنە سايكەس جازىلۋى ءتيىس» - دەپ كورسەتىلگەن.

نازار اۋدارىڭىز.

رەسمي قۇجاتتاردىڭ قازاق جانە ورىس تىلدەرىندەگى نۇسقالارىندا بۇل ازاماتتىڭ جەكە كۋالىگىنە سايكەس جازىلۋى ءتيىس.

ەگەر ۇلتى قازاق ازاماتتىڭ جەكە كۋالىگىندە ت.ا.ءا. ورىس تىلىندە جازىلسا، وندا رەسىمدەلەتىن قۇجاتتا دا قازاق جانە ورىس تىلىندەگى نۇسقالارى ورىسشا جازىلۋى قاجەت.

ەگەر ۇلتى قازاق ازاماتتىڭ جەكە كۋالىگىندە ت.ا.ءا. قازاقشا جازىلسا، مىسالى، ءومىرباي ۇلى ساقتاعان، وندا رەسىمدەلەتىن قۇجاتتىڭ ورىس جانە قازاق ءتىلدى نۇسقالارىندا سۋبەكتىنىڭ ت.ا.ءا.قازاق تىلىندەگى جەكە كۋالىگىنە سايكەس (قۇجاتتىڭ ءماتىنى قاي تىلدە رەسىمدەلەتىنىنە قاراماستان!) جازىلادى.

زاڭنان ءۇزىندى.

2009 جىلدىڭ 25 قىركۇيەگىندەگى «مەملەكەتتىك جانە مەملەكەتتىك ەمەس ۇيىمدارداعى قۇجاتتاندىرۋ جانە قۇجاتتامالىق باسقارۋ تيپتىك ەرەجەسىنىڭ 10-بابى بويىنشا: «قۇجاتتار مەملەكەتتىك تىلدە جاسالادى، ونىمەن قاتار ورىس ءتىلى رەسمي قولدانىلادى، ال قازاقستان رەسپۋبليكاسىنىڭ «قازاقستان رەسپۋبليكاسىنداعى تىلدەر تۋرالى» زاڭىندا قاراستىرىلعان جاعدايلاردا، باسقا دا تىلدەر قولدانىلادى. مەملەكەتتىك تىلدەگى قۇجات جانە ءبىر ۋاقىتتا وزگە تىلدە جاسالاتىن اۋتەنتيكالىق قۇجات ءار قايسىسى جەكە بلانكىلەردە (جەكە پاراقتا) باسىلادى جانە بىردەي رەكۆيزيتپەن رەسىمدەلەدى».

جەكە كۋالىگى بويىنشا رەسمي قۇجاتتاردى زاڭدى تۇردە رەسىمدەگەن ءجون، ويتكەنى ءارتۇرلى قيىندىقتاردىڭ تۋىنداۋى مۇمكىن. مىسالى، قۇجات رەسىمدەلگەن ازاماتتىڭ ت.ا.ءا. مەملەكەتتىك تىلدە ءبىر دانادا جاسالىپ، قازاق قارپىمەن رەسىمدەلسە، ال ونىڭ ت.ا.ءا. جەكە كۋالىگىندە قازاق ءقارپىنسىز ورىسشا جازىلعان بولسا، وندا بۇل قۇجاتتىڭ كەز-كەلگەن ينستانسيالاردا (بانكتە، سوتتا، ققو، اكىمشىلىكتە جانە ت.ب.) زاڭدىق كۇشى بولمايدى، ويتكەنى قۇجاتتا جازىلعان ازاماتتىڭ ت.ا.ءا. ونىڭ جەكە كۋالىگىندە جازىلعاندارعا سايكەس كەلمەيدى.

ەگەر وندا ازاماتتىڭ تىركەلگەن تەگىندە ۇزاق داۋىستى «ي»، ال ونىڭ جەكە كۋالىگىندە جانە قۇجاتتا (شوت-فاكتۋرادا) – قىسقا داۋىستى «ي» بولاتىن بولسا، ونىڭ شوت-فاكتۋراسىن قابىلدامايدى، ول جارامسىز دەپ سانالادى.

مۇنداي ماسەلەلەردى بولدىرماس ءۇشىن، بارلىق قازاق جانە ورىس تىلدەرىندەگى رەسمي قۇجاتتاردى جەكە كۋالىگى بويىنشا رەسىمدەۋ قاجەت.

 

---