استانا قالاسىنىڭ نۇر-سۇلتان بولىپ وزگەرتىلۋىنە قارسىمىن؟
«استانا قالاسىنىڭ نۇر-سۇلتان بولىپ وزگەرتىلۋىنە قارسىمىن». ەل تۇرعىندارىنىڭ 69%-ى وسى پىكىردى قولداپ وتىر. ءبىراق نەگە؟
بىرىنشىدەن، ءبىز جاڭاشىلدىقتى قابىلداي المايمىز .قۇلاققا سىڭگەن سول ءبىر ەسىمدى عانا ەستىپ جۇرە بەرگىمىز كەلەدى.
ەكىنشىدەن، الىسقا كەتپەيىك . ءبىز مىسالعا ءوزىمىزدى الايىق. ءيا، ءسىز ءوزىڭىزدى الىڭىز. ەڭ جەڭىل دەگەندە استانا كوشەلەرىنىڭ بارلىعىن تازالاڭىز. سول ءۇشىن ءسىزدىڭ ەسىمىڭىزدى قالاعا بەرەمىز. ءسىزدىڭ ويىڭىز؟ ارينە وعان ءوزىڭىزدى لايىقتى سانايسىز . سەبەبى ءسىزدىڭ بۇل قالاعا ۇلكەن پايداڭىز ءتيدى عوي. ەندى ەلباسىمىزدىڭ ەلەۋلى ىستەرىن وي ەلەگىنەن وتكىزەيىك. 1998 جىلى اقمولا قالاسى استانا بولىپ اۋىسقان ۋاقىت. «كەلىسىم جانە بەيبىتشىلىك»، «تاۋەلسىزدىك» سارايلارىنسىز، «حان –شاتىرسىز»، «اق-ورداسىز»، « بايتەرەكسىز» جازىق دالا. وسىنداي قالانى 21 جىلدىڭ ىشىندە قازىرگىدەي دەڭگەيگە جەتكىزۋ وڭاي ءىس ەمەس. ويتكەنى ودان بولەك قازاقستاندا 85 قالا بار . وسى جىلدار ىشىندە بۇل قالالاردى دا قاراۋسىز قالدىرعان جوق. بارلىعىن دا ەلوردامەن بىرگە كوركەيتتى. «ەلباسى ءاربىر قۇرىلىستىڭ باسى-قاسىندا جۇرگەندەي ايتتى
عوي» دەيتىن شىعارسىز؟ الايدا ەشبىر عيمارات ەلباسىنىڭ كەلىسىمىنسىز سالىنعان جوق.
ۇشىنشىدەن،پرەزيدەنتىمىز ءالى ءتىرى .ءبىز تەك ومىردەن وتكەن الىپتارىمىزدى عانا ارداقتايتىن حالىقپىز. ەگەر ۇلت كوسەمى تاق ۇستىندە ومىردەن وزسا، اتاق پەن ماداققا بولەپ، داۋ-دامايسىز قالا ەسىمىن بەرە سالۋشى ەدىك. ازىرگە قولدا بار التىننىڭ ءقادىرى بولماي تۇر.
قورىتا كەلە ايتارىم، قالا ەسىمىن سىرت كيىم رەتىندە باعالاڭىز. ول وزگەرە بەرەدى . ماڭىزدىسى ءسىز عوي! تەك ءوزىمىزدى كوركەيتە بەرەيىك. ءالى قانشا كيىم اۋىستىرامىز ؟ ول بەيمالىم دۇنيە.
انزيا اسانوۆا
You Might Also Like
-
تاۋەلسىز ەلدىڭ نەگىزگى تىرەگى - ءبىلىمدى ۇرپاق. قازىرگى تاڭدا ءبىلىمدىنىڭ العا ءتۇسىپ، بايگەدەن وزىپ كەلەتىن زامانى ەندى تۋدى.
