استانادا اتا-انالار مەكتەپ اسحاناسىن قاداعالاي الادى
استاناداعى مەكتەپ اسحانالارىن براكەراجدى كوميسسيا قۇرامىنداعى اتا-انالار قاداعالاي الادى، دەپ حابارلايدى ەلوردا اكىمدىگىنىڭ مەديا ورتالىعى.
«استانا قالاسىنىڭ ءبىلىم بەرۋ ۇيىمدارىندا براكەراجدى كوميسسيالار جۇمىس ىستەيدى. براكەراجدى كوميسسيا قۇرامىنا مەكتەپ ديرەكتورى، الەۋمەتتىك پەداگوگ، مەيىربيكەلەر مەن ونعا جۋىق اتا-انالار كوميتەتىنىڭ مۇشەلەرى كىرەدى. ولار اپتا سايىن مەكتەپ اسحاناسىنىڭ سانيتارلىق تالاپقا ساي بولۋى مەن تاماقتىڭ سالماعىنىڭ نورماعا سايكەستىگىن تەكسەرىپ وتىرادى»، - دەدى مەديا ورتالىقتىڭ تىلشىسىنە بەرگەن سۇحباتىندا ءبىلىم باسقارماسىنىڭ باس مامانى اسەم ۇسەنوۆا.
ونىڭ ايتۋىنشا، مەكتەپ وقۋشىلارى ەلوردالىق قوعامدىق دەنساۋلىق ساقتاۋ دەپارتامەنتىمەن 4 اپتاعا بەكىتىلگەن ءمازىر بويىنشا تاماقتانادى. اتالعان ءمازىردى بەكىتكەن كەزدە قوعامدىق تاماقتانۋ ينستيتۋتىنىڭ ۇسىنىستارى ەسكەرىلەدى.
«مەكتەپ وقۋشىلارىنىڭ ءمازىرى جىلدىڭ باسىندا قاڭتار ايىندا بەكىتىلەدى. تاماق ءتورت اپتاعا بەكىتىلگەن ءمازىر بويىنشا دايىندالادى. جەرگىلىكتى بيۋدجەت ەسەبىنەن بالالاردى تەگىن تاماقپەن قامتاماسىز ەتۋ ماقساتىندا 3،5 ملرد تەڭگەگە جۋىق قارجى ءبولىندى. بۇل قارجى جىل سوڭىنا دەيىن مەكتەپ وقۋشىلارىن تەگىن تاماقتاندىرۋعا جەتكىلىكتى»، - دەدى باس مامان.
ايتا كەتەيىك، جاڭا وقۋ جىلىندا استانادا 73 مىڭعا جۋىق مەكتەپ وقۋشىسى تەگىن ىستىق تاماقپەن قامتاماسىز ەتىلەدى. قالاداعى بارلىق مەكتەپ اسحانالارعا اعىمداعى جوندەۋ جۇمىستارى جۇرگىزىلدى.
You Might Also Like
-
ق ر ءبىلىم جانە عىلىم ۆيسە-مينيسترى اسحات ايماعامبەتوۆ ەلىمىزدىڭ ءبىلىم بەرۋ مەكەمەلەرىندە لاتىن گرافيكاسىندا قازاق ءتىلىنىڭ الىپپەسىن ەنگىزۋدىڭ جوسپارى جايىندا باياندادى.
-
شايسۇلتان شاياxمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆتىڭ ايتۋىنشا، قازىرگى كەزدە ارنايى ماماندار لاتىن ءالىپبيىنىڭ ءبىرىڭعاي نۇسقاسىنا قاتىستى بارلىق ۇسىنى...
