لاتىن الىپبيىنە كوشۋ اياسىندا جەكە كۇجاتتار اۋىستىرىلا ما
قازاق ءالىپبيىنىڭ لاتىن نۇسقاسى رەسمي تۇردە بەكىتىلگەننەن كەيىن وسى سالاداعى شارالار جوسپارى قولعا الىنادى. سونىڭ ىشىندە جەكە كۋالىكتەردىڭ جاڭا نۇسقاسىن شىعارۋ دا بار.
«ارينە، بۇل شارا اسا وزەكتى جانە ءاربىر ازاماتقا قاتىستى. ونىڭ اياسىندا جەكە كۋالىكتەر دە اۋىستىرىلادى. الايدا ول جۇمىس بىرتىندەپ اتقارىلادى. ماسەلەن، قازىرگى قۇجاتتار جازىلعان مەرزىمىنە دەيىن دە جارامدى بولادى. ۋاقىتى اياقتالعاندا اۋىستىرىلادى»، - دەدى ۇكىمەت باسشىنىڭ ورىنباسارى ەربولات دوسايەۆ بۇگىن لاتىن ءالىپبيىنىڭ ءبىرىڭعاي ستاندارتىن تانىستىرۋعا ارنالعان پارلامەنتتىك تىڭداۋدا.
ونىڭ ايتۋىنشا، ءبىرىڭعاي ستاندارت بەكىتىلگەن بويدا ءبىلىم بەرۋ سالاسىنا قاتىستى ءبىراز شارالاردى اتقارۋ قاجەت. الدىمەن مامان دايارلاۋ ماسەلەسىنە باسا نازار اۋدارعان ءجون. وسىدان كەيىن ول ءبىلىمدى xالىق اراسىندا كەڭىنەن تاراتۋ قاجەت. «وسى ورايدا لاتىن ءالىپبيىن مەڭگەرۋ بويىنشا وقۋ-ادىستەمەلىك قۇرالداردى، ءموبيلدى قوسىمشالار مەن اقپاراتتىق باعدارلامالاردى شىعارعان ماڭىزدى. اتالعان شارالاردىڭ بارلىعى ۋاقىتىنا قاراي ۇيلەستىرىلەدى جانە بىر-بىرىمەن بايلانىستىرىلادى. وسىنىڭ ارقاسىندا ءبىز لاتىن ءالىپبيىن جۇيەلى تۇردە ەنگىزە الامىز»، - دەپ اتاپ كورسەتتى ۇكىمەت باسشىسىنىڭ ورىنباسارى.
ايتا كەتەيىك، بۇگىن ق ر پارلامەنتى ماجىلىسىندە شاياxمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆ لاتىن ءالىپبيىنىڭ ءبىرىڭعاي نۇسقاسىن تانىستىردى.
دەرەككوز: قازاقپارات
You Might Also Like
-
2025 جىلعا قاراي لاتىن الىپبيىنە تولىقتاي ەنە الامىز. بۇل تۋرالى ش. شاياحمەتوۆ اتىنداعى رەسپۋبليكالىق ورتالىعىنىڭ ديرەكتورى ەربول تىلەشوۆ ءمالىم ەتتى.
-
(مەكتەپ شاكىرتى ءۇشىن جازىلعان). حالقىمىزدىڭ بويىندا جيناقتالعان اسىل مۇرالارىمىزدى ەسكە الىپ وتىرساق، ولاردىڭ بىزگە قىمبات ءارى قاستەرلى ەكەندىگىن ۇعا تۇسكەندەي بولامىز. سونداي قاسيەتتى ۇعىمدار و...
