تىلدىك رەفورمادا اسىعىستىققا جول بەرىلمەۋى كەرەك - بعم
ق ر ءبىلىم جانە عىلىم ۆيسە-مينيسترى اسحات ايماعامبەتوۆ ەلىمىزدىڭ ءبىلىم بەرۋ مەكەمەلەرىندە لاتىن گرافيكاسىندا قازاق ءتىلىنىڭ الىپپەسىن ەنگىزۋدىڭ جوسپارى جايىندا باياندادى.
«جاڭا گرافيكا بەكىتىلگەن جاعدايدا بارلىق ءبىلىم بەرۋ مەكەمەلەرىندە جاڭا جازبانى ەنگىزۋدىڭ كەستەسىن بەكىتۋدى جوسپارلاپ وتىرمىز. وسىنىڭ بارلىعىن الدىمەن پەداگوگيكالىق، اتا-انالار قوعامداستىعىمەن، سونداي-اق مادەنيەت جانە سپورت، اقپارات جانە كوممۋنيكاسيالار مينيسترلىكتەرىمەن تالقىلايمىز. بۇل تۇرعىدا قاجەتتى قادامداردى پرەزيدەنت اكىمشىلىگىمەن، ۇكىمەتپەن كەلىسىپ الامىز. سوڭعى شەشىم قابىلداۋ ءۇشىن اتالعان ماسەلە مەن كەستەنى پارلامەنت وتىرىسىنا ەنگىزەمىز»، - دەدى ۆيسە-مينيستر پارلامەنتتىك تىڭداۋ بارىسىندا.
وسى ورايدا ول الداعى جۇمىستاردا اسىعىستىققا جول بەرىلمەيتىنىن، سوندىقتان بارلىق شارالار بەكىتىلگەن كەستەگە سايكەس جۇرگىزىلەتىنىن جەتكىزدى.
بۇل رەتتە كادرلاردى دايارلاۋ، وقۋلىقتاردى، سوزدىكتەردى باسىپ شىعارۋ جۇمىستارى ەسكەرىلەدى. كەيىننەن جاپپاي تارالىممەن نورماتيۆتىك سوزدىكتەردى، وقۋلىقتاردى، وقۋ-ادىستەمەلىك كىتاپتار كوپشىلىككە ۇسىنىلادى.
«ەڭ باستى ءارى جاۋاپكەرشىلىكتى قاجەت ەتەتىن دايىندىق كەزەڭىن ساپالى اياقتاعاننان كەيىن عانا جاڭا جازبانى ءبىلىم بەرۋدىڭ بارشا مەكەمەسىنە كەڭ اۋقىمدا ەنگىزۋگە كىرىسەمىز. بۇل تۇرعىدا ورىس تىلىندە ءپاندى وقىتۋدا كيريلليسا قالاتىنىن اتاپ وتكىم كەلەدى. لاتىن ءقارپى تەك قازاق تىلىنە جانە قازاق تىلىندە وقىتىلاتىن پاندەرگە قاتىستى بولادى»، - دەدى ايماعامبەتوۆ.
دەرەككوز: قازاقپارات
You Might Also Like
-
بۇگىن ق ر پارلامەنتى ماجىلىسىندە شاياxمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆ لاتىن ءالىپبيىنىڭ ءبىرىڭعاي نۇسقاسىن تانىستىردى.
-
استاناداعى مەكتەپ اسحانالارىن براكەراجدى كوميسسيا قۇرامىنداعى اتا-انالار قاداعالاي الادى، دەپ حابارلايدى ەلوردا اكىمدىگىنىڭ مەديا ورتالىعى.
