InfoHub Logo

2017 جىلدىڭ 10 ساۋىرىنەن استانا قالاسىندا مەملەكەتتىك بالاباقشالارعا جولدامالار www.astana.kz پورتالى ارقىلى ەلەكتروندىق تۇردە بەرىلەتىن بولادى، دەپ حابارلايدى استانا اكىمدىگىنىڭ باسپا ءسوز قىزمەتى.

بۇل باعىتتا قىزمەتتى الۋشىلارعا 2017 جىلدىڭ 1 ساۋىرىنە دەيىن مىناداي شارتتاردى ورىنداۋ كەرەك:

1) ەلەكتروندىق-ساندىق قولتاڭبانى الۋ (ول ءۇشىن حقكو «ازاماتتارعا ارنالعان ۇكىمەت» كاق جۇگىنۋ قاجەت)؛

2) ءوتىنىم بەرۋشىنىڭ ەلەكتروندىق-ساندىق قولتاڭباسى (جەكە كابينەتكە كىرۋ) ارقىلى www.astana.kz جۇيەسىندە تىركەلۋ؛

3) ءوتىنىم بەرۋشىنىڭ جەكە كابينەتىندە بايلانىس مالىمەتتەرىن كورسەتۋ نەمەسە وزگەرتۋ (ەلەكتروندىق پوشتا، ۇيالى تەلەفون ءنومىرى، جاقىن جەردەگى بالاباقشانى انىقتاۋ ءۇشىن تۇرعىلىقتى مەكەنجاي) قاجەت. بايلانىس مالىمەتتەرى ءسىزدىڭ كەزەگىڭىز كەلگەنى جايلى حاباردار ەتۋ (حابارلاما، ەسكەرتۋ حات) ءۇشىن كەرەك.

جولدامالار كەزەككە سايكەس قولدانىستاعى بالاباقشالارداعى بوس ورىندارعا بەرىلەدى.

جالپى استانا قالاسى بويىنشا 8412 بوس ورىن بولىنەدى.

ءسىز تولىققاندى نۇسقامامەن e.astana.kz جۇيەسىندە http://ises.astana.kz/DayCareQueueService/Instruction سىلتەمەسىمەن ءوتۋ ارقىلى تانىسا الاسىز.

---