فينليانديا مەكتەپ باعدارلاماسىنان فيزيكا، ماتەماتيكا، تاريح سىندى نەگىزگى پاندەردى الىپ تاستاماق
فينليانديا مەملەكەتىنىڭ ءبىلىم بەرۋ جۇيەسى الەم مەملەكەتتەرى اراسىندا الدىڭعى قاتاردا ەكەنى بارىمىزگە بەلگىلى. سوڭعى ستاتيستيكالىق زەرتتەۋلەردىڭ ناتيجەسىندە العاشقى وندىقتان تۇسپەي كەلە جاتقان بىردەن-بىر مەملەكەت. الايدا، مەملەكەتتىڭ جەرگىلىكتى بيلىگى ءبىلىم بەرۋ جۇيەسىنە ۇلكەن جاڭالىق ەنگىزگەلى جاتىر، دەپ جازادى massaget.kz.
فينليانديانىڭ شەنەۋنىكتەرى مەكتەپ باعدارلاماسىنان فيزيكا، ماتەماتيكا، گەوگرافيا، وعان قوسا تاريح پەن ادەبيەت پاندەرىن الىپ تاستاعالى جاتىر. نە ءۇشىن؟
ءبىلىم دەپارتامەنتىنىڭ باسشىسى مارو كيللونەن بۇل شەشىمدى بىلاي دەپ تۇسىندىرەدى:
1900 جىلداردىڭ باسىنداعى قالىپتاسقان ادىسپەن وقىتاتىن مەكتەپتەر ءبىزدىڭ مەملەكەتتە وتە كوپ. ولاردىڭ باسىم بولىگى ەسكى ادىس-تاسىلدەر ارقىلى ءبىلىم بەرەدى. الايدا، ءقازىر ءححى عاسىر. ءبىز بۇگىنگى قوعامعا ساي ءبىلىمدى جاساقتاۋىمىز كەرەك. وقۋشىلارعا تاڭداۋ قۇقىعىن بەرۋىمىز قاجەت، - دەيدى ءبىلىم ءمينيسترى.
جەكەلەنگەن پاندەردى وقىتۋ بارىسىندا وقۋشى وزىنە:
ماعان بۇل ءپان نە ءۇشىن قاجەت؟ پايداسى بار ما؟ دەگەن ساۋالداردى ءجيى قويادى. مىسالى، ەكىنشى دۇنيەجۇزىلىك سوعىستى وقۋ بارىسىندا تەك تاريحي كوزقاراس قالىپتاستىرا الادى. ەگەر "كافەدە جۇمىس جاساۋ"، "وراتورلىق ءتاسىل" سىندى كۋرستىق ءپان وقىتىلاتىن بولسا، وقۋشىلار ەڭبەككە ۇمتىلادى، ءتىل مەڭگەرەدى، وعان قوسا ەكونوميكا مەن قارىم-قاتىناس ناتيجەسىن دە جاقسارتادى. اتالمىش كۋرستاردى جۇرگىزۋ جوعارعى سىنىپ وقۋشىلارىنان باستالۋى كەرەك. وعان قوسا ءداستۇرلى فورمات "ءمۇعالىم مەن وقۋشى" اراسىنداعى شەكارا جويىلادى. وقۋشى پارتاعا بەلگىلى ءبىر ۋاقىت اراسىندا وتىرىپ، تاقتاعا ءوزىن شاقىرۋدى كۇتپەيدى. توپپەن، ۇجىممەن جۇمىس جاساۋدى يگەرەدى. فين مەملەكەتى بۇل جۇيەگە بۇگىننەن باستاپ دايىندالۋدا. حەلسينكيدىڭ 70 پايىز پەداگوگتارى دا وسى جۇيەگە ساي ارنايى دايىندىق كۋرستارىنان ءوتىپ جاتىر. بۇل جۇيە 2020 جىلى تولىقتاي ەنگىزىلەدى. مەملەكەتتە جۇرگىزىلگەن ساۋالناما بويىنشا وقۋشىلاردىڭ باسىم كوپشىلىگى بۇل جۇيەنى تولىقتاي قولداعان. قانداي ءپان قىزىقتىراتىنىن جانە قانداي كۋرستى مەڭگەرگىسى كەلەتىنىن وقۋشىلار وزدەرى شەشەدى. دەمەك، تاڭداۋ قۇقىعىنا ۇستازداردان بۇرىن وقۋشىلار يە.
You Might Also Like
-
…ۋاقىت قارقىنى زىمىران. كۇنى كەشە وتكەن سياقتى ۋاقيعالار بۇگىندە تاريح بەتتەرىنە اينالىپ تا ۇلگىردى. بۇل جاڭا مەملەكەت پەن جاڭا قوعامنىڭ دۇنيەگە كەلۋىنىڭ ازاپتى تولعاققا تولى، سونىمەن بىرگە ...
-
استانادا مەكتەپكە دەيىنگى ءبىلىم بەرەتىن مەكەمەلەردىڭ تاربيەشىلەرى، ورىس ءتىلدى باستاۋىش سىنىپ مۇعالىمدەرى، سونداي-اق پسيحولوگيالىق-پەداگوگيكالىق تۇزەتۋ ماماندارى جەتكىلىكسىز. بۇل تۋرالى استانا قالال...
