استانادا جاعدايى تومەن وتباسى بالالارىنا 41 مىڭ تەڭگەدەن بەرىلەدى
1 تامىزدا ەلوردادا ءداستۇرلى «مەكتەپكە جول» اكسياسى باستالدى.
اتاپ ايتقاندا، ااك الۋعا قۇقىعى بار وتباسىنان شىققان بالالار، ااك المايتىن، جان باسىنا شاققانداعى تابىسى ەڭ تومەن كۇنكورىس دەڭگەيىنە جەتپەيتىن وتباسى بالالارى، اتا-انا قامقورلىعىنسىز قالعان بالالار، تج سالدارىنان شۇعىل جاردەمدى تالاپ ەتەتىن وتباسى بالالارى جانە قيىن جاعدايعا تاپ بولعان وتباسىلار، ونىڭ ىشىندە مۇگەدەك بالالارى بار جاعدايى تومەن وتباسىلارعا مەكتەپكە قاجەتتى جابدىقتار مەن كيىم ءۇشىن اقشالاي كومەك كورسەتىلەدى.
«بيىل استانا بويىنشا 22 700 بالاعا كومەك كورسەتىلەدى. ونىڭ ءبىرىنشى باعىتىندا بيۋدجەت ەسەبىنەن 14 200 بالاعا كومەك بەرىلەدى. ول كومەكتى الۋ ءۇشىن اتا-انالار مەكتەپكە بارىپ ءوتىنىش جازىپ، بانكتە ارنايى شوت اشۋى قاجەت. نەسيە قارىزى جوق جانە بۇعاتتالماعان بانك كارتوچكاسىنىڭ 20 تاڭبالى ءنومىرىن ۇسىنۋ كەرەك). اتالعان وتباسى بالالارىنا جالپىعا مىندەتتى وقۋ قورىنان 41 مىڭ تەڭگە بەرىلەدى. بۇل - بالالاردى مەكتەپكە دايىنداۋعا ارنالعان قاراجات. اتا-انالاردان بەرىلگەن قاراجاتتى ءتيىستى ماقساتتا بالالارعا جۇمساۋىن سۇرايمىز»، - دەدى قالالىق ءبىلىم باسقارماسىنىڭ باسشىسى قاسىمحان سەنعازىيەۆ استانا كوممۋنيكاسيالار ورتالىعىندا.
ءبىلىم باسقارماسى وسى ماسەلە بويىنشا ءبىلىم بەرۋ ۇيىمدارىنىڭ باسشىلارىمەن ءتۇسىندىرۋ جۇمىسىن جۇرگىزگەن.
قازىرگى ۋاقىتتا جالپى ءبىلىم بەرەتىن مەكتەپتەر اكىمشىلىكتەرى حالىقتىڭ مۇقتاج ساناتتارىنىڭ ءتىزىمىن قالىپتاستىرۋ بويىنشا جۇمىس جۇرگىزۋدە.
«ال ەكىنشى باعىتتا «مەكتەپكە جول» رەسپۋبليكالىق اكسياسى بويىنشا اۋدان اكىمدىكتەرىمەن بىرلەسىپ، دەمەۋشىلىك قاراجات ەسەبىنەن الەۋمەتتىك وسال ساناتتاعى 8 500-دەن استام بالانى قامتۋ جوسپارلانۋدا. اكسيا 1 تامىزدان باستاپ 30 قىركۇيەككە دەيىن جوسپارلانعان. ماتەريالدىق كومەكتى كوپبالالى وتباسىلار، جەتىم بالالار جانە اتا-انا قامقورلىعىنسىز قالعان بالالار الا الادى. ەگەر وتباسى اتالعان ساناتتارعا جاتاتىن بولسا، اتا-انالار مەكتەپكە راستايتىن قۇجاتتاردى ۇسىنۋى كەرەك. قانداي قۇجاتتاردى تاپسىرۋ كەرەكتىگىن مەكتەپتەر تۇسىندىرەدى»، - دەيدى باسقارما باسشىسى.
ازاماتتاردىڭ وتىنىشتەرىنە جەدەل ارەكەت ەتۋ ءۇشىن ءبىلىم بەرۋ ۇيىمدارىندا «جەدەل جەلى»، «سەنىم» تەلەفوندارى (55 69 60، 55 68 51) جانە قوعامدىق قابىلداۋ بولمەلەرى جۇمىس ىستەيدى.
بۇعان دەيىن سپيكەر استاناداعى ءبىلىم ساپاسىنىڭ كورسەتكىشى 59،7% قۇراعانىن ايتقان ەدى.
الدىن الا بولجام بويىنشا جاڭا وقۋ جىلىندا بالا سانى 255 مىڭعا جۋىق بولادى. ءبىرىنشى سىنىپقا 27 مىڭنان استام بالا بارادى دەپ كۇتىلىپ وتىر.
You Might Also Like
-
ەلىمىزدە 1-سىنىپقا وقۋشىلاردى قابىلداۋ مەرزىمى اياقتالدى.
-
ءومىر جولىندا نەشە ءتۇرلى دە، مىنەزدى دە ادامدار جەتەرلىك. جامان جولداستان سىرلاس بولىپ جانە ارالاسىپ ءتىسىڭىزدى تىستەپ قالۋىڭىز مۇنكىن. بۇل جولداس نەمەسە دوسىڭىزبەن ءارى قاراي ارالاسقان ءجون بە؟ جۇرەگى...
