قازاقستاندا 340 مىڭعا جۋىق بالا 1-سىنىپقا قابىلداندى
ەلىمىزدە 1-سىنىپقا وقۋشىلاردى قابىلداۋ مەرزىمى اياقتالدى.
قۇجاتتاردى قابىلداۋ تولىق ءتورت اي، ياعني 1 ساۋىردەن 1 تامىزعا دەيىنگى ارالىقتا جۇرگىزىلگەن بولاتىن.
«وسى مەرزىم ىشىندە قازاقستاندىقتاردان 377 681 ءوتىنىش كەلىپ تۇسكەن. ونىڭ ىشىندە 339 880 وقۋشى ءبىرىنشى سىنىپقا قابىلداندى. ءوتىنىش بەرىشۋلەردىڭ 70،7% مەكتەپتى مەملەكەتتىك تىلدە وقۋعا نيەت ءبىلدىردى. قۇجاتتاردى قابىلداۋ ەgov.kz ەلەكتروندى پورتالى جانە جەرگىلىكتى اتقارۋشى ورگانداردىڭ اقپاراتتىق جۇيەلەرى ارقىلى جۇزەگە اسىرىلدى»، - دەپ جازىلعان مينيسترلىك حابارلاماسىندا.
سونداي-اق، ءبىرىنشى سىنىپقا قابىلدانۋشىلاردىڭ ەڭ جوعارى كورسەتكىشى شىمكەنت قالاسىندا (99،3%)، پاۆلودار (97،6%)، شىعىس-قازاقستان (96،6%) وبلىستارىندا تىركەلگەن.
بۇعان دەيىن وقۋ-اعارتۋ ءمينيسترى عاني بەيسەمبايەۆ 1-سىنىپقا قۇجاتتاردى قابىلداۋ نەلىكتەن 1 تامىزعا دەيىن جۇرەتىنىن تۇسىندىرگەن ەدى.
«قۇجاتتار قابىلداۋدى ءبىز ەرتەرەك، كوكتەمنەن باستايمىز. وقۋشىلاردىڭ سانىن انىقتاپ، وقۋلىق دايىنداۋدى الدىن الا جوسپارلاۋ كەرەك. قۇجات قابىلداۋدى 1 قىركۇيەككە دەيىن ۇزارتۋعا دا بولار ەدى. وندا 1-سىنىپ وقۋشىلارىنا قانشا كىتاپ كەرەكتىگى بەلگىسىز بولادى. وقۋلىقتاردى ەرتەرەك قاجەتتى كولەمدە ساتىپ الۋ قاجەت. ۋاقىتتىڭ تىعىزدىعىنان 1 تامىزعا دەيىن عانا قۇجات قابىلداۋ جۇرەدى»، - دەدى عاني بەيسەمبايەۆ ۇكىمەت وتىرىسىنان كەيىن تىلشىلەردىڭ سۇراعىنا.
You Might Also Like
-
«ون سان ورتا جۇزگە ۇران بولعان ولجاباي» دەسەدى. بۇل سوزگە دالەل بولارلىق اڭگىمە ايتادى.
-
1 تامىزدا ەلوردادا ءداستۇرلى «مەكتەپكە جول» اكسياسى باستالدى.
