اتىراۋلىق وقۋشىلار سۋسابىننىڭ جاڭا ءتۇرىن جاساپ شىعاردى
اتىراۋلىق وقۋشىلار سۋسابىننىڭ جاڭا ءتۇرىن ۇسىندى. سۋسابىننىڭ قۇرامىندا حيميالىق قوسپالار جوق.
اتىراۋداعى اباي اتى بەرىلگەن وقۋشىلار ورتالىعىندا 7-11-سىنىپ وقۋشىلارى عىلىمي جوبالارمەن اينالىسىپ ءجۇر.
مۇندا وقۋشىلار ءۇشىن STEAM باعىتىندا ءبىلىم بەرۋگە ارنالعان JasSpace باعدارلاماسى اشىلعان.
اتالعان باعدارلامامەن «ماڭگى ءتىرى سۋ» جازعى كۋرسىنان قوسىمشا ءبىلىم جەتىلدىرگەن وقۋشىلار اراسىندا ارۋجان ابدۋلعازييەۆا، ءبيبىنۇر عابدىجان مەن ءۋاليتحان باتىربايەۆ تا بار.
جاس ونەرتاپقىشتار سۋسابىننىڭ جاڭا ءتۇرىن جاساپ شىعاردى. ولار سۋسابىندى Eco-way دەپ اتاعان.
«بۇل تابيعي ءونىمنىڭ قۇرامىنا سۋلفات، حلوريت سەكىلدى حيميالىق قوسپالار قوسىلعان جوق. ءبىز كۇندەلىكتى تۇتىنۋعا سۋسابىندى تەك تابيعي قوسپالار مەن ورگانيكالىق زاتتاردان عانا جاسادىق. جاڭا سۋسابىن شاشتى نارلەندىرەدى، قايىزعاقتان تازارتادى. ءوزىم ءتول سۋسابىنىمىزدى قولدانىپ ءجۇرمىن»، - دەيدى ءۋاليتحان باتىربايەۆ.
«ماڭگى ءتىرى سۋ» جازعى كۋرسىنىڭ ترەنەرى اسەل وڭداشيەۆانىڭ ايتۋىنا قاراعاندا، وقۋشىلار جاساعان تابيعي سۋسابىننىڭ ادامنىڭ دەنساۋلىعىنا ەش زيانى جوق.
سول سەبەپتەن، بۇل سۋسابىندى كىشكەنتاي بالالاردى جۋىندىرۋعا پايدالانۋعا ابدەن بولادى.
«قازىرگى سۋسابىنداردىڭ قۇرامىنداعى سۋلفاتتار اللەرگيا تۋعىزىپ، شاشتىڭ تۇسۋىنە اسەر ەتۋى مۇمكىن. مۇنى تۇتىنۋشىلار ەسكەرمەيدى. ال، اتىراۋلىق وقۋشىلار جاساپ شىعارعان سۋسابىننىڭ قۇرامىندا سۋلفات جوق. ادامنىڭ كوزىن اشىتپايدى. ەندى جوبانى ءالى دە جەتىلدىرۋدى ويلاستىرىپ وتىرمىز»، -دەيدى اسەل وڭداشيەۆا.
You Might Also Like
-
ورتا ءجۇز ارعىن، سىرىم، مالايسارى باتىردىڭ اكەسى توقتاۋىل باتىر زامانىندا «باتىر» اتانعان كىسى ەكەن.
-
ءبىزدىڭ بۇل قازاق سىر بويىنان اۋىپ كەلگەندە، ۇلىتاۋ، كىشىتاۋدى قىستاپ، سۇرقاراسورتىنى جايلاپ، سول ماڭا[يعا] ورىن تەۋىپ ءجۇرىپتى. باياناۋلاعا «بارلىباي» ۇراندى باسەنتيىن [كەلىپ] «اق ت...
