اسحات ايماعامبەتوۆ: ديسسەرتاسيانى ونلاين فورماتتا قورعاۋعا بولادى
عىلىمي جۇمىستى قورعاۋ پروسەدۋراسى ينتەرنەت جەلىسى ارقىلى تىكەلەي ەفيردە جۇرگىزىلەدى. بۇل جايىندا ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.
«عىلىمي جۇمىستى قورعاۋ پروسەدۋراسى ينتەرنەت جەلىسى ارقىلى تىكەلەي ەفيردە جۇرگىزىلەدى. ياعني ديسسەرتاسيانى قورعاۋ ءراسىمى تولىعىمەن اشىق فورماتتا وتەدى. ەندىگى كەزەكتە عىلىمي جانە اكادەميالىق قاۋىمداستىقتى بەلسەندى بولۋعا شاقىرامىن. ەندى كەز كەلگەن عىلىمي زەرتتەۋلەرمەن تانىسىپ، دوكتورانتتاردىڭ جۇمىسىنا اشىق پىكىر قالدىرا الاسىزدار»، - دەدى ول.
ءمينيستردىڭ اتاپ وتۋىنشە، دوكتورانتتىڭ ديسسەرتاسياسى تولىق دايىن بولعان كەزدە كافەدرانىڭ كەڭەيتىلگەن وتىرىسىندا عىلىمي جۇمىس ءبىر رەت تالقىلاۋدان وتەدى. نەگىزگى تالقىلاۋ جۇمىستارى ديسسەرتاسيانى قورعاۋ كەزىندە جۇرگىزىلەدى. وسىلايشا قورعاۋ ساپاسى جاقسارىپ، ديسسەرتاسيالىق كەڭەستەردىڭ جاۋاپكەرشىلىگى ارتادى.
«ەرەكشە مارتەبەسى بار جوعارى وقۋ ورىندارى ءۇشىنشى جىل قاتارىنان PhD دارەجەسىن وزدەرى تاعايىنداپ، جەكە ۇلگىدەگى ديپلومدار بەرىپ جاتىر. ەندى ۇلتتىق جوعارى وقۋ ورىندارى دوكتورانتتاردىڭ جاريالانىمدارىنا ءوز شەشىمدەرى بويىنشا قوسىمشا، جوعارى تالاپتار قويا الادى»، - دەدى اسحات ايماعامبەتوۆ.
ونىڭ ايتۋىنشا، ەل ازاماتتارى ديسسەرتاسيانى ونلاين فورماتتا قورعاي الادى.
«بۇل – الەم بويىنشا كەڭىنەن پايدالانىلىپ جاتقان تاجىريبە. پاندەميا كەزىندە كاليفورنياداعى بەركلي ۋنيۆەرسيتەتى، وكسفورد، كەمبريدج، گارۆارد، سينگاپۋر ۇلتتىق ۋنيۆەرسيتەتى جانە باسقا دا وقۋ ورىندارى العاشقىلاردىڭ ءبىرى بولىپ ديسسەرتاسيانى قورعاۋدى ونلاين فورماتتا وتكىزگەن ەدى»، - دەدى مينيستر.
You Might Also Like
-
مەن جانە مەنىڭ ۇرپاعىم - ءوز ەلىمنىڭ بولاشاعى! ءوز حالقىمنىڭ جانە ەلىمنىڭ جىلدار بويى سوزىلىپ كەلە جاتقان تاريحىن ماقتان ەتەمىن. ءبىزدىڭ بولاشاعىمىز تىكەلەي وزىمىزگە عانا بايلانىستى. شىن مانىندە، قازا...
-
بيىل ۇلتتىق ءبىرىڭعاي تەستىلەۋ ەلەكتروندى فورماتتا وتەدى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
