InfoHub Logo

مەن جانە مەنىڭ ۇرپاعىم - ءوز ەلىمنىڭ بولاشاعى! ءوز حالقىمنىڭ جانە ەلىمنىڭ جىلدار بويى سوزىلىپ كەلە جاتقان تاريحىن ماقتان ەتەمىن. ءبىزدىڭ بولاشاعىمىز تىكەلەي وزىمىزگە عانا بايلانىستى. شىن مانىندە، قازاقستان – اۋماعى جاعىنان ۇلكەن، ءارى ءبىزدىڭ مەملەكەت سان ءتۇرلى حالىقتار مەن مادەنيەتتەردى بىرىكتىردى. وسىنداي اۋىزبىرشىلىكتى ساقتاپ قالۋ، ونى ءوز ۇرپاقتارىمىزعا جەتكىزۋ ءبىزدىڭ پارىزىمىز، مىندەتىمىز.

ءوزىمنىڭ قازاقستانعا تيگىزە الاتىن ۇلەسىمدى، رەسپۋبليكامىزدىڭ دامۋى ءۇشىن نە ىستەي الاتىنىمدى بىرنەشە بولىمگە ءبولدىم:

بىرىنشىدەن، قازاقستاندا مۇناي، تابيعي گاز، ۋران كەنى، قورعاسىن كەنى، التىن جانە باسقا دا تابيعي رەسۋرستاردىڭ وراسان زور قورلارى بار. قازاق جەرىنىڭ قويناۋىندا ادامدارعا پايدالى قىزمەت ەتەتىن مەندەلەيەۆتىڭ بارلىق دەرلىك كەستەسى بار. ءبىراق ءبىزدىڭ ەلىمىزدىڭ بولاشاعى تەك وسى بايلىقتاردى تابىستى وندىرۋگە عانا بايلانىستى بولمايدى دەپ سەنەمىن. دەگەنمەن، قازاقستاندا بالامالى ەنەرگيا، مىسالى، جەل نەمەسە كۇن ەنەرگياسىن ءوندىرۋ ءۇشىن ءالى دە مول تابيعي رەسۋرستار قورى بار. الايدا، بىرنەشە جىلدان كەيىن ادامدار جاڭا قۋات كوزىن تابا الادى دەپ شىن جۇرەكتەن ۇمىتتەنەمىن. بۇل جاڭا ەنەرگيانىڭ كەمشىلىكتەرى بولمايدى جانە ەشقانداي سالدارى بولماۋى ءتيىس (جارىلىستار جانە ت.ب.). قازىرگى كۇنگە بۇعان ايقىن مىسال: بەنزين ەمەس، ەلەكتر ەنەرگياسى ارقىلى جۇرەتىن كولىكتەر نەمەسە كۇن ەنەرگياسى ارقىلى جابدىقتالاتىن جەكە ۇيلەر. ال ەندى بۇنى قازاقستاندىقتاردىڭ ويلاپ تابۋىنا ءوز ۇلەسىمدى قوسىپ، بارىنشا تىرىسامىن.

ەكىنشىدەن، مەن تەمەكى مەن الكوگولدىڭ بولماۋىن قالايمىن. سەبەبى، وسىعان بايلانىستى ادامداردىڭ دەنساۋلىعى قۇرتىلىپ، ادام دا، قوعام دا زارداپ شەگەدى. ەگەر ناشاقورلىق بولماسا، قوعامنىڭ ءال اۋقاتى وركەندەي تۇسەدى. بۇنى ىسكە اسىرۋ ءۇشىن بەلگىلى ءبىر زاڭنامالاردى ورناتقان دۇرىس. سوندا حالىقتىڭ ءومىر ءسۇرۋ دەڭگەيى، ەلىمىزدىڭ دەموگرافياسى كوتەرىلەدى.

ۇشىنشىدەن، مەملەكەتتىڭ جەر بەتىندە ۇلكەن بەدەلگە يە بولۋى ماڭىزدى. ءبىزدىڭ حالقىمىزدا بارلىق ەلدەرمەن جاقسى ديپلوماتيالىق قاتىناستارى بولۋى كەرەك. ياعني، باسقا مەملەكەتتەرمەن دە جاقسى قارىم قاتىناستا بولۋىمىز ماڭىزدى. سەبەبى، ءدال وسىعان بايلانىستى مەملەكەتتەردىڭ اراسىنداعى سوعىستىڭ بولماۋى، يا بولماسا كەلىسپەۋشىلىكتەردىڭ بولماۋى شەشىلەدى. ەلىمىزدىڭ تىنىشتىعى، قاۋىپسىزدىگى تىكەلەي وسى فاكتورلارعا بايلانىستى.

وسى ايتىپ وتكەن بارلىق كريتەرييلەردى قازاقستاننىڭ بولاشاعىندا مەن ايقىن كورەمىن. بولاشاقتا قازاقستان: ءتۋريزمى، مەديسيناسى، ءبىلىم بەرۋ دەڭگەيى، ەكونوميكاسى تاعى دا باسقالارى دامىعان، ءبىلىمدى، ءارى ءوز ماقساتارىن ايقىن بىلەتىن جاستاردى ءوسىرىپ جاتقان تاۋەلسىز مەملەكەت رەتىندە كورەمىن. ەلباسىمىز ءوز جولداۋىندا ايتىپ كەتكەندەي، بۇگىندە الەم ءتورتىنشى ونەركاسىپتىك ريەۆوليۋسيا داۋىرىنە، تەحنولوگيالىق، ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىنە قادام باسىپ كەلەدى. ءبىز جاھاندىق وزگەرىستەر مەن سىن-قاتەرلەرگە دايىن بولۋ قاجەتتىگىن ەسكەرىپ، "قازاقستان-2050" دامۋ ستراتەگياسىن قابىلداپ، الدىمىزعا وزىق دامىعان وتىز ەلدىڭ قاتارىنا كىرۋ ماقساتىن قويدىق. بولاشاقتا قازاقستان رەسپۋبليكاسى مىقتى مەملەكەت بولىپ، دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام بولاتىنا سەنەمىن.

قازىرگى كۇنى مەنىڭ ارتىمنان ەرىپ كەلە جاتقان 4 ىنى-سىڭلىلەرىم بار. ەڭ الدىمەن، ولارعا بارلىق نارسەنى تۇسىندىرۋگە تىرىسامىن. كەرەك كەزدە ساباقتارىمەن كومەكتەسىپ، تۇسىنبەگەن نارسەلەرىن ۇيرەتىپ جۇرەمىن. ولارعا دا باسقا وقۋشىلارعا كومەك كورسەتۋ كەرەك ەكەنىن ايتامىن. ونىڭ ءومىرى عانا ەمەس، سونىمەن بىرگە ول ءومىر سۇرەتىن قوعامنىڭ ءال-اۋقاتى، وركەندەۋى ونىڭ مەكتەپ قابىرعاسىنان قانشالىقتى ءبىلىمدى جانە وزىنە سەنەتىنىنە بايلانىستى بولادى. جاس ۇرپاقتىڭ قانداي بولىپ وسەتىنى، كىمنەن ۇلگى الاتىنى تەك قانا بىزگە بايلانىستى. ال ەلىمىزدىڭ بولاشاعى - جاستاردىڭ قولىندا.

سارسەبايەۆا ۇلپان

---