بيىل ۇلتتىق ءبىرىڭعاي تەست ەلەكتروندى فورماتتا وتەدى
بيىل ۇلتتىق ءبىرىڭعاي تەستىلەۋ ەلەكتروندى فورماتتا وتەدى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
«ءبىلىم جانە عىلىم مينيسترلىگى ءبىلىم سالاسىن ارى قاراي جەتىلدىرۋ بويىنشا ءبىرقاتار جۇمىستى اتقارۋدا. سونىڭ ىشىندە اشىقتىقتى، ادالدىقتى قامتاماسىز ەتەتىن سيفرلاندىرۋ پروسەسىنە كوشكەنىنە ءبىراز ۋاقىت بولدى. بيىل ۇلتتىق ءبىرىڭعاي تەستىلەۋدى ەلەكتروندى فورماتتا وتكىزىلۋى جوسپارلانىپ وتىر. وزدەرىڭىزگە بەلگىلى 2004 جىلدان بەرى ۇبت قاعاز فورماتتا وتكىزىلىپ كەلەدى. باستاپقى ۋاقىتتا ۇلتتىق ءبىرىڭعاي تەستىلەۋدى وتكىزۋ وزىمەن ەكى فۋنكسيانى الىپ ءجۇردى. بىرىنشىدەن، مەكتەپ بىتىرۋگە بايلانىستى قورىتىندى اتتەستاۋ جۇمىستارى جانە مەكتەپ بىرتىرگەندىگى جونىندە اتتەستات الۋ ءۇشىن، سونداي-اق جوعارى وقۋ ورنىنان تۇسۋگە مەملەكەتتىك گرانتتار كونكۋرسىنا قاتىسۋ فۋنكسياسىن الىپ جۇرگەن بولاتىن»، - دەپ توقتالدى ۆيسە-مينيستر ورتالىق كوممۋنيكاسيالار قىزمەتىندە.
ونىڭ سوزىنە قاراعاندا، قازىرگى كەزدە ۇبت تەك قانا جوعارى وقۋ ورىنىنا ءتۇسۋ ءۇشىن مەملەكەتتىك گرانتتى جەڭىپ الۋ كونكۋرسىنا قاتىسۋ تەتىگى بولىپ سانالادى.
«بۇل - الەمدىك تاجىريبە. بارشا الەمدە وسىنداي ادىسپەن جوعارى وقۋ ورىندارىنا تەستىلەۋ جۇرگىزىلىپ كەلەدى»، - دەدى ش. كارينوۆا.
You Might Also Like
-
عىلىمي جۇمىستى قورعاۋ پروسەدۋراسى ينتەرنەت جەلىسى ارقىلى تىكەلەي ەفيردە جۇرگىزىلەدى. بۇل جايىندا ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.
-
وماروۆا جاناگۇل II كۋرس ستۋدەنتى
