InfoHub Logo

استانا قالاسى، №68 ورتا مەكتەپتىڭ
ءوزىن - ءوزى تانۋ ءپانىنىڭ ءمۇعالىمى،
قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى
ەسەنبايەۆا روزا تۇزەلباي قىزى

ءوزىن - ءوزى تانۋ ءپان اپتالىعىندا 11 سىنىپ وقۋشىلارىمەن وتكىزىلگەن تاربيە ساعاتى
ساباقتىڭ تاقىرىبى: اتا سالتى - اسىل قازىنا
قۇندىلىق: دۇرىس ارەكەت
قاسيەتتەر: قۇرمەت كورسەتۋ، سۇيىسپەنشىلىك، ادامگەرشىلىك؛

ساباقتىڭ ماقساتى:
1. ۇلتتىق سالت - ءداستۇردىڭ، اتا سالتىنىڭ ۇرپاققا مۇرا رەتىندەگى ماڭىزىن ءتۇسىندىرۋ.
2. وقۋشىلاردى اتا سالتىنا ادال بولۋعا، قاستەرلەۋگە، ساقتاۋعا، جاسامپازدىقپەن دامىتۋعا ۇيرەتۋ.
3. ۇلتجاندىلىققا، اتا سالتىنا بەرىكتىككە، پاراساتتىلىققا تاربيەلەۋ.

ساباقتىڭ مىندەتى:
1.«اتا سالتىنىڭ» ۇلتتىق قۇندىلىق رەتىندەگى ءمانىن اشۋ؛
2. اتا سالتىن ءجىتى ءبىلىپ، ونى قۇرمەتتەۋدىڭ پەرزەنتتىك بورىشى ەكەنىن ءتۇسىندىرۋ؛

ساباقتىڭ جوسپارى:
ءى. كىرىسپە سالت - ءداستۇر - حالقىمىزدىڭ باي قازىناسى.
ءىى. نەگىزگى ءبولىم
*ۇلتتىق تاربيە ونەگەسى.
*حالقىن سۇيگەن – حالقىنىڭ سالتىن سۇيەدى.
*ءداستۇر جالعاستىعى – ۇلت بولاشاعى.
ءىىى. قورىتىندى ءبولىم
ۇلت تاعدىرى – ۇرپاق قولىندا.

ساباقتىڭ بارىسى:
1 - ءشى جۇرگىزۋشى: قازاق حالقى سالت - داستۇرگە وتە باي ەل. بۇل ونىڭ مادەنيەتتى ءارى تاربيەلى ەل ەكەندىگىنىڭ بەلگىسى. ءبىزدىڭ حالقىمىز ۇرپاقتارىنا عاسىردان عاسىرعا ۇلت قاسيەتىن سالت - داستۇرمەن، ونەگەنى ادەپ – عۇرىپپەن، ۇلگىنى ءجون - جوسىقپەن، ادەپتى ىرىم - تىيىممەن تاربيەلەپ، اسا سەنىمدى، ءارى عاجايىپ جول ەكەنىن كورسەتتى.
2 - ءشى جۇرگىزۋشى: وتانشىلدىق، ەرلىك، مارتتىك، جومارتتىق، قايىرىمدىلىق، جوعارى ادامگەرشىلىك قاسيەتتەر وسى جول ارقىلى دارىعان.
1 - ءشى جۇرگىزۋشى: قازاق ءداستۇرى - اتا - انانى، ۇلكەندى سىيلاۋعا باۋليدى. ۇلكەنگە سالەم بەرۋ، جول بەرۋ، قوناقتى قارسى الۋ، جولداس - جوراعا قايىرىمدى بولۋ سياقتى داستۇرلەر ءومىر بويى ەسكىرمەيدى.
2 - ءشى جۇرگىزۋشى: حالىقتىق جاقسى داستۇرلەردى ەشبىر ۇلى ادام اتتاعان ەمەس، ءاربىر جاس ءداستۇردى قورعاۋشى، ورىنداۋشى ءارى دامىتۋشى بولۋى كەرەك.
كورىنىس كورسەتۋ «باقىتتى جاستار اۋىلى»
اۋىل اقساقالى: ۋا، بالالار، مىنا اۋىل قانداي كەرەمەت ەدى! پاھ، شىركىن بەرەكەسى مەن بىرلىگى قاتار قونعان باقىتتى ەل ەكەن.
اۋىل اناسى: ءيا، دۇرىس ايتاسىز، اقساقال! بۇل اۋىلدىڭ جاستارى ادەپتى، ءبىلىمدى، اتا - انالارىن سىيلاپ، ۇلتتىق تاربيەگە قۇرمەتپەن قارايتىن جاستار ەكەن.
اۋىل اقساقالى: «التاۋ الا بولسا، اۋىزداعى كەتەدى،
تورتەۋ تۇگەل بولسا، توبەدەگى كەلەدى»، - دەگەندەي بىرلىكتى جانى سۇيگەن، تاتۋ – ءتاتتى، ءبىلىم نارىمەن سۋسىنداعان جاستار ەكەن عوي.
1 - ءشى جۇرگىزۋشى: كەلىڭىزدەر، كورىڭىزدەر! ءبىزدىڭ اۋىلدىڭ قىزدارى ادەپتى ءارى سىپايى، شەتتەرىنەن ونەرلى. ال، جىگىتتەرگە كەلسەك «سەگىز قىرلى، ءبىر سىرلى»، سابىرلى ءارى ۇلتجاندى، ءبىلىمدى جاستار.
2 - ءشى جۇرگىزۋشى: قۇرمەتتى قوناقتار! ءبىزدىڭ شاعىن عانا «باقىتتى جاستار اۋىلى» اتانۋىمىز، ەڭ ءبىرىنشى – ءتالىم – تاربيە بەرگەن ۇستازدارىمىز بەن وزدەرىڭىز سياقتى جاقسىلىققا باعىت سىلتەگەن اتا - انامىزدىڭ ەڭبەكتەرىنىڭ جەمىسى دەپ ويلايمىز. ءبىز انا ءتىلىمىزدى سۇيەمىز، سالت - ءداستۇرىمىز بەن تاريحىمىزدى قۇرمەتتەيمىز.

1 - ءشى جۇرگىزۋشى: ءبىز بويىمىزعا ۇلتتىق ىزگى قاسيەتتەردى دارىتا وتىرىپ، جالپى ادامزاتتىق قۇندىلىقتاردى مەڭگەرۋگە ۇمتىلعان، ءبىلىم نارىمەن سۋسىنداعان، الدىمىزعا ماقسات قويۋ ارقىلى بيىك بەلەستەردەن كورىنەتىن ءححى عاسىرداعى قازاقستان رەسپۋبليكاسىنىڭ ازاماتتارى بولامىز.
2 - ءشى جۇرگىزۋشى: ال، قۇرمەتتى قوناقتار، اۋىلىمىزعا قوش كەلدىڭىزدەر!
(اۋىل جاستارى قوناقتارمەن امانداسۋ ءراسىمىن كورسەتەدى)
اقساقال، «باتامەن ەل كوگەرەر، جاڭبىرمەن جەر كوگەرەر» دەمەكشى جاستارعا باتا بەرىڭىز.
(اقساقال جاستارعا باتا بەرەدى)
اۋىل اناسى: وسى اۋىلدا بۇگىن توي بولادى دەگەن قۋانىشتى حاباردى ەستىپ، شاشۋىمدى الا كەلدىم.
1 - ءشى جۇرگىزۋشى: بۇگىن ءبىزدىڭ اۋىلدا ۇلكەن توي. جاس ءسابيدىڭ تۇساۋىن كەسۋ تويى. تۇساۋ كەسۋ – قاسيەتتى سالت – ءداستۇردىڭ ءبىرى، ءسابيدىڭ ومىرگە العاشقى اياق باسۋ تويى.
2 - ءشى جۇرگىزۋشى: بۇل ادەمى ءداستۇردى اۋىلىمىزدىڭ ءقادىرلى، كوپتى كورگەن، ۇلاعاتتى ادامدارى ءسابيدىڭ بولاشاعىنا اق جول تىلەپ، تۇساۋىن كەسسىن.
شاشۋ شاشىلىپ، جۇرت كوڭىلدەنەدى.
1 - ءشى جۇرگىزۋشى: ال، قۇرمەتتى حالايىق! قازاق حالقىنىڭ بارلىق تويى، سالت - ءداستۇرى ءان مەن جىرسىز وتپەگەن. اۋىلدىڭ التى اۋىزىن، سىزدەردەن سۇرايىق. قانە، كىمنىڭ تويعا انمەن شاشۋ شاشپاق ويى بار؟
اسەم مەن قىمباتتىڭ ورىنداۋىندا “قازاقتىڭ سالت - ءداcتۇرلەرى” ءانى
2 - ءشى جۇرگىزۋشى: كەلەسى كەزەكتى «باقىتتى اۋىلدىڭ» جاستارىنا بەرەيىك، وي - پىكىرىن تىڭدايىق.
1 - وقۋشى: مەن ۇلتىمنىڭ سالت - ءداستۇرىن قۇرمەتتەيمىن، سەبەبى ول - مەن ءۇشىن ۇلكەن تاربيە بەسىگى.
2 - وقۋشى: سالت - ءداستۇر - قازاق حالقىنىڭ كۇدەلىكتى ومىرىمەن بايلانىستى، ونى ءبولىپ الۋ مۇمكىن ەمەس دەپ ويلايمىن.
3 - وقۋشى: «اناسىن كورىپ، قىزىن ال، اياعىن كورىپ اسىن ءىش...» دەمەكشى، انا تاربيەسى مەن ءۇشىن باستى باعىت - باعدار.
4 - وقۋشى: «اكە كورگەن وق جونار...» دەگەندەي، اكە تاربيەسىنىڭ ەرەكشە ءمانى بار، جاۋاپتى ءىس.
5 - وقۋشى: جۇرەگى يماندى، ادامگەرشىلىگى جوعارى، ءبىلىمدى قازاق قىزىن - ەڭ سۇلۋ قىز دەپ باعالايمىن.
6 - وقۋشى: ۇلكەندى - قۇرمەتتەۋ، كىشىگە - ىزەت كورسەتۋ - ءبىزدىڭ ادامگەرشىلىك مىندەتىمىز.
1 - ءشى جۇرگىزۋشى: ءبىز جاھاندانۋ زامانىندا ءبىلىم نارىمەن سۋسىنداعان، ۇلتتىق تاربيەنى بويىنا سىڭىرگەن، ءوز وتانىن سۇيەتىن، ەلىنە قىزمەت ەتەتىن، بولاشاقتا ۇلكەن ماقساتتارعا جەتەتىن جاستار بولىپ قالىپتاستىق.
2 - ءشى جۇرگىزۋشى: قۇرمەتتى ۇستازدارىمىز! بىزگە بەرگەن شەكسىز تاربيەلەرىڭىز بەن ءبىلىم نارىمەن سۋسىنداتقان ەڭبەكتەرىڭىزگە العىس ايتامىز.

ونەرىمىز، وزدەرىڭىزگە ارنالادى، قۇرمەتتى اتا - انالار مەن ۇستازدارىمىز!
*ادەمى ءان مەن كۇمبىرلەگەن كۇيگە كەزەك بەرەمىز.
*«قارا جورعا» ءبيىن بيلەۋ.