اتاقتى ميلليونەرلەر بايىپ كەتكەنگە دەيىن قانداي بولىپ، نەمەن اينالىسقان ەدى
يلون ماسك، بيلل گەيتس، دجەك دورسي — وسى كىسىلەردىڭ ءبارى ميلليونداعان ادامعا تانىمال، سوندىقتان تۇتىنۋشىلار الدىنداعى ابىرويىن ساقتاۋ جايىن ۇنەمى ويلاپ جۇرۋگە ءماجبۇر. ءبىراق ءاردايىم وسىلاي بولىپ كەلگەن جوق. ءبىز مىنا بايىپتى دا بايسالدى كىسىلەردىڭ بانكتەگى شوتتارىنداعى نولدەر سانى كۇرت كوبەيىپ كەتكەنگە دەيىن قانداي بولعانىن كورۋ ءۇشىن وسى تانىمال باي-باعلانداردىڭ ەسكى سۋرەتتەرىن نازارلارىڭىزعا ۇسىنامىز.
وسى سۋرەتتەر جيناعىن دايارلاۋ كەزىندە ءبىز بۇل دوكەيلەر، ءدال ءبىز سياقتى، بەيقام بالالىق شاقتى، جالىنداتقان بوزبالا مەن بويجەتكەندىك شاقتى جانە توسىندىققا تولى جاستىق شاقتى باستارىنان وتكەرگەنىن تاعى ءبىر ەسكە الدىق. سوندا وسى بيزنەسمەندەر بىزگە ءوز ۇلىلىعىنىڭ فونىندا كوزگە ارەڭ ىلىنەتىن تاستاي قاتتى، تەمىردەي بەرىك كىسىلەر سياقتى بولماي قالدى.
يلون ماسك
© elonmusk / Twitter © Xinhua News/East News
18 جاستاعى ماسك كوكەسىنىڭ فەرماسىندا جۇمىس ىستەپ جۇرگەندە داۋلەتى ميللياردتاعان دوللاردى قۇرايتىن تابىستى كاسىپكەر جانە ونەرتاپقىش بولاتىنى ءۇش ۇيىقتاسا تۇسىنە كىرمەيتىن.
«ول كەزدە جانىپ تۇرعان وت ەدىم عوي»، — دەپ ماسك ءوزىنىڭ ەسكى سۋرەتىنە كوممەنتاريي جازدى. ءبىز دە ونىڭ بۇل سوزىمەن كەلىسەمىز.
وقۋعا كەڭەس بەرەمىز:
يلون ماسك دەگەن كىم جانە الەمنىڭ وزگەرۋىنە قانداي ىقپالى بار؟
ەڭبەكقوردىڭ قۇپياسى: يلون ماسك قالاي جۇمىس ىستەيدى؟
پاۆەل دۋروۆ
© durov / Instagram © durov / Instagram
كىشكەنتاي پاۆەل دۋروۆ بىر-ەكى جىل تۋريندەگى (يتاليا) باستاۋىش مەكتەپتە وقىدى، سوسىن لەنينگرادقا (قازىرگى سانكت-پەتەربۋرگ، رەسەي) كوشىپ كەتتى دە، ول جەردە گيمنازياعا باردى. ول گۋمانيتارلىق عىلىمدارعا ىنتاسى بار قابىلەتتى وقۋشى بولدى.
پاۆەل 24 جاسقا تولعاندا «ۆكونتاكتە» الەۋمەتتىك جەلىسىن قۇردى، ال 2013 جىلى Telegram مەسسەندجەرىن ىسكە قوستى. بۇل ەكى ونىمگە دە كوپشىلىكتىڭ ىقىلاسى ەرەكشە، ال ولاردى قۇرعان ادام Forbes جۋرنالىنىڭ پىكىرىنشە پلانەتامىزداعى 200 ەڭ باي ادامدار تىزىمىندە ءجۇر.
بيلل گەيتس
© Public domain / Wikimedia © thisisbillgates / Instagram
70-جىلدارى بيلل گەيتستى پوليسيا ەكى رەت ۇستاعان. ەكى جاعداي دا جۇرگىزۋشى كۋالىگىنسىز كولىك ايداعانىنا بايلانىستى. وسىنداي كۇندەردىڭ بىرىندە العاشقى سۋرەت تۇسىرىلگەن.
ول كەزدە بيلل گەيتس قۇرعان Microsoft كومپانياسى جاڭا دامىپ كەلە جاتقان بولاتىن. الايدا، ءبىراز ۋاقىت وتكەن سوڭ، ول كومپانيادان تۇسەتىن پايدانىڭ ارتقانى سونداي، بيلل 18 جىل بويى جەر-جاھانداعى ەڭ باي ادام بولىپ ءجۇردى.
وقۋعا كەڭەس بەرەمىز:
بيلل گەيتستەن تابىستى بولۋدىڭ 10 ەرەجەسى
بيلل گەيتستىڭ كوشباسشىلىق سىرلارى
دجەفف بەزوس
© jeffbezos / Instagram © Daniel Lynch / eyevine / EAST NEWS
بوزبالا كۇنىندە دجەفف McDonald's-تا جۇمىس ىستەدى جانە كۇندەردىڭ كۇنىندە ميللياردەر بولىپ كەتەمىن دەپ ويلاي قويعان جوق-اۋ. الايدا، جىلدار وتە كەلە، ول Amazon كومپانياسىن قۇردى دا، سونىڭ ارقاسىندا $ 135،6 ملرد تاۋىپ، 2018 جىلى الەمدەگى ەڭ داۋلەتتى ادام بولىپ تانىلدى.
وقۋعا كەڭەس بەرەمىز: الەمنىڭ ەڭ باي ادامى اتانعان دجەفف بەزوس دەگەن كىم؟
دجەك دورسي
© jack / Instagram © Hindustan Times/Imago Stock and People/East News
بولاشاق Twitterء-دى قۇرۋشى دجەك دورسي 14 جاسىندا ينتەرنەت ارقىلى تاكسي جانە كۋرەرلەردى شاقىرۋعا بولاتىن باعدارلامالىق جاساقتامانى جاساپ شىعاردى. سونداي-اق بولاشاق ميللياردەر جاس كەزىندە فوتومودەل بولىپ تا جۇمىس ىستەدى.
«شىقىلىقتايتىن» ميكروبلوگتار جەلىسى دورسي 30 جاسقا كەلگەن كەزدە ىسكە قوسىلدى. قازىرگى تاڭدا ول جەلىنى قۇرۋشىنىڭ بايلىعى $ 5،2 ملرد-قا جەتىپ وتىر.
ريچارد برەنسون
© richardbranson / Instagram © richardbranson / Instagram
ريچارد برەنسون كىشكەنتاي كەزىنەن باستاپ-اق ءوزىنىڭ جەكە كاسىبىن اشۋعا تىرىسىپ باقتى. مەكتەپتە وقىپ جۇرگەنىنىڭ وزىندە ول جاڭا جىلدىڭ توڭىرەگىندە ساتىلاتىن شىرشالاردى وسىرۋگە جانە بۇيرا توتىقۇستاردى وسىرۋگە تىرىستى. ونىڭ بۇل ەكى جوباسى دا ىسكە اسپاي قالدى.
برەنسوننىڭ العاشقى تابىستى باستاماسى Student جۋرنالى بولدى، وندا باسقا ادامداردى ساناماعاندا، ميك دجاگگەردىڭ جانە دجون لەننوننىڭ جازعاندارى باسىلاتىن. ريچارد 17 جاستا بولعان كەزدە ول ءوزىنىڭ ءبىرىنشى Student Advisory Center قايىرىمدىلىق ۇيىمىنىڭ نەگىزىن قالادى.
بۇگىنگى تاڭدا 68 جاستاعى ريچارد برەنسون ۇلىبريتانيانىڭ ەڭ باي تۇرعىندارىنىڭ ءبىرى بولىپ سانالادى. ول قۇرامىندا 400-گە جۋىق ءارتۇرلى كومپانيالار بار Virgin Group كورپوراسياسىنىڭ نەگىزىن قالاعان.
وقۋعا كەڭەس بەرەمىز:
ريچارد برەنسوننىڭ بويىڭدى رۋحتاندىراتىن 11 دانالىق ءسوزى
سارا بلەيكلي
© sarablakely / Instagram © sarablakely / Instagram
ءبىرىنشى سۋرەتتە بولاشاق بيزنەسۆۋمەن 21 جاستا. ول ستۋدەنت جانە بار ارمانى — ول ۇزىن قارا قولاڭ شاش (سۋرەتكە ءتۇسۋ ءۇشىن بۇل بويجەتكەن پاريك كيىپ تۇر).
كوللەدجدى بىتىرگەن سوڭ بلەيكلي كومميۆوياجەر بولىپ جۇمىس ىستەپ، «ەسىكتەن ەسىككە دەيىن» ءادىسىن قولدانىپ فاكسيميلدىك اپپاراتتاردى ساتتى. سارانىڭ ۋنيفورماسى كولگوتكا كيۋدى تالاپ ەتەتىن، ءبىراق ول بويجەتكەن ىلعالدى ءارى ىستىق فلوريدادا جايسىزدىق سەزىنبەي كۇنى بويى جۇرۋگە بولاتىنداي ويىنان شىققان كولگوتكا تابا المادى.
وسى سەبەپتى، شەشەسىنىڭ كومەگىنە سۇيەنگەن بلەيكلي ءوزى سونداي شۇلىق ونىمدەرى توپتاماسىن جاساپ، ونى پاتەنتتەپ الدى. كەيىنىرەك بويجەتكەن تاعى ىشكيىم وندىرىسىنە دەن قويىپ، قۇرىلعانىنىڭ العاشقى جىلىندا-اق $ 8 ملن پايدا اكەلگەن Spanx كومپانياسىن ۇيىمداستىردى.
كريشتيانۋ رونالدۋ
© Cristiano Ronaldo / Twitter © cristiano / Instagram
كريشتيانۋ رونالدۋ فۋتبولمەن 8 جاسىندا اينالىسا باستادى. سول كەزدەن بەرى ول تاريحتاعى ەڭ قىمبات فۋتبولشىعا اينالدى (2009 جىلى يسپاندىق «رەال مادريد» كلۋبىنا اۋىسۋى ءۇشىن اعىلشىندىق «مانچەستەر يۋنايتەدكە» £ 80 ملن تولەندى) جانە بىرنەشە مارتە چەمپيوناتتاردىڭ ۇزدىك ءبومبارديرى بولىپ تانىلدى.
چەمپيوندار ليگاسىنداعى كەزەكتى جەڭىسىنەن كەيىن رونالدۋ ءوزىنىڭ بالا كەزىندەگى سۋرەتىن Twitter-دە جاريالادى. سۋرەتتە Nike بەلگىسى مەن «بۇل بالا بىلگەن» دەگەن جازۋ بار.
ءبىر اتاپ ايتاتىنى، فاناتتارى سپورتشىنىڭ سۋرەتتە Adidas فۋتبولكاسىن كيىپ تۇرعانىن بايقاپ قويعان. بۇل، ارينە، الەۋمەتتىك جەلىدە وتىراتىنداردىڭ كوڭىلىن ءبىراز كوتەرىپ تاستادى.
مارك سۋكەربەرگ
© Mark Zuckerberg / Facebook © Kyodo / East News
مارك سۋكەربەرگ كوپبالالى وتباسىندا دۇنيەگە كەلدى، ول 4 بالانىڭ ىشىندەگى جالعىز ۇل بولدى. مەكتەپتە وقىپ جۇرگەندە-اق ول باعدارلاما قۇرۋعا قىزىعا باستادى. ونىڭ العاشقى جوبالارىنىڭ ءبىرى «تاۋەكەل» ويىنىنىڭ جەلىلىك نۇسقاسى ەدى.
2004 جىلى مارك سۋكەربەرگ ءوزىنىڭ ءبىر توپ نيەتتەستەرىمەن بىرلەسىپ، Facebook الەۋمەتتىك جەلىسىن قۇردى. ول كەزدە جەلىنى قۇرۋشى 20 جاستا عانا بولاتىن. بۇل جوبانىڭ بۇقارا اراسىنداعى تانىمالدىعى مارك سۋكەربەرگتىڭ بىرنەشە جىل وتكەن سوڭ داۋلەتى $ 71 ملرد قۇرايتىن عالامشارداعى ەڭ باي ادامداردىڭ العاشقى وندىعىنا كىرۋىنىڭ سەبەبى بولدى.
تابىسقا اپاراتىن كەز كەلگەن ءىستىڭ ءوز باستاۋى بار. ەڭ باي جانە ايگىلى كىسىلەر كوبىنەسە قاراپايىم بالالار ىشىنەن ءوسىپ شىعادى. ءوز بالاڭىزعا كوز سالىڭىزشى. ءبىر كۇنى ول دا وسىنداي ءبىر ماقالانىڭ كەيىپكەرى بولا الا ما، قالاي ويلاسىز؟
وقۋعا كەڭەس بەرەمىز:
ءوز قاتەلىكتەرىڭىزدەن ساباق الۋعا ۇيرەتەتىن 3 ءسوز
وزگەلەردى كىنالاۋدى دوعارتاتىن 3 قادام
اقىلدى ادامدار جاسايتىن اقىماق ارەكەتتەر
ادامداردىڭ ومىردە كوپ جىبەرەتىن 5 قاتەلىگى
ۇلى ادامداردىڭ قالىپتاسقان ادەتتەرى
ساتسىزدىكتىڭ ءۇش كەزەڭى
You Might Also Like
-
ۇلى جاسىل قورعان — بۇل افريكادا تۇرعىزىلىپ جاتقان الەمنىڭ جاڭا ءبىر عاجايىبى. ساحارا ءشولى جىلدار بويى كونتينەنتتىڭ القاپتارى مەن جايىلىمدارىنا دەندەپ ەنىپ كەلەدى، شولدەنۋ ساحارانىڭ اينالاسىندا...
-
تاڭ بوزارىپ، جەر جارىق تارتا باستاعان كەز ەدى. تۇلكى جان-جاعىنا جالتاڭداي̆ قاراپ، تاۋعا قاراي̆ بەت الىپ، جورتىپ كەلە جاتقان. كوز ۇشىنداعى سوناۋ ءبىر قوجىر تاسقا نەمەسە ونىڭ كۇنباتىس جاعىنداعى جىقپىل...
