دەنى ساۋ ادام — تابيعاتتىڭ ەڭ قىمبات جەمىسى
دەنساۋلىق — ەڭ ءبىرىنشى بايلىعىمىز! وسى ءسوزدىڭ تۇپكى ماعىناسىن تولىق تۇسىنە الماي جاتامىز. قازىرگى كەزدە ءتىپتى جاڭادان تۋىلعان نارەستەنىڭ ءوزى ءتۇرلى اۋرۋلار مەن السىزدىكپەن تۋىلىپ جاتادى. ءبىزدىڭ بولاشاعىمىز، ۇرپاعىمىز دەنى ساۋ، مىقتى بولۋ ءۇشىن وزىمىزدەن باستاۋىمىز قاجەت. قازىرگى كەزدە الەۋمەتتىك جەلىلەر مەن كوپتەگەن ءتۇرلى كومپيۋتەرلىك ويىندارعا قاتتى بەرىلىپ كەتكەنى سونشا قالاي تاڭ اتىپ، قاشان كەش باتقانىن اڭعارماي جاتاتىن كەزدەرى دە كەزدەسەدى. قوزعالىسسىز ءومىردىڭ ارتى سەمىزدىككە، ال سەمىزدىك ادام ورگاندارىنىڭ جۇمىس اتقارۋ پرينسيپتەرىنىڭ وزگەرۋىنە الىپ كەلەدى. ءتۇرلى دارىلەر مەن ءارتۇرلى مىقتى-مىقتى دارىگەرلەردى ىزدەگەنشە، وتباسىڭمەن، دوستارىڭمەن سەرۋەندەيتىن جەر ىزدەۋ ارتىعىراق ەمەس پە؟ الماتى — تابيعاتى كەرەمەت، جاستاردىڭ قالاسى. قىسى-جازى كوركەم تابيعاتتىڭ سۇلۋلىعىنا قاراپ تويمايسىڭ. اسىرەسە، تاۋلارى مەن وزەن-كولدەرى. قالا تۇرعىنى بولعاندىق، كوبىنەسە، كوپ ۋاقىتىمىز قوعامدىق كولىكتە نەمەسە كولىك كەپتەلىسىندە وتەتىنى راس. سەنبى، جەكسەنبى نەمەسە مەرەكە كۇندەرى الماتىنىڭ كەرمەت تابيعاتىن تاماشالاۋعا كەڭەس بەرەمىن. اپتانىڭ ءبىر كۇنىن ءوز دەنسكۋلىعىڭىز ءۇشىن تاۋعا كوتەرىلىپ، تازا اۋامەن تىنىستالىپ، وز-وزىڭىزبەن بولىپ، تابيعاتپەن سىرلاسا ءبىلىڭىز. قالا بەلسەندىلەرىنىڭ قاتارىنا قوسىلىپ سىزدە سالاۋاتتى ءومىر سالتىن ۇستانا ءبىلىڭىز. الاتاۋدىڭ بيىك تاۋلارىنا كوتەرىلىپ نەمەسە الماتى الاقانداي كورىنەتىن كوكتوبەگە شىعۋعا كەڭەس بەرەمىن.
21 ءساۋىر كۇنى جىلدا وتەتىن "الماتىمارافون-2019" ءوتتى. ءدۇبىرلى مارافونعا جالپى 18 مىڭ ادام قاتىستى. قازاقستاننىڭ تۇكپىر-تۇكپىرىنەن قاتىسۋشىلار مەن قاتار 53 ەلدىڭ قاتىسۋشىلارى الماتىنىڭ كەڭ كوشەلەرىمەن جۇگىرىپ ءوتتى. جەكسەنبى كۇنى قاتىسۋشىلار ساعات 6:30 دان باستاپ جينالىپ، تاڭعى جاتتىعۋلارىن سول جەردە جاساپ، جۇگىرۋگە دايىندالدى. قالا تۇرعىندارى مەن قوناقتارىڭ كونسەرتتىك باعدارلامالار مەن كوپتەگەن كونكۋرستار ۇيىمداستىردى. جۇگىرۋ قاشىقتىعى بويىنشا بالالارعا — 3كم ، ەرەسەكتەرگە- — 42،2 كم جانە 21،1 كم. مارافوندا كوپتەگكەن سپورتسمەندەردى كورىپ وزىڭە موتيۆاسيا الادى ەكەنسىڭ. مەن وسىنداي مارافونعا ەكىنشى رەت قاتىسۋىم. ەڭ العاش 21،1كم قاشىقتىققا جۇگىرىپ ءوزىم ءۇشىن جاقسى ناتيجە كورسەتكەنمىن. ال بيىل وتكەن جىلدى ناتيجەمدى جاڭارتىپ، ودان دا جاقسى ناتيجە كورسەتتىم. جاقسى ناتيجە كورسەتكەنىم ءۇشىن مەدالمەن ماراپاتتالىپ، ءبىر قۋانىپ قالدىم. ەندىگى الداعى ماقساتىم، جىل سايىن وسىنداي مارافوننىڭ قاتىسۋشىسى اتانۋ. بيىل جاستار جىلى بولعاندىقتان، ۇيىقتاپ بوس ۋاقىتتى وتكىزبەۋىمىز قاجەت. ءبىز وسىنداي شاعىن جەتىستىكتەردەن باستاۋىمىز قاجەت. قاتىسىپ سەن وزىڭە تاجىريبە جيناپ، شىڭدالاسىڭ. قوعامعا كىشكەنتاي بولسىن پايدامىزدى تىگىزبەسەك، نەسىنە قازاقستاننىڭ ازاماتى بولىپ ءجۇرمىز؟ ءارقاشان قوعامعا بەلسەنە ارالاسا بىلەيىك! دەنى ساۋ ادام العا قويعان ماقساتىنا جەتە بىلەتىن،قوعامدا ءوز ورىن تابا بىلەتىن، ءارقاشان جەڭىسكە ۇمتىلاتىن تابيعاتتىڭ ەڭ قىمبات جەمىسى بولىپ تابىلادى. سوندىقتان، سالاۋاتتى ءومىر ءسۇرىپ، ەلىمىزدىڭ كوك بايراعىن تەك بيىكتەردەن كورسەتە بىلەيىك.
ءال-فارابي اتىنداعى قازاق ۇلتتىق ۋنيۆەرسيتەتىنىڭ
اسكەري كافەدرا ستۋدەنتى جامبىل ا د
You Might Also Like
-
ەلباسىنىڭ قولداۋىمەن قازاقستاندا قورشاعان ورتانى قورعاۋ جانە قالىپتاسقان ەكولوگيالىق احۋالدى جاقسارتۋعا باعىتتالعان بىرنەشە ماڭىزدى زاڭدار مەن قۇجاتتار قابىلداندى. سونىڭ ەڭ ماڭىزدىسى “قازاقست...
