اتىراۋداعى ەڭ ۇزدىك 10 مەكتەپتە روبوت تەحنيكالارى زەرتحاناسى اشىلدى
اتىراۋ قالاسىنداعى ەڭ ۇزدىك 10 مەكتەپتە روبوت تەحنيكالارى زەرتحاناسى اشىلدى. بارلىق كەرەك-جاراقپەن تولىق جابدىقتالعان زەرتحانالاردى ورتا ءبىلىم وردالارىنا حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى تارتۋ ەتىپ وتىر، دەپ حابار24 تەلەارناسى حابارلايدى.
«روبوت تەحنيكالارمەن جۇمىس ىستەۋ بالالاردىڭ ويلاۋ قابىلەتىن دامىتىپ، وزگە پاندەردى دە جاقسى مەڭگەرۋىنە سەپتىگىن تيگىزەدى»، — دەيدى ۇستازدار. وقۋشىلار باستاپقىدا شاعىن ماشينالار قۇراستىرا كەلە كەيىن اسا كۇردەلى باعدارلامالارعا كوشەدى.
مىسالى، قازاق-تۇرىك ليسەيىندە روبوت تەحنيكالارىن وقۋ باعدارلاماسىنان تىس مەڭگەرۋگە دە بولادى. وقۋشىلارعا ساباقتان قولى بوس ۋاقىتتا روبوت تەحنيكالارىن ۇيرەنۋشىلەر كلۋبىنا بارىپ، ءوز قالاۋىنشا روبوتتار قۇراستىرۋعا مۇمكىندىك بەرىلگەن.
بالالاردىڭ جان-جاقتى ءبىلىم الۋىنا سەرپىن بەرەتىن مۇنداي زەرتحانالار بولاشاقتا باسقا مەكتەپتەردە دە اشىلماق. ۋنيۆەرسيتەت ۇجىمى «بۇل ءۇردىستى جىل سايىن جالعاستىرىپ وتىرامىز»، — دەيدى.
«ءبىز، ۋنيۆەرسيتەتتەر سول مەكتەپتەردەن كەلەتىن وقۋشىلاردى وقىتامىز، بولاشاق مۇعالىمدەر دايىندايمىز، ءاردايىم ءبىزدىڭ تەحنولوگيا سول مەكتەپتىڭ الدىندا ءجۇرۋى كەرەك، مەكتەپپەن قارىم-قاتىناس وتە جاقىن بولۋى ءۇشىن عىلىمي كەڭەستىڭ شەشىمىمەن ءوزىمىزدىڭ وبلىسىمىزدىڭ، قالامىزداعى ەڭ جاقسى 10 مىقتى مەكتەپكە وسىنداي زەرتحانانى سىيعا تارتۋ تۋرالى شەشىم قابىلدادىق»، — دەيدى ح.دوسمۇحامەدوۆ اتىنداعى امۋ رەكتورىنىڭ مىندەتىن اتقارۋشى ابزال تالتەنوۆ.
You Might Also Like
-
قىزىلوردا وبلىسىنىڭ ارال اۋدانىندا مۇعالىمدەر اراسىندا بيولوگيا پانىنەن وتكەن وليمپيادانىڭ باس جۇلدەگەرى «Lada Granta» كولىگىن ءمىندى. بۇل تۋرالى وبلىستىق «سىر بويى» گازەتى ج...
-
قارىنداش جاسالۋ بارىسىندا 83 تەxنولوگيالىق وپەراسيادان وتەدى، ونى دايىنداۋ ءۇشىن 107 ءتۇرلى شيكىزات پەن ماتەريال قولدانىلادى، ال جالپى ءوندىرىس سيكلى 11 كۇندى قۇرايدى. قارىنداشتىڭ ءوزى قاراپايىم بولعان...
