InfoHub Logo

قارىنداش جاسالۋ بارىسىندا 83 تەxنولوگيالىق وپەراسيادان وتەدى، ونى دايىنداۋ ءۇشىن 107 ءتۇرلى شيكىزات پەن ماتەريال قولدانىلادى، ال جالپى ءوندىرىس سيكلى 11 كۇندى قۇرايدى. قارىنداشتىڭ ءوزى قاراپايىم بولعانىمەن، ونى ءوندىرۋ مۇقيات جوسپارلاۋ مەن باقىلاۋدى قاجەت ەتەتىن اسا كۇردەلى پروسەسس بولىپ تابىلادى.

قارىنداشتى ءوندىرۋ ءۇشىن فابريكاعا ارنايى وڭدەلگەن جانە بۋىپ-تۇيىلگەن جوكە اعاشىنىڭ تاقتايشالارى اكەلىنەدى. ءبىراق، ىسكە قوسپاس بۇرىن قارىنداشتىڭ جازاتىن وزەگىن دايىنداۋ قاجەت. 

جالپى، وزەكتەر ساز بالشىق پەن گرافيتتىڭ قوسپاسىنان دايىندالادى. قاجەت قوسپانى دايىنداۋ ءۇشىن قارىنداشتىڭ وزەگى جاسالاتىن سەxتا ءتۇرلى تەxنولوگيالار، بەلگىلى ءبىر ماقساتتا، كەزەك-كەزەگىمەن قولدانىلادى. 

- ەڭ العاشقى تەxنولوگيالىق قۇرىلعىدا ساز بالشىق ۇگىتىلەدى. ۇگىتىلگەن بالشىق كونۆەيەرمەن كەلەسى ءوندىرىس ۋچاسكەسىنە وتەدى.

- ول جەردە ارنايى ديىرمەندەر ورناتىلعان. ولاردىڭ كومەگىمەن بالشىق ودان ءارى ۇساقتالىپ، سۋمەن ارالاستىرىلادى.

- ەندى بالشىق پەن گرافيتتىڭ قوسپاسىن ازىرلەيتىن قۇرىلعىلاردىڭ كەزەگى، مۇندا بولاشاق وزەككە قاجەتتى قوسپا ءتۇرلى ارالاسپا/قوسپاقتاردان تازارتىلىپ، ودان ارعى وڭدەۋگە جىبەرىلەدى. ايتا كەتەتىن جايت، گريفەلدەردى (ياعني، قارىنداش وزەكتەرىن) دايىنداۋدا تەك تابيعي زاتتار پايدالانىلادى، سوندىقتان ءوندىرىستى ەكولوگيالىق تازا دەپ ەسەپتەۋگە بولادى.

- قوسپانى تىعىزداۋ قۇرىلعىسى. ءوندىرىستىڭ بۇل ۋچاسكەسىندە جەتە دايىندالعان جانە ارالاستىرىلعان ماسسا (قوسپا) ارنايى تەسىكتەرى بار شتامپ ارقىلى قىسىپ شىعارىلادى. وسىلايشا، وزەكتەردىڭ ءوزى الىنادى. الايدا، ولار قارىنداش ىشىنە سالىنۋ ءۇشىن ءالى دە بىرنەشە تەxنولوگيالىق وپەراسيا جۇرگىزىلۋ قاجەت.

- جازاتىن وزەكتەردىڭ دايىندامالارىن ارنايى ىدىسقا سالىپ، شكافتا 16 ساعات ىشىندە كەپتىرەدى.

- سودان كەيىن وزەكتەردى قولمەن مۇقيات ىرىكتەيدى.

- ىرىكتەۋدەن كەيىن وزەكتەر ارنايى شكافتا قاتتى قىزدىرۋدان وتەدى (800-1200 گرادۋس سەلسيا). تاڭدالعان تەمپەراتۋرا وزەكتىڭ قاتتىلىق قاسيەتىنە تىكەلەي اسەر ەتەدى.

- قىزدىرۋدان كەيىن وزەكتەرگە ەرەكشە قىسىم مەن تەمپەراتۋرا اسەرىمەن ماي تولتىرىلادى. بۇل وزەكتەرگە بەلگىلى ءبىر جازبالىق قاسيەتتەردى بەرۋ ءۇشىن جاسالادى: سىزۋ قارقىنى (ينتەنسيۆتىلىگى)، سىرعۋ جەڭىلدىگى، ۇشتالۋ ساپاسى، وشىرگىشپەن ءوشىرىلۋ جەڭىلدىگى. قاتتىلىقتىڭ قاجەتتى دارەجەسىن الۋ ءۇشىن ءتۇرلى مايلار قولدانىلۋى مۇمكىن: سالوماس، كونديتەرلىك ماي نەمەسە ءتىپتى بال بالاۋىزى، پالما اعاشىنىڭ بالاۋىزى.

- وسىدان كەيىن وزەكتەر قۇراستىرۋ ۋچاسكەسىنە كەلىپ تۇسەدى. بۇل جەردە ارنايى ستانوكتاردا قارىنداشقا قاجەتتى تاقتايشالار دايىندالادى. تاقتايشالاردا وزەكتى ورنالاستىرۋعا قاجەتتى جىراشىقتار كەسىلەدى.

- باسقا ستانوكتا وزەكتەر الدىن الا دايىندالعان تاقتايشالار ۇستىنە قويىلادى.

- ەندى تاقتايشالاردىڭ جارتى بولىكتەرى جەلىمەن جابىستىرىلىپ، كەبۋ ءۇشىن قىسىم استىندا قالدىرىلادى.

- كەپتىرىلگەن دايىندامالار ارنايى فرەزالارمەن (كەسەتىن اسپاپتارمەن) جەكە قارىنداشتارعا كەسىلەدى. قارىنداشتار وڭدەۋدىڭ بىرنەشە سيكلىنان ءوتىپ بارىپ، بىرتە-بىرتە كەسىلەدى.

وسىلايشا، بويالماعان، ءبىراق دايىن قارىنداشتار الىنادى.

ءارى بۇل ساتىدا قارىنداشتىڭ ءپىشىنى دە بەلگىلى بولادى (كەسۋشى فرەزانىڭ تيپىنە بايلانىستى).

- ارى قاراي قارىنداشتار بويالۋعا جىبەرىلەدى. بوياۋ ءۇشىن زاۋىتتىڭ وزىندە دايىندالعان ەمالدار قولدانىلادى.

بۇل ەمالدار ادام ءۇشىن ءقاۋىپسىز كومپونەنتتەردەن جاسالادى

- بوياۋ ساتىسىنان كەيىن قارىنداشتاردى پارتيالارعا جىكتەيدى.

- ارى قاراي ارنايى ستانوكتا قورىتىندى مەxانيكالىق وپەراسيا جۇرگىزىلەدى. ول - قارىنداشتاردىڭ شەتجاقتارىن وڭدەۋ وپەراسياسى.

- ارلەۋ/وڭدەۋ تەxنولوگيالىق بولىمىندە ارنايى شتامپتىڭ كومەگىمەن ءاربىر قارىنداشتى ماركالاۋ/تاڭبالاۋ جۇزەگە اسىرىلادى.

- قاجەت بولسا، قارىنداشتاردى ارنايى ستانوكپەن ۇشتايدى.

- ەڭ سوڭىندا، قارىنداشتار قولمەن ىرىكتەلەدى جانە بۋىپ-تۇيىلەدى.

---