«بولاشاق» باعدارلاماسىنا قۇجاتتاردى تاپسىرۋ 14 قازانعا دەيىن ۇزارتىلدى
اتالمىش بۇيرىققا ق ر ءبىلىم جانە عىلىم ءمينيسترى ەرلان ساعادييەۆ اعىمداعى جىلدىڭ 14 قىركۇيەگىندە قول قويدى، دەپ حابارلايدى primeminister.kz.
بۇيرىققا سايكەس، «بولاشاق» باعدارلاماسى بويىنشا قۇجاتتار قابىلداۋ مەرزىمى 14 قازانعا دەيىن ۇزارتىلدى. بۇعان دەيىن قۇجاتتار 30 قىركۇيەككە دەيىن قابىلدانعان بولاتىن.
حالىقارالىق باعدارلامالار ورتالىعىنىڭ مالىمەتىنشە، قۇجات «ادىلەت» اقپاراتتىق-قۇقىقتىق جۇيەسىندە 2016 جىلعى 23 قىركۇيەكتە جاريالانعان جانە كۇشىنە ەندى.
2016 جىلى «بولاشاق» ستيپەندياسىنا قۇجاتتاردى قابىلداۋدىڭ ەكى كەزەڭى جانە ولاردىڭ ناتيجەلەرى بويىنشا ەكى كونكۋرستىق ىرىكتەۋ وتكىزىلدى. شەتەلدە كادرلار دايارلاۋ جونىندەگى رەسپۋبليكالىق كوميسسيا قورىتىندىلارىنا سايكەس، 313 ستيپەنديا تاعايىندالدى. ولاردىڭ 199-ى ماگيستراتۋرا، 18ء-ى دوكتورانتۋرا، 96-سى تاعىلىمداما باعدارلامالارى.
ۇمىتكەرلەر قۇجاتتاردى «ەلەكتروندى ۇكىمەت» پورتالى، «ازاماتتار ءۇشىن ۇكىمەت» مەملەكەتتىك كورپوراسياسى ارقىلى نەمەسە «حالىقارالىق باعدارلامالار ورتالىعى» اق-عا قولما-قول تاپسىرا الادى. «بولاشاق» ستيپەندياسى «ماگيستراتۋرا»، «دوكتورانتۋرا»، «رەزيدەنتۋرا» جانە «تاعىلىمدا» باعدارلامالارى بويىنشا تاعايىندالادى.
قازىرگى تاڭدا حالىقارالىق باعدارلامالار ورتالىعى قۇجاتتاردى قابىلداۋدىڭ ءۇشىنشى كەزەڭى شەڭبەرىندە «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى تارتۋ ماقساتىندا اقپاراتتىق-تۇسىندىرمە جۇمىستارىن جۇرگىزۋدە.
You Might Also Like
-
قورقىت اتا اتىنداعى قىزىلوردا مەملەكەتتىك ۋنيۆەرسيتەتى ۇستازدار مەرەكەسىنە وراي «ۇستاز - ءبىلىم شامشىراعى» اتتى مەرەكەلىك كەش وتكىزدى. بۇل تۋرالى ۋنيۆەرسيتەتتىڭ باسپا ءسوز قىزمەتى حابارلادى.
-
قازاق ءباسپاسوزىنىڭ، اسىرەسە، «قازاق ادەبيەتى» گازەتىنىڭ قازاق قاۋىمى ءۇشىن الار ورنى ەرەكشە. بۇل بۇرىن دا، بۇگىن دە، اللا جازسا، ەرتەڭ دە سولاي بولىپ قالا بەرمەك. ەجەلدەن-اق قازاق جىرتىس...
