ءاۋپپاي (ءى نۇسقا)
ارقادان ىزدەپ كەلگەن اقساق قىزدان قورقىت ءبىر پەرزەنت كورىپتى دەيدى. ءبىراق كۇندىز-تۇنى اجالدى الاستاپ، قوبىزىن سارناتقان قورقىت بالاسى مەن زايىبىنا كوڭىل بولە المايدى. ال بالاسى مەن زايىبى سىردىڭ جاعاسىندا ومىرلەرىن وتكەرىپ، قورقىتتىڭ تىلەۋىن تىلەۋمەن بولادى.
سودان بالا ەسەيە باستاعاندا اپاسىنىڭ باعىپ-قاعىپ، الداندىرعانىن مىسە تۇتپاي، قوبىز تارتىپ وتىرعان اكەسىنە تالپىنۋدى شىعارادى. ۋىزداي بىلەگىن سوزىپ، بۇلقىنا ۇمتىلىپ، نەشە ءتۇرلى قىلىق كورسەتە باستايدى. بۇعان قورقىتتىڭ دا جۇرەگى ەلجىرەپ، باۋىرى اياعىنىڭ باسىنا تۇسكەندەي كۇي كەشەدى. ءبىراق، امال جوق، قوبىزىن توقتاتىپ، جاعالاۋعا شىقسا، اجال تۇزاعىنا ىلىگەتىنىن بىلەدى. سوندا قورقىت بالاسىنا تەلمىرە قاراپ، كوزى كورىپ تۇرسا دا، ەمىرەنىپ يىسكەي الماي، باۋىرىنا قىسىپ، ماۋقىن باسا الماي مۇڭايادى. مۇڭايا وتىرىپ، بالاسىن الداندىرا جۇباتاتىن «ءاۋپپاي-اۋپپاي» دەگەن كۇي تارتادى.
وسى كورىنىستىڭ كۋاسىندەي بولىپ، ۇرپاق ەسىندە «ءاۋپپاي» كۇيى ساقتالعان.
You Might Also Like
-
اتىنىڭ تۇياعى جەتكەن جەرگە ءامىرىن جۇرگىزگەن ايگىلى شىڭعىس حاننىڭ جوشى دەگەن ۇلى بولعان. جوشى دا حان بوپ وتكەن. داڭقتى اكەسىنەن تيگەن ەنشىسى — ۇلىتاۋ مەن ازاۋ تەڭىزىنىڭ اراسىندا كەرىلىپ جاتقان ...
