InfoHub Logo

قورقىت جەر بەتىندەگى جان-جانۋارلاردىڭ بارلىعىنىڭ ءتىلىن بىلەدى ەكەن. ءبىر كۇنى جەلماياسىمەن كەلە جاتسا، ءبىر كيىكتىڭ ماڭىراعان داۋسى قۇلاعىنا شالىنادى. ول: «قوس لاعىم جەتىم قالادى-اۋ، شوپكە اۋىزدانباعان سورلىلاردىڭ كۇنى نە بولماق؟ تىم بولماسا، سوڭعى رەت ەمىزىپ، يىسكەپ، ماۋقىمدى باسىپ تا قالا المادىم»، — دەپ زارلايدى. قورقىت جان-جاعىنا باعدارلاپ قاراسا، بەل استىندا تىگۋلى تۇرعان قاراشا ءۇيدى كورەدى. كيىك سول ءۇيدىڭ الدىندا كوگەندەۋلى تۇر ەكەن. كيىككە جانى اشىعان قورقىت ءۇي يەسىنە: «مىنا جازىقسىز جانۋاردى جىبەر، ءوز بەتىمەن تاماق تاۋىپ جەۋگە اۋىزدانباعان ەگىز لاعى بار ەكەن، وبالىنا قالما»، — دەيدى. قورقىتتىڭ بۇل سوزىنە قۇلاق اسپايدى.

— وندا مەن كيىكتى بوساتقانىڭ ءۇشىن اقىسىن تولەيىن، — دەسە، ءۇي يەسى:

— جوق، مەن مۇنىڭ ءسۇتىن ساۋىپ ءىشىپ وتىرمىن، كەشكە سويىپ جەيمىن، — دەپ وعان دا كونبەيدى. باسقا امالى قالماعان قورقىت:

— بولماسا كيىكتىڭ ورنىنا مەنى كەپىلدىككە ال، ونى بوسات. لاقتارىن تاۋىپ الىپ، ەمىزگەننەن كەيىن قايتىپ كەلەدى. ەگەر سول كەتكەننەن ورالماسا، مەنىڭ جەلمايامدى سويىپ جە، — دەيدى.

ءۇي يەسى كيىكتى بوساتىپ جىبەرەدى. كيىك بايلاۋدان بوسانا سالىسىمەن، تاۋ-تاستى كەزىپ ءجۇرىپ لاقتارىن تاۋىپ الادى. ولاردى ەمىزگەننەن كەيىن، قاس قارايا قايتىپ كەلەدى. وسى وقيعادان كەيىن قورقىتتىڭ «بايلاۋلى كيىكتىڭ زارى» كۇيى دۇنيەگە كەلگەن ەكەن. بۇل شىعارماسىندا كۇيشى قاتالدىق پەن مەيىرىمدىلىك، جاۋىزدىق پەن قايىرىمدىلىق جايىندا تولعانادى.

---