اۆياسيا جانە اۆياساياحاتتار جايلى قىزىقتى دەرەكتەر
بۇگىن ءبىز سىزدەرمەن اۆياسيا، ونىڭ ىشىندە اۆياساياحاتتار جايلى قىزىقتى دەرەكتەرمەن بولىسپەكپىز. كوبىمىز ۇشاقپەن ۇشىپ كوردىك، ال كەيبىرى بولاشاقتا ۇشپاق نيەتتە. قالاي بولعاندا دا، دەرەكتەر وتە قىزىق.
ۇشاق – ەڭ ءقاۋىپسىز قاتىناس كولىگى بولىپ ەسەپتەلەدى.
گوللاندىق KLM اۆياكومپانياسى الەمدەگى ەڭ كونە بولىپ سانالادى، ول 1919 جىلدىڭ 7 قاراشاسىندا نەگىزىن قالاعان.
ۇشاق بورتىنداعى تۇڭعىش ستيۋاردەسسا ەللەن چەرچ بولادى. قىزدىڭ مەديسينالىق ءبىلىمى جانە ۇشاقتى باسقارا الاتىن كۋالىگى بولادى. 1930 جىلى «Boeing Air Transit» اۆياكومپانياسىنا جۇمىسقا قابىلداۋعا ءوتىنىش تاستاعاندا، ونداعىلار قۋانا قارسى الادى. قىز، ءوزىنىڭ تىكەلەي مىندەتتەرىنەن وزگە، باكتاردى جانارمايمەن تولتىراتىن، جۇك تاسيتىن، ۇشقىشتىڭ بولمەسىندەگى ساعاتتى جىلجىتاتىن، شىبىنداردى ولتىرەتىن جانە ت.ب.
بۇعان دەيىن، ەكى جىل بويى ۇشاقتاردا تەك ەر بورتسەرىكتەر جۇمىس ىستەگەن، ونىڭ ىشىندە، تەك نەمىس ۇشاقتارىندا.
ءار اۋەجاي حالىقارالىق اۆياسيا جۇيەلەرىنە سايكەس لاتىنشا ءۇش ءارىپتى كودقا يە. رەسەيدە بۇل كود كيريللياسمەن جازىلعان. ۋفا – اتى حالىقارالىق جۇيەدە دە بىردەي جازىلاتىن جالعىز اۋەجاي: ۋفا – UFA.
كوپەنگاگەن مەن سارانسك جايلى قىزىقتى ءبىر دەرەك. بۇل اۋەجايلاردىڭ كود ارىپتەرى بىردەي. تەك كوپەنگاگەندە ول لاتىنشا جازىلعان دا، سارانسكتە كيريلليسادا - سرن.
باتىس اۆياكومپانيالارىنىڭ جولاۋشىلار ۇشاعىنىڭ كوبىندە ون ءۇشىنشى قاتار جوق.
«British Airways» اۆياكومپانياسى اكسياسىنىڭ ءبىر بولىگى انگليكان شىركەۋىنە تيەسىلى.
عالىمدار ۇشاق قوزعالتقىشىنىڭ شۋى تاماقتان الاتىن ءدام سەزىمىن وزگەرتەدى دەيدى. تاماق ءبىرشاما قىتىرلاق، ءبىراق تۇزى ازداۋ جانە دامدىرەك كورىنەدى.
وڭتۇستىككورەيلىك ينچحون قالاسىنداعى اۋەجايدان 4، 13 جانە 44ء-شى شىعۋ ەسىكتەرىن تاپپايسىز. 13 سانى نە ءۇشىن جوق ەكەنى تۇسىنىكتى بولسا، 4 ءولىم سوزىمەن ۇندەس ەكەن.
ستاتيستيكا بويىنشا، ناقتى اپاتقا ۇشىرايتىن ۇشاققا وتىرۋ ءۇشىن ادام 13 جىل بويى كۇندە ۇشۋى كەرەك، سونىمەن قاتار، 10 جاعدايدىڭ بىرىندە عانا ءتىرى قالۋ مۇمكىندىگى بار. ياعني، وننىڭ ءبىرى عانا اجالدى بولۋى مۇمكىن.
ءار وتىز ءۇشىنشى جولاۋشى اەروفوبيادان زارداپ شەگەدى.
ۇشۋ كەزىندە ەڭ جۇيكەگە تيەتىن ارەكەت - ارتتا وتىرعان كورشىڭنىڭ كرەسلونىڭ ارقاسىن تەپكىلەپ وتىرۋى.
حالىقارالىق اۋەجايلاردا ۇشاتىن ۇشقىشتار ديسپەچەرلەرمەن تەك اعىلشىن تىلىندە سويلەسەدى.
اۋەجايلاردىڭ كوبى اقش اۋماعىندا ورنالاسقان – 14 جارىم مىڭنان استام.
You Might Also Like
-
Curiosity مارس كولىگى مارستى كەزۋ بارىسىندا جاڭا سەلفي ءتۇسىردى. فوتونى NASA اگەنتتىگى تۆيتتەردە جاريالادى.
-
1972 جىلى بۇكىل ادامزاتتىق قۇندىلىقتار مەن قولجەتپەس اسىل مۇرالاردى ساقتاپ قالۋ ماقساتىندا، يۋنەسكو ۇيىمى بۇكىلالەمدىك مادەنيەت پەن تابيعي مۇرالاردى قورعاۋ كونۆەنسياسىن قابىلدايدى. تابيعاتتىڭ...
