InfoHub Logo

احمەت بايتۇرسىنوۆتىڭ وسى ءبىر ماقالاسى “ايقاپ” جۋرنالىندا شىققان بولاتىن. ءمان بەرىپ قاراسىڭ مۇنىڭ ءوزى وسى “ايقاپ” جۋرنالى وكىنىشتەن شىققانىن بىلەمىز. “قازاقتىڭ وكپەسى” دەگەن ماقالانىڭ ءوزى وسى ءبىر وكىنشىتەن تۋىنداپ وتىر. قازاق سوندا باسقاعا وكپەلەگەنشە، نەگە وزىنە وكپەلەمەيدى دەگەن سۇراق باستى ماسەلە. 

احمەت بايتۇرسىنوۆتا وسى  ماقالانى جازۋ بارىسىندا، كۇللى قازاق حالقىنىڭ وكىنىشىن جازىپ وتىرعانى بىلىنەدى. كەيبىرى بۇنى حالىققا قارسى جازىلعان دەپ ەسەپتەسە، قاتتى قاتەلەسكەنى دەپ بىلەمىن. سەبەبى، مۇندا احمەت بايتۇرسىنوۆ حالىقىنا جانى اشىپ، كۇيىنىپ جازعان. باسقا جۇرتتار ءوز الدىنا جاقسى جاقا قاراي وزگەرىپ، ىلگەرى باسىپ جاتسا، قازاقتار بىر-بىرىنە وكپەلەۋمەن كەرى تارتىپ جاتقانىن كورەمىز. بىرى-بىرىمەن داۋلاسىپ، ءوز الدىنا حان بولىپ جۇرگەن. ال نادان حان تەك ارتقا تارتادى. مىقتى حان بولسا ەلىنىڭ بولاشاعى دا مىقتى مەملەكەت بولارى انىق. حالىقتىڭ ناداندىعى مەن جالقاۋلىعى كوپ نارسەنى كورسەتەدى. ءبىراق قاشاندا ادام ءوزىن ەمەس، بىرەۋدى كىنالاۋعا دايىن تۇرادى ەمەس پە؟! وزدەرى مۇجىقتارعا جالعا بەرىپ، وزدەرىنە جاقىنداتقانىنا قاراماستان، باسقاعا وكپەلەيدى. وسىنىڭ ءبارى قارا حالىقتىڭ ساۋاتسىزدىعى مەن ناداندىعىندا.  ەگەر وقىپ، ءبىلىم العاندا اق پەن قارانى اجىراتا بىلگەندە وسىنىڭ ءبىرى دە بولماس ەدى دەپ ويلايمىن. قاراڭعىلىقتىڭ  استىندا قالىپ كەتكەن قارا حالىق ءاردايىم كىنانى باسقادان ىزدەگەن. سوڭىنا كەلىپ، وكىنگەنشە باسىندا نەگە ويلانبادى ەكەن دەيمىز، سوڭىندا وكىنگەننەن، وكپەلەگەننەن نە پايدا؟! ءبىرىنشى وزىڭە رەنجىپ وكپەلەمەسەڭ، باسقاعا وكپەلەگەننەن ەش پايدا جوق! ماقالانىڭ ىشىنە تەرەڭ ۇڭىلسەك، ءبىراز نارسەنى بىلەمىز، ءبىرازىنا قاپالانامىز. وزىمىزگە ءبىر وي تۇيەمىز، وقىعان ادام عانا كوزى اشىق بولاتىنىنا سەنەمىز!

زينادۋللا قىزى نۇراي

---