InfoHub Logo

قالىڭ قار بالالارعا شاتتىق اكەلگەنىمەن، كولىك يەلەرىنە ءبىرشاما ماسەلە تۋدىرادى. كولىكتى قار مەن مۇزدان تازالاۋدىڭ وڭاي جولى، ونى جۇرگىزۋ مەن مەجەلى جەرگە جەتۋ – ءبىز سىزدەرگە ءار جۇرگىزۋشىگە پايدالى بولاتىن 16 ءايلا-تاسىلدى توپتاستىردىق.

تەرەزەنى قار مەن مۇزدان تازالاۋدىڭ 7 ءتاسىلى

1. تەرەزە تازالاعىشتى كوتەرىپ، ءبىر تۇنگە سولاي قالدىرىڭىز. وسىلايشا ونىڭ تەرەزەگە جابىسىپ قالۋىنىڭ الدىن الاسىز.

2. تەرەزەلەردىڭ قاتىپ قالماۋىنا سىركە سۋىنىڭ ۇشتەن ءبىر بولىگى مەن سۋدىڭ ءبىر بولىگىنىڭ قوسپاسى كومەكتەسەدى: ونى الدىڭعى تەرەزەگە سەۋىپ، ءبىر تۇنگە قالدىرىڭىز. سوندا تەرەزەنىڭ قارىن تازالاۋ الدەقايدا جەڭىل بولادى.

3. قۇرعاق شۇبەرەك پەن سپيرت تەرەزەگە قاتقان مۇزدى تەزىرەك جىبىتۋگە مۇمكىندىك بەرەدى.

4. الدىڭعى تەرەزەنى مۇز باسىپ قالماس ءۇشىن مىنا ءتاسىلدى پايدالانىپ كورىڭىز: ەسكى كىلەم، برەزەنت نەمەسە قالىڭ ماتانى تەرەزەگە توسەپ، تەرەزە تازالاعىشتىڭ استىنا قىستىرىپ قويىڭىز. ءبىراق مۇنى تەمپەراتۋرانىڭ جىلدام اۋىتقۋى كەزىندە نەمەسە قار قاتتى جاۋعان كەزدە جاساۋعا بولمايدى.

5. ەگەر قولىڭىزدا قىرعىش بولماسا، وندا قاتتى قالاقشا نەمەسە كرەديتتىك كارتانى پايدالانۋعا بولادى، ەڭ باستىسى – مەتالل پايدالانباڭىز، ايتپەسە بەتىن سىرىپ الۋ ءقاۋپى بار.

6. ءبۇيىر تەرەزەلەردى مۇزدان قورعاۋعا قاراپايىم پلاستيك پاكەتتەر كومەكتەسەدى.

7. ەگەر كولىكتى شىعىسقا قاراتىپ قويسا، وندا تاڭەرتەڭ كۇن ءتۇسىپ، قاردى ءبىراز ەرىتەدى. وسىلايشا كولىكتى تەزىرەك تازالاۋعا بولادى.

قۇلىپ پەن ەسىككە مۇز قاتىپ قالۋدان قورعاۋدىڭ 4 ءتاسىلى

1. كولىكتىڭ قاتىپ قالعان قۇلىبى مەن ەسىگىن اشۋعا قولدى دەزينفەكسيالاۋعا ارنالعان قۇرىلعى كومەكتەسەدى.

2. سونىمەن قاتار كىلتتى وتتىق ارقىلى ىسىتىپ الىپ، اقىرىنداپ قاتىپ قالعان قۇلىپقا كىرگىزۋ كەرەك.

3. الدىن الا كىلتكە WD-40 جابدىعىن شاشساڭىز بولادى.

4. قاتىپ قالعان ەسىكتى اشۋ ءۇشىن ونى باسىپ كورىڭىز. تاعى ءبىر ءتاسىلى – جىلى (ىستىق ەمەس) سۋ، نەمەسە انتيمۇزداتقىش قوسپانى پايدالانۋ.

ىشكى تەرەزەنى قورعاۋدىڭ 2 امالى

1. مىسىق دارەتىنە ارنالعان تولتىرعىشتار تەرەزەنىڭ بۋلانۋىنىڭ الدىن الىپ، دىمقىل مەن ءتۇرلى ءيىستى ءسىڭىرىپ الا الادى. ونى شۇلىققا سالىپ، كولىكتىڭ ءبىر جەرىنە تىعىپ قويۋعا بولادى.

2. قىرىنۋعا ارنالعان كرەم تەرەزەنىڭ ىشكى جاعىن تازالاۋعا كومەكتەسەدى جانە بۋلانۋىنىڭ الدىن الادى: كرەمدى جاعىپ، قۇرعاق شۇبەرەكپەن ءسۇرتىپ شىعىڭىز.

قىتىمىر ايازدا دا كولىكتى وتالدىرۋعا كومەكتەسەتىن 3 كەڭەس

1. ەگەر سۋىق تۇسكەلى جاتقانىن بايقاساڭىز، كولىكتىڭ اككۋمۋلياتورىن ابايلاپ الىپ، ۇيگە كىرگىزىپ قويىڭىز.

2. ەگەر كولىك 15-20 سەكۋند بويى وتالماسا، بىلاي جاساپ كورىڭىز: كىلتتى باستاپقى قالىپقا كەلتىرىپ، شارشاعان اككۋمۋلياتورعا دەمالۋعا 2 مينۋت ۋاقىت بەرىڭىز، كەيىن تاعى وتالدىرىپ كورىڭىز. بۇل پروسەسستى قايتا-قايتا قايتالاماڭىز – وسىلايشا ءسىز اككۋمۋلياتوردىڭ جاعدايىن ودان سايىن ناشارلاتاسىز. دۇرىس باعدار – ستارتەردىڭ بۇرۋ جىلدامدىعى.

3. كولىكتى وتالدىرۋدىڭ ەڭ دۇرىس جولى – «تۇتاتقىش». وزىڭىزدە دايىن كابەلدەر بولسىن – بۇل سىزگە باسقا كولىكتىڭ اككۋمۋلياتورىنا قوسىلۋعا مۇمكىندىك بەرەدى. ءبىراق اككۋمۋلياتورىڭىز «ەسىن جيىپ» باستاپقى قالپىنا كەلۋى ءۇشىن قوزعالتقىش ءبىر ساعاتتاي جۇمىس ىستەۋى كەرەك.

---