InfoHub Logo

داۋلەتكەرەي ءوزىنىڭ اكىمشىلىك جۇمىسىن جيىپ قويىپ، ەندى ءبىراز ۋاقىت قۇرمانعازىمەن بىرگە ەل ارالاپ، كۇي تارتىپ جۇرەدى. ءبىر وسىنداي ساپاردا ەكى الىپ سول وڭىرگە اتاعى شىققان ايجان قىزدىڭ ۇيىنە بارادى. ول ءوزىنىڭ كوپكە جايىلعان «ايجان قىز» اتانىپ كەتكەن كۇيىن تارتادى. قۇرمانعازى ايجاننىڭ تارتىسىنا ريزا بولىپ كەتىپ، قولىنا دومبىراسىن الىپ، ءبىر جاڭا كۇي شەرتەدى. پاپاس تۇرىپ: «قۇرەكە، مىناۋىڭىز بۇرىن-سوڭدى ەستىلمەگەن كۇي ەكەن، اتى نە بولادى ەكەن؟» دەيدى. قۇرمانعازى: «بۇل مىنا ايجان بۇلبۇلعا شىعارعانىم عوي!» — دەيدى. سول ارادا پاپاس: «وندا بۇل كۇيدىڭ اتى «ايدا بۇلبۇل، ايجان-اي» بولسىن»، — دەپ كۇيگە ات قويسا كەرەك. قۇرەكەڭنىڭ كۇيىنە ريزا بولعان ايجان سول ارادا دومبىراعا ءتۇسىرىپ الادى. وسى جۇرگەندە قۇرمانعازى پاپاستىڭ «جىگەر» كۇيىن الدەنەشە رەت ەستىپ، اسا ريزا بولادى. ءبىراق تۆورچەستۆالىق كەزەڭنىڭ ەڭ ءبىر كوڭىلدى تۇسىنا كەلگەننەن بە، قۇرمانعازى «جىگەرگە» ەلىكتەپ، ءوزى ءبىر كۇي شىعارادى. ىرعاقتىق جاعىنان قۇرمانعازىنىڭ «جىگەرى دە» پاپاس ۆاريانتىنا ۇقسايدى. ءبىراق كۇيدىڭ ديناميكالىق قۇرىلىمى مۇلدە باسقا بولادى.

 

---