ايگىلى باس اسپازدار مەيرامحانالاردا تاپسىرىس بەرۋگە بولمايدى دەگەن 8 تاعام
ۋاقىتىمىزدى جاقسى وتكىزىپ، شەبەر اسپازدار جاساعان ءدامدى تاعامداردان ءدام تاتۋ ءۇشىن مەيرامحاناعا نەمەسە كافەگە كىرگەن كەزدە ءوزىمىز تاپسىرىس بەرگەن تاعامداردىڭ ساپالى ءالى جاڭا پىسكەن ەكەنىنە سەنىمدى بولعىمىز كەلەدى.
ءبىز ءدامىن كورىپ، كوڭىلىمىز قالماس ءۇشىن الەمنىڭ ەڭ ۇزدىك اسپازدارىنىڭ ايتۋىنشا مەيرامحانالاردا تاپسىرىس بەرۋگە بولمايتىن تاعامداردىڭ ءتىزىمىن جاساپ شىقتىق.
جاقسىلاپ تۇرىپ قۋىرىلعان ستەيك
امەريكالىق باس اسپاز ەنتوني بۋردەن (Anthony Bourdain) اسپاز قاتتى، جارامسىز دەگەن ەتتىڭ ءبارىن تاستاي سالۋى مۇمكىن....نەمەسە جاقسىلاپ قۋىرىلعان ستەيككە ساقتاپ قويۋى مۇمكىن دەيدى.
البىرت قوسىلعان سۋشي
ءبىزدىڭ البىرت قوسىلعان سۋشيلەر مەن روللداردى ۇناتاتىندارعا جاعىمسىز جاڭالىعىمىز بار. باس اسپاز حەنك سكرەمپتون (Hank Scrampton) تۇششى سۋدان اۋلانعان البىرتتان جاسالعان تاعامدارعا جولاماعان ءجون دەيدى. ويتكەنى ولار پارازيتتەردىڭ جايلى مەكەنى. ءبىراق، ارتىق بايبالام سالۋدىڭ كەرەگى دە جوق: بالىقتى مۇزداتۋ ءادىسى پارازيتتەردىڭ كوزىن جويادى. «سۋشيلەر مەن روللدارعا ارنالعان بالىقتاردىڭ بارلىعى دەرلىك وسىنداي وڭدەۋدەن وتەدى. بۇل وتە جاقسى»، -دەپ ەسەپتەيدى باس اسپاز.
ءبىراق، سوندا دا كۇدىكتەن ارىلا الماساڭىز، وندا تاعامنىڭ قانداي بالىقتان دايىندالعانىن سۇراعانىڭىز ارتىق بولمايدى.
ۆەگەتارياندىق تاعامدار
Food Network Magazine جۋرنالى اقش-تىڭ باس اسپازدارىنا ساۋالناما جۇرگىزدى. سوندا سۇرالعانداردىڭ 15 %-ى مەيرامحانالارداعى ۆەگەتارياندىق تاعامداردىڭ بۇل تۇسىنىككە مۇلدەم ۇيلەسپەۋى مۇمكىن ەكەنىن مويىندادى. ەگەر ءسىز ۆەگەتارياندىقتى قاتتى ۇستاناتىن بولساڭىز، وندا اسپازعا ءوزىڭىزدىڭ ۇستانىمىڭىزدى قايتا-قايتا ەسكەرتۋدى ۇمىتپاڭىز. ءارى اباي بولىڭىز، كەيبىر اسپازدار ءسىزدىڭ سالاتىڭىزعا ازداعان تۋنەس نەمەسە شۇجىق ارالاستىرىپ جىبەرۋى ابدەن مۇمكىن. «ۆەگەتارياندار مەن ۆەگاندار كەز كەلگەن اسپازدىڭ ىعىرىن شىعارادى. كەيدە سولاي ىستەۋگە تۋرا كەلىپ كەتەدى»، - دەپ مويىندايدى ەنتوني بۋردەن.
ايسبەرگ سالاتى
مەيرامحانادا جۇمىس ىستەيتىن قىزمەتكەرلەر ەشقاشان دا وزدەرىنە ايسبەرگ سالاتىنا تاپسىرىس بەرمەيدى. ەڭ باستى ءقاۋىپ – سالات جاپىراقتاردىڭ دىمقىل قۋىستارىنا جايلانىپ الاتىن باكتەريالاردى جاقسى كورەدى. ايسبەرگتى ميكروورگانيزمدەردەن تولىق ارىلتىپ جۋۋ مۇمكىن ەمەس.
نان
ءۇش امەريكالىق باس اسپاز Food Network Magazine جۋرنالىنا جەلىنبەگەن نان تىلىكتەرى ۇستەلدەن ۇستەلگە اۋىسىپ وتىراتىنىن مويىندادى. ارينە، ۇستەلگە اپارماس بۇرىن ونى جاقسىلاپ قىزدىرىپ الادى. ءبىراق، ول جاڭا پىسكەن نانداي قايدان بولسىن؟
دۇيسەنبى كۇنگى بالىق
ەنتوني بۋردەننىڭ ايتۋىنشا، كوپتەگەن مەيرامحانالار بالىقتى دەمالىس كۇندەرىنىڭ الدىندا – بەيسەنبىدە نەمەسە جۇمادا ساتىپ الادى. ال دەمالىس كۇندەرى ادەتتە بالىق بازارلارى جابىق بولادى. ال جاڭا اۋلانعان بالىق ءۇش كۇنگە عانا شىدايدى. سوندىقتان دۇيسەنبى كۇنى ءسىز تۇرىپ قالعان بالىقتان ءدام تاتاسىز نەمەسە مۇزداتىلعان بالىقتى قاناعات تۇتاسىز.
ۋستريسالار
تەڭىز تاعامدارىن عانا ازىرلەيتىن مەيرامحانالاردان باسقا جەردەن ۋستريساعا تاپسىرىس بەرمەڭىز. تۇرىپ قالعان ۋستريسامەن وڭاي ۋلانىپ قالۋعا بولادى. سوندىقتان، مەيرامحانانىڭ ونى سەنىمدى ادامداردان، بالعىن كۇيىندە الاتىنىنا كوز جەتكىزىڭىز.
مەكەمەگە «بەيىمدەلمەگەن» تاعامدار
نيۋ-يوركتىك باس اسپاز مايكل ارمسترونگ (Michael Armstrong) مەيرامحانانىڭ ماماندانعان تاعامىنا عانا تاپسىرىس بەرىڭىزدەر دەپ كەڭەس بەرەدى: «پيسسەريادان پاستاعا، ال ستەيكحاۋستان بالىققا تاپسىرىس بەرىپ، جاقسى تاعام كۇتپەڭىز». شىنىمەن دە، سيرەك تاپسىرىس بەرەتىن تاعامداردىڭ ازىق-تۇلىگى مەيرامحانا توڭازىتقىشىندا ۇزاق جاتىپ قالۋى مۇمكىن. تۇرىپ قالعان ازىقتان پايدالى تاعام جەيمىن دەۋ بەكەرشىلىك.
سۋرەتتەر: depositphotos، depositphotos، depositphotos Business Insider، Daily Mail، mashed، Food Network Magazine ماتەريالدارىنان دايىندالعان.
You Might Also Like
-
ەرتەدە الاسا بويلى، شاعىن دەنەلى ءبىر ادام ءومىر ءسۇرىپتى. ونىڭ ەسىمى مۋكراھ بولاتىن. الايدا ەل ونى كىشكانتاي مۋك دەپ اتاۋشى ەدى. بويى بار بولعانى ءۇش فۋتتاي عانا بولاتىن ادامعا وسىنداي ەسىم ابدەن لايى...
-
قوستاناي وبلىسىندا ەكى مەكتەپ ليسەنزياسىز جۇمىس ىستەگەن، دەپ جازادى قازاقپارات ءتىلشىسى. بۇل تۋرالى وبلىستىق ءبىلىم سالاسىن باقىلاۋ دەپارتامەنتىنىڭ باسشىسى ورال قاپپاسوۆ حابارلاعان.
