قوستاناي وبلىسىندا ەكى مەكتەپ ليسەنزياسىز جۇمىس ىستەگەن
قوستاناي وبلىسىندا ەكى مەكتەپ ليسەنزياسىز جۇمىس ىستەگەن، دەپ جازادى قازاقپارات ءتىلشىسى. بۇل تۋرالى وبلىستىق ءبىلىم سالاسىن باقىلاۋ دەپارتامەنتىنىڭ باسشىسى ورال قاپپاسوۆ حابارلاعان.
تاران اۋدانى سمايلوۆسك ورتا مەكتەبىندە مۇلدە ليسەنزيا بولماعان، ال قوستاناي اۋدانى التىنسارين ورتا مەكتەبىندە جالپى ورتا ءبىلىم بەرۋ دارەجەسى بويىنشا ليسەنزياعا قوسىمشا بولماعان.
«تاران اۋداندىق سوتىنىڭ شەشىمىمەن سمايلوۆسك ورتا مەكتەبى اكىمشىلىك جاۋاپكەرشىلىككە تارتىلدى، - دەپ ءمالىم ەتتى ورال قاپپاسوۆ. - ناتيجەسىندە مەكتەپ 100 ايلىق ەسەپتىك كورسەتكىش كولەمىندە ايىپپۇل تولەدى».
وبلىستىق ءبىلىم سالاسىن باقىلاۋ دەپارتامەنتىنىڭ باسشىسى ورال قاپپاسوۆتىڭ ايتۋىنشا، سوڭعى 5 جىلدا وڭىردەگى مەكتەپ سانى 10 پايىزعا قىسقارعان: 55 باستاۋىش جانە ورتا ءبىلىم بەرۋ مەكەمەسى ءوز ليسەنزياسىنىڭ جانە ونىڭ قوسىمشاسىنىڭ توقتاتىلۋىن ءوتىنىپ ءوتىنىش جازعان. 2 مەكتەپتىڭ ليسەنزياسى سوت شەشىمىمەن توقتاتىلعان. ولار: فەدوروۆ اۋدانى ۆلادىكين اۋىلى مەكتەبى جانە تاران اۋدانى سمايلوۆسك ورتا مەكتەبى.
You Might Also Like
-
ۋاقىتىمىزدى جاقسى وتكىزىپ، شەبەر اسپازدار جاساعان ءدامدى تاعامداردان ءدام تاتۋ ءۇشىن مەيرامحاناعا نەمەسە كافەگە كىرگەن كەزدە ءوزىمىز تاپسىرىس بەرگەن تاعامداردىڭ ساپالى ءالى جاڭا پىسكەن ەكەنىنە سەنىمدى ب...
-
حاراكيري، نەمەسە جاپونداردىڭ ءوز تىلىندە سەپپۋكۋ – ورتا عاسىردا سامۋرايلار ورتاسىندا قابىلدانىپ، حح عاسىرعا دەيىن جالعاسقان ءوزىن-وزى ءولتىرۋ جورالعىسى.
