ايشا ءبيبى كەسەنەسى
حالىق اڭىزى بويىنشا، ايشا ءبيبىنىڭ كوركىنە اقىلى ساي سۇلۋ بولعان. قاراحان ەلىنىڭ باتىرى ايشاعا عاشىق بولادى. قىز دا جىگىتتى ۇناتىپ جۇرەدى. تويعا جاقىن قالعاندا شىعىستان شاپقان جاۋعا باتىر اتتانىپ كەتەدى. سول سوعىستان قايتىپ كەلە جاتقان جىگىتتى ايشا كۇتىپ الماقشى بولىپ، قارسى شىعادى. اسى وزەنىنە كەلىپ، ايشا ءبيبى سۋعا شومىلماقشى بولادى. سۋدان شىعىپ، كيىمىن كيىپ جاتقاندا ساۋكەلە ىشىنە كىرىپ كەتكەن جىلان قىزدى شاعىپ الادى. ولەر الدىندا باتىر ەكەۋى جولىعىپ، نەكەلەسەدى. باتىر جىگىت سۇيگەن جارى ايشاعا ارناپ ءزاۋلىم كۇمبەز ورناتىپتى. وسى كۇمبەز تاراز قالاسىنىڭ ماڭىندا ورنالاسقان.
عيماراتتىڭ ساقتالعان جالعىز قابىرعاسىنىڭ ءوزىن زەرتتەۋ بارىسىندا XI - XII عاسىرلارعا ءتان قۇرىلىستىڭ ويۋ-ورنەكتەرىنىڭ اسەمدىگىنە، قۇرىلىسشىلاردىڭ شەبەرلىگىنە تاڭ قالارلىقتاي. عيماراتتىڭ ءتورت قابىرعاسى دا اشەكەيلى ەتىپ ويمىشتالعان كىرپىشتەرمەن بىر-بىرىنە ۇشكىلدەپ، قيىستىرا قالانعان. ەسىك-تەرەزەلەرىنىڭ ماڭدايشالارى شىعىس ۇلگىسىندە تەكشەلەنە ءورىلىپ، شاتىر ارقالىعىمەن بايلانىستىرىلعان. بۇلاردىڭ بارلىعى دا ورنەكتى تاقتاشالارمەن كومكەرىلگەن. ايشا ءبيبى مازارىنداعى قولدانىلعان ويۋ-ورنەكتەر بۇكىل قازاق دالاسىنا ءتان قۇرىلىستاردى بەزەندىرۋدىڭ جيىنتىعى دەۋگە دە بولادى. مازار قابىرعاسىنىڭ سىرت بەتىنە قالانعان ءتورت بۇرىشتى كىرپىشتەرگە ويىلىپ سالىنعان ويۋ-ورنەكتەر ۇلگى-بىتىمى جاعىنان بىردەي بولعانمەن، كولەمىندە ەپتەپ تە بولسا اۋىتقۋ بار. مۇنىڭ ءوزى ءاربىر كىرپىشتىڭ قالىپتا قۇيىلماي، قولدان ويىلعانىن كورسەتەدى. بۇگىندە تۋعان ولكەمىزدەگى ساۋلەت ونەرىنىڭ ءىنجۋ-مارجاندارىنىڭ ءبىرى — ايشا ءبيبى مازارىن قالپىنا كەلتىرۋ جۇمىستارى جۇرگىزىلدى.
You Might Also Like
-
ەگەر ءسىز قازاقستاندا تۇرساڭىز جانە بارلىق جەردە سالىق تولەپ، بارلىق جەردە جۇرتشىلىق ول تۋرالى زارلاپ جۇرەدى دەپ ويلاساڭىز، قاتەلەسەسىز. وزگەشە جۇيەلەر قۇرعان مەملەكەتتەر دە بار، ول جۇيەلەر سالىق ءتو...
