بالاباقشاعا بارماعان بالانىڭ ورنى ساقتالادى - اسحات ايماعامبەتوۆ
كوروناۆيرۋسقا بايلانىستى بالاباقشاعا بارماعان بالانىڭ ورنى ساقتالىپ قالادى. بۇل تۋرالى ورتالىق كوممۋنيكاسيالار ورتالىعىندا وتكەن بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«مەملەكەت باسشىسى قاسىم-جومارت كەمەل ۇلى توقايەۆتىڭ توتەنشە جاعداي ەنگىزۋ تۋرالى جارلىعىنىڭ شەڭبەرىندە ءبىلىم جانە عىلىم سالالارىندا الدىن الۋ شارالارى جۇرگىزىلۋدە. مۇنىڭ الدىندا دا وسى تۋرالى حابارلاما بەرگەن بولاتىنبىز. جالپى ءبىلىم جانە عىلىم مينيسترلىگىنىڭ مەملەكەت باسشىسىنىڭ تاپسىرماسىن ورىنداۋ ماقساتىندا ءتيىستى، ارنايى بۇيرىق قابىلداندى. بۇيرىق بويىنشا مۇعالىمدەردىڭ، ديرەكتورلارلىڭ جانە باسقا دا ءبىلىم سالاسى قىزمەتكەرلەرىنىڭ ىستەيتىن جۇمىستارى تۋرالى ءبىز قادام-قادام بويىنشا جىكتەپ، تاپسىرمالار بەردىك»، - دەيدى اسحات ايماعامبەتوۆ.
ول وسى سالاعا قاتىستى ءبىرقاتار ماسەلە بار ەكەنىن ايتتى.
«بىرىنشىدەن، مەكتەپكە دەيىنگى ءبىلىم بەرۋ مەكەمەلەرىنە قاتىستى ماسەلە. بالالارىن بالاباقشاعا اپارۋ-اپارماۋ ماسەلەسىن اتا-انالار وزدەرى شەشەدى. بۇرىنعىداي بالا بالاباقشاعا بىرنەشە كۇن كەلمەسە ورنىن الىپ قوياتىن نورمانى الىپ تاستادىق. كوروناۆيرۋسقا بايلانىستى بالا بالاباقشاعا بىرنەشە كۇن كەلمەسە دە ورنى ساقتالىپ قالادى. بۇل ماسەلەنى وسىلاي شەشتىك. ءبىز جۇرگىزگەن مونيتورينگ ناتيجەسى بويىنشا، بۇگىن - توتەنشە جاعدايدىڭ ءبىرىنشى كۇنى ەلىمىزدىڭ بالاباقشالارعا بالالاردىڭ 40%-ى عانا بارعان. قالعانى ۇيدە قالىپ وتىر. مۇمكىندىك بولاتىن بولسا، اتا-انالارعا بالالارىن ۇيدە الىپ قالۋدى ۇسىنامىز»، - دەيدى ول.
You Might Also Like
-
كوروناۆيرۋسقا بايلانىستى مەكتەپ مۇعالىمدەرى كانيكۋل كەزىندە ۇيدە جۇمىس ىستەي الادى. ولارعا جالاقىلارى تولىق تولەنەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
-
مىڭ سەگىز ءجۇز توقسان بەسىنشى جىلداردىڭ مولشەرى. سەمەي وبلىسى، سۋىقبۇلاقتا جالعىز بەكەت ۇيگە كەلىپ تۇستىك. ءبىز جۇرگىنشىمىز، جيىرما شاقتى جۇك تيەلگەن شانامىز بار. قىستىڭ ورتا كەزى ەدى. ات شانالاردى ك...
