مۇعالىمدەر ۇيدە وتىرىپ جۇمىس ىستەيدى - مينيستر
كوروناۆيرۋسقا بايلانىستى مەكتەپ مۇعالىمدەرى كانيكۋل كەزىندە ۇيدە جۇمىس ىستەي الادى. ولارعا جالاقىلارى تولىق تولەنەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«مەملەكەتتىك قوسىمشا ءبىلىم بەرۋ ۇيىمدارىنىڭ قىزمەتىن 16 ناۋرىزدان باستاپ توقتاتتىق. بۇعان وقۋشىلار مەن جاسوسپىرىمدەر سارايى، مۋزىكا، كوركەمسۋرەت، ونەر مەكتەپتەرى جانە تاعى دا باسقا ءبىلىم بەرۋ ۇيىمدارى جاتادى. بالالار بۇل ۇيىمدارعا بۇگىن بارعان جوق. ەلىمىزدە دامىتۋ ورتالىقتارى سياقتى جەكە مەنشىك ۇيىمدار بار. ول جەكە مەنشىك بولعاندىقتان ءبىزدىڭ قۇزىرەتتىلىگىمىزدە ەمەس دەگەنمەن اتا-انالارعا دامىتۋ ورتالىقتارىنا بالالاردى اپارماي، ءسال كۇتە تۇرۋعا كەڭەس بەرەمىز»، - دەيدى اسحات ايماعامبەتوۆ ورتالىق كوممۋنيكاسيالار ورتالىعىندا وتكەن بريفينگتە.
ول وقۋشىلار قانشا ۋاقىت دەمالاتىنى تۋرالى ايتتى.
«16 ناۋرىزدان 5 ساۋىرگە دەيىن وقۋشىلار كوكتەمگى دەمالىستا بولادى. وسى ۋاقىت ارالىعىندا مەكتەپ مۇعالىمدەرى قاشىقتىقتان جۇمىس ىستەيتىن بولادى. وسىنداي ۋاقىتتا مۇعالىمدەر مەكتەپتە بولىپ، ساباققا دايىندىق جۇمىستارىن، ادىستەمەلىك جۇمىستارىن جۇرگىزەتىن. قازىرگى جاعدايعا بايلانىستى ءبىز ءتيىستى شەشىم قابىلداپ، ونى بارلىق ديرەكتورلارعا جىبەردىك. شەشىمگە سايكەس، مەكتەپ مۇعالىمدەرى دايىندىق جۇمىستارىن ۇيلەرىندە وتىرىپ جۇرگىزۋلەرىنە بولادى جانە جالاقىلارى تولىق تولەنەدى»، - دەيدى ول.
You Might Also Like
-
قاشان دا اڭگىمەنى تۇرلەندىرۋ ءۇشىن باتىردان نە شەشەننەن: «ءسىز ومىرىڭىزدە نەشە مارتە اۋىر سىنعا ءتۇستىڭىز، نەشە رەت جەڭىلدىڭىز، قانشا رەت ءسۇرىندىڭىز؟» دەگەن سياقتى ساۋالدار قويىلادى عوي. م...
-
كوروناۆيرۋسقا بايلانىستى بالاباقشاعا بارماعان بالانىڭ ورنى ساقتالىپ قالادى. بۇل تۋرالى ورتالىق كوممۋنيكاسيالار ورتالىعىندا وتكەن بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
